Yòwanìrzɛ̀ 13:12