Yòwanìrzɛ̀ 13:19 - Mokpwe: Bakwery (New Testament)

¹⁹ Nà è òhweyà naŋgɛ ndèŋgàna yè è gbèyɛ̀nɛ. Aŋga nanù è gbèyɛ̀nɛ̀yi tɛ inyɔ è ò lòkɛ̀ nanù ema, ‘Imba Nà Hwelì Ndi Njɛnɛ Èma Nà Hwelì.’

Yòwanìrzɛ̀ 13:19 Mawu Ofanana

Matiyò 11:3

A ma òhwa ama hwa ɛndɛ hwa ijòwa Krirztò nanù ema, “O wa ndi ò hwèlì e Mɔ̀ ema Lohwɛ̀ à mà òhwe nanù ema a òma e? Ŋga i lìmeya ndi ò lì ambɛ̀lɛ òhvɛhvɛ mòtò e?”

Matiyò 24:25

È òkànèyà, nà mà e òhweyà ene eyà ndèŋgànà e ò gbèyɛ̀nɛ.

Lukàrzɛ̀ 21:13

Ène hvònda rzɔ ɔ̀ndi e hwɛnɛ ehvòlò ò lì òhwà hweyà hwe arzɛ e rzɔ̀ŋgìtɛ̀nɛ̀yi lì nò hvòmɛ̀nɛ̀.

Yòwanìrzɛ̀ 1:15

Yòwanìrzɛ̀ à mà òhwa lì mò hvòmɛ̀nɛ̀ nà òmà mɔ̀ à mà akɛ̀lɛ̀ è njàmbɛ̀ nanù ema, “È mòtò ònò ema nà mà hwɛ lì è òhweyà nanù ema, ‘Mòtò mɔ̀kɔ à ò jà ò mburzà yà ami ema à kàrzàmi lì nò àka èhwanja nà è hwiya lì ŋyàahwà mɔ̀ à mà lòma lì hwɛ.’”

Yòwanìrzɛ̀ 14:29

Nà e òhwèlì naŋgɛ ndèŋgàna ye e gbèyɛ̀nɛ, aŋga nanù e gbèyɛ̀nɛ tɛ, ye ò lòkɛ̀yì na lì òhva lì lòkɛ̀ na imba.

Yòwanìrzɛ̀ 16:4

Nà e òhwèlì ndi ene eyà, aŋga nanù, e hvònda e jelì tɛ ema hwene hweyà hwe ò gbèyɛ̀nɛ òma ema ɔ̀ŋgɛ̀lɛ̀ ema nà mà e kòkòwɛlɛ. “Nà rzi lòme lì e òhweyà hwenè hweyà ò hwewòtelì, èhwanja, nà mà hwɛ na inyɔ.

Yòwanìrzɛ̀ 4:26

Yerzù rzìi a mò òhweyà nanù ema, “Imba ema na ò òhwìrzɛ̀nɛ̀ nanù, na hwèlì ndi mɔ̀.”

Yòwanìrzɛ̀ 8:28

O èŋgànɛ̀lɛ̀ Yerzù rzìi a hwa òhwàna nanù ema, “È hvònda ema e ò kàrzɛ è Ŋmanà wà è Mòtò wà Hwènàmà ò ŋmanyu, lìŋgi lìrzakò òma e ma hwiya ema imba na hwèlì ndi e mɔ̀ ema na òhwa e ma na hwèlì. Ndèŋgànɛ̀lɛ̀ hvɛ ema, ò imba mbiti na rza gbeyà tɔ̀ eyà, ndi na òma Tatɛ̀ à mà nò òkòlɛ̀ na òhwa hwene hweyà.

Yòwanìrzɛ̀ 8:58

Yerzù rzi a hwa alàhwɛ̀ nanù ema, “Nà è òhweyà ndi è jɔ̀kɛ̀ ema, ndèŋgàna Abràhamù a e ŋyahwa, imba na hwèlì.”