Yòwanìrzɛ̀ 13:18 - Mokpwe: Bakwery (New Testament)

¹⁸ “Nà rza è òhwàna inyɔ hwa arzɛ. Ndi nà hwi è wɔ̀ ema nà mà hvɔ̀rzɛ̀. Ndi ene eyà è hwèlì ndi nanù, ò lì òndìrzɛ̀ mamɛ è mà tìlahwa ò Kààtì yà Lohwà. È tìlahwì nanù ema, ‘È mòtò ema irzɔ nà mɔ̀ ì làlɛ̀nɛ̀ à nò àyiŋgòwɛ̀lɛ̀lɛ̀yi.’

Yòwanìrzɛ̀ 13:18 Mawu Ofanana

Matiyò 10:36

Hwàkɔ̀yèlì hwa e mòtò, hwa ò uhwɛ̀lɛ̀lɛ ndi ò lìtumba la eni.

Matiyò 26:21

Nà òmà hwa mà hwɛ lì laa, Yerzù rzìi a hwa òhweyà nanù ema, “Nà e òhweyà na e jɔ̀kɛ̀ nanù ema, mɔ̀kɔ wa anyu a ò nò akɛlɛlɛ ò màà mà hwàkɔ̀yèlì hwa ami.”

Matiyò 26:23

Yerzù rzìi à hwa alàhwɛ̀ nanù ema, “Mɔ̀kɔ wà anyu ema à tɔ̀tɔ ehvòòtò yà eni ò mɔ̀njɔ nà imba à ò nò àhwirzɛ̀.

Makòrzì 14:17

Nà òmà ehwànà mòkò e ma ùke Yerzù rzìi a ɛ̀ndɛ aŋga nà lìyòmɛ̀ la Hwà-òkòwèlì na hwàhwàkɛ̀.

Makòrzì 14:18

Nà òmà hwà mà hwɛ lì làa ò tehwèlì, Yerzù rzìi a hwa òhweyà nanù ema, “Nà e òhweyà na e jɔ̀kɛ̀ nanù ema, mɔ̀kɔ wa anyu ema a làa anù nà ìmba a hwɛnì lì nò akɛlɛ ò maà ma hwàkɔ̀yèlì.”

Makòrzì 14:20

Yerzù rzìi à hwa alàhwɛ̀ nanù ema, “Mɔ̀kɔ wà anyu wà lìyòmɛ̀ là Hwà-òkòwèlì nà hwahwàkɛ ema à ò tɔ̀tɔ̀ ehvòòtò yà eni ò mɔ̀njɔ nà imba.

Lukàrzɛ̀ 22:21

Ndi è ɔ̀ŋgɔ tɛ è mɔ̀ ema à ò nò ahwìrzɛ̀ à hwèlì anù, à làa nà ìmba.

Yòwanìrzɛ̀ 13:21

Yerzù à mà kulɛ lì òhwa hwenè hweyà, à mà òhva ndùtù ò ŋmèma mò eni rzìi a òhweyà hwà-òkòwèlì hwa eni gbèegbèe nanù ema, “Nà e òhweyà ndi e jɔ̀kɛ̀, mɔ̀kɔ wa anyu a hwɛnì lì nò akɛlɛ ò màà mà hwàkɔ̀yèlì hwa ami.”

Yòwanìrzɛ̀ 13:22

Hwà-òkòwèlì hwa eni rzi hwa àyinjànɛ̀ kɔ̀yi-kɔ̀yi mɔ̀kɔ na ɔ̀nɛyi èhwanja wɔ̀ hwa rzìi hwiye e mɔ̀ ema à mà hwɛ lì òhwa lì hvòmɛ̀nɛ̀.

Yòwanìrzɛ̀ 13:26

Yerzù rzìi à alàhwɛ̀ nanù ema, “È mòtò ema nà ò tɛ̀tìrzɛ̀ ehvòòtò ema nà ini ò tenì yà ewòki òma mɔ̀ òŋgò.” Nà òma à mà tɔ̀te èhvòòtò ò tenì yà ewòki, rzìi à è ŋgbà Jùdàrzì è ŋmanà wà mùnyanà wà ama Rzìmɔ̀nì Ìrzìkalìyɔ̀tɛ̀.

