Yòwanìrzɛ̀ 13:13 - Mokpwe: Bakwery (New Testament)

¹³ Inyɔ e nò hwɛlɛ Mòòkòlèlì, na Rzàŋgò, ndèŋgàna e hvòmɛ̀nɛ̀yi, èhwanja nanù ndi imba na hwèlì.

Yòwanìrzɛ̀ 13:13 Mawu Ofanana

Matiyò 20:28

nyàyi hvɔ̀kɔ hvɛ mɛnɛ nàa è Ŋmanà wà è Mòtò wà Hwènàmà a rzìi jɛ̀ɛ̀ ema hwatò hwa mò gbèeyà, ndi mɔ̀ à jelì ò lì gbèeyà hwatò, na ò lì ŋgba lòŋgɛ la eni nàa tùŋge ò lì kɔ̀tɔ̀ rzayì-rzayì ja hwatò.”

Lukàrzɛ̀ 10:28

Yerzù rzìi a mò alàhwɛ̀ nanù ema, “Ò alàhwɛ̀ gbamù. O gbèyi tɛ nanù ò lùwà lòŋgɛ la mòtɛ.”

Lukàrzɛ̀ 6:46

“Mamɛ ndeŋgàtɛ è nò hwɛlɛ nanù ema, ‘Ìi Rzàŋgò, Ìi Rzàŋgò,’ ndi e rza gbeyà mamɛ ìmba na òhwa e?

Lukàrzɛ̀ 7:43

Rzìmɔ̀nì à mà tìmbirzɛlɛlɛ nanù ema, “Òŋgò ema à ma hwɛnɛ lìyɛmɛ lì ndɛnɛ̀.” Yerzù à mà mò alàhwɛ̀ nanù ema, “Ò hvòmɛ̀nɛ̀yi.”

Yòwanìrzɛ̀ 11:2

Manù Màlìyɛ̀ ndi mà hwèlì è mɔ̀ ema à mà nyàlɛ̀ lìyɔ̀ki là hvɛ̀ɛ̀hvɛ̀ ò màtaŋgà ma mà Rzàŋgò rzìi à mà titòwàna lìhvumbu là eni. Ndòmɛ̀ wà eni Làrzàrɔ̀rzì ndi à mà hwɛ lì ɔ̀kirzɛ̀.

Yòwanìrzɛ̀ 11:28

O mburza ema Mata à mà òhwɛ nanù, rzìi a timbeya Màlìyɛ̀ rzìi a mò hwɛlɛ ò tòŋgòŋgò rzi a mò òhweyà nanù ema, “È Mòòkòlèlì a hwèlì anù, a ò ijò.”

Yòwanìrzɛ̀ 11:3

Aŋga ndi indòmɛ̀ jà eni jà à òmɛ̀nɛ̀ Yerzù ŋmɛ̀ndì nanù ema, “Rzàŋgò, mbunda aŋgɔ̀ wa ndìŋgɛ ya màlìŋgò a òkà.”

1 Kɔ̀rintìyà 12:3

O èŋgànɛ̀lɛ̀ rzɔ na arza ema e rzɔ̀ŋgìtɛ̀nɛ̀ nanù ema, tɔ̀ mòtò tɔ̀ mɔ̀kɔ ema a ondi na Èlìŋgɛ̀ ya ama Lohwɛ̀, a rza tanɛ lì ohwa nanù ema, “Yerzù a jemahwi” Rzi tɔ̀ mɔ̀kɔ a rza tanɛ a ohwa nanù ema “Yerzù a hwèlì ndi Rzàŋgo” ema rzeketɛ Èlìŋgɛ̀ yà Wòtani ndi è mò òŋgòwani.

1 Kɔ̀rintìyà 8:6

Ndi irzɔ i hwi nanù ema, ò hwèlì ndi Lohwà lɔ̀kɔ. Tatɛ̀ ema à wèki hwema hwe arzɛ, Mɔ̀ ndeŋgatɛ irzɔ i hwèlì lòŋgɛ. Ò hwèlì hvɛ ndi Rzàŋgo hvɔ̀kɔ, Yerzù Krirztò, lì akeyà nà Mɔ̀ ndi Lohwɛ̀ à wèki hwèmà hwe arzɛ, Mɔ̀ ndeŋgatɛ irzɔ i hwèlì lòŋgɛ.

Ɛ̀hvìrzìyà 6:9

Inyɔ hwatò ema è ohvi hwàkòmì è ɔŋgeya hwàkòmì hwa anyu gbamù. È rzìi hwa kàkɛ̀nɛ̀ nanù ema hwa ò taka. È hwiye nanù ema inyɔ nà wɔ̀ hwa arzɛ è hwèlì ndi ò rze yà è mbenda. È mɔ̀ ema mɔ̀ mɛnɛ ndi à hwèlì ò ŋmanyu yà Lohwà, ndèŋgàna mɔ̀ à rza tìmbana tɔ̀ mòtò mburzà.

Hvìlipìyà 2:11

Hwàto hwa arzɛ hwa o ohwa nanù ema Yerzù Krirztò ndi à hwèlì e Rzàŋgo. Aŋga nanù Lohwɛ̀ ema a hwèlì e Tatɛ̀ a o luwa èluhwe.

Hvìlipìyà 3:8

Rzeketɛ hweŋge hweyà mɛnɛ, ndi na wowi hweyà hwe arzɛ nàa eyoyo, na hwe mɛnɛni tɛ na eŋge eyà ndɛnɛ ema e hwèlì o lì hwiya Yerzù Krirztò e Rzàŋgo ya ami. Èhwànja hweŋge hweyà hwe arzɛ hwe hwèlì ndi eyoyo ndèŋgànɛ̀lɛ̀ nà hwe ɛnɛ ndi nàa mbindo aŋga nanù na hwiya Krirztò,

Jèmìrzì 2:19

Inyɔ e lòkɛ̀yi nanù ema o hwèlì ndi Lohwɛ̀ lɔ̀kɔ e? Gbamù rzayi! Tɔ̀ hwèlìŋgɛ̀ hwe wòhwe hweyɔ hvɛ hwe lòkɛ̀yi nanù, hweyɔ hwe tumeya mòkàmbiya.