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Yòwanìrzɛ̀ 15:19

È mà hwɛ tɛ nàa hwatò hwa ene rze, òma e rze ye e wòwi nàa e hwe eni hwatò. Ndi na e hvɔ̀rzì ò ìtììtènì ja hwatò hwa ene rze. O èŋgànɛ̀lɛ̀ e rza enje hwatò hwa ene rze. Ɔ̀ndeŋgàtɛ̀ e rze ye e kɔwu.

Yòwanìrzɛ̀ 15:25

Ène eyà e ma hwɛnɛ lì gbèyɛ̀nɛ mɛnɛ, ò lì òndìrzɛ̀ mamɛ ema e tìlahwì ò e mbenda ya awu nanù ema, ‘Hwà mà nò kɔwu ŋgundɛ-ŋgundɛ.’”

Yòwanìrzɛ̀ 17:12

È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Yòwanìrzɛ̀ 18:32

Ène eyà e ma gbèyɛ̀nɛ ndi nanù, ò lì òndìrzɛ̀ eyà e ma Yerzù à mà lòme lì òhwa, lì hvòmɛ̀nɛ̀ e tumba kpelì ema mɔ̀ à ò ŋwɛ.

Yòwanìrzɛ̀ 19:24

Àŋga ndi hwa òhwalɛnɛ nanù ema, “I rza lì ŋyàawà. Ja aŋgbe ndi lìnjaŋgà jò ɔ̀ŋgɔ njɛnɛ a lì kùwàna.” Ène ema gbèyɛ̀nɛ ndi ò lì òndìrzɛ̀ mamɛ ema e ma tìlahwa ò Kaàti ya Lohwà nanù ema, “Wɔ̀ hwiti hwà mà a kahwɛnɛ̀ màatù ma ami. Rzi hwa aŋgbaanɛ hvɛ lìnjaŋgà ò lì kawa mòŋgòmbè mò ami.” O èŋgànɛ̀lɛ̀ nanù ndi hwaŋga hwàanà njuma hwà mà gbèye.

Yòwanìrzɛ̀ 19:36

Hwenè hwèya hwà mà gbèyɛ̀nɛ ndi ò lì òndìrzɛ̀ mamɛ ema e ma tìlahwa ò Kaàti ya Lohwà nanù ema, “Tɔ̀ èerze ya eni yɔ̀kɔ e rza hwɛndɛhwɛ.”

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Yòwanìrzɛ̀ 6:70

Yerzù rzìi a hwa alàhwɛ̀ nanù ema, “Rzeke nà mà è hvɔ̀rzɔ̀ inyɔ lìyòmɛ na hwahwàkɛ ndi mɔ̀kɔ hwa anyu a hwèlì ndi mòkarzɛ̀”

Hwègbèèlì 1:16

“Ìi wònyamòwè kòkò, hweyà ema hwe mà tìlahwa ò kààtì yà Lohwà hwe mà hwɛnɛ lì òndìrzɛ̀hwɛ. Èlìŋgɛ̀ yà wòtani è mà lòma lì òhwa ò wàna yà ama Dàhwitì lì hvòmɛ̀nɛ̀ Jùdàrzì ema à mà tìmba hwatò ò lì ɛndɛ lì ŋgbaŋgɛ Yerzù.

Hwègbèèlì 1:2

natɛ̀ɛ na e hvònda ema Lohwɛ̀ a mà mò gbeeyà ò lì ɛndɛ ò ŋmanyu yà lohwà. Ndèŋgàna a e ɛndɛ ò ŋmanyu yà lohwà, a mà gbeyàna e ŋginyà ya èlìŋgɛ̀ yà wòtani, ò lì òhweyà hwatò ema à mà hvɔ̀rzè nàa i àpɔ̀rzìtòlò ja eni hweyà ema hwà mà aŋgàmɛ̀nɛ̀yi lì gbeyà.

2 Kɔ̀rintìyà 4:5

Ɔ̀ndeŋgàtɛ̀ i rza ohwa ndi o lì ayèkirzɛ̀ irzɔ hwiti. Ndi irzɔ je e ohweyà nanù ema Yerzù ndi à hwèlì e Rzàŋgo. O nyòla ama Yerzù irzɔ i hwèlì ndi hwàgbèèlì hwa anyu.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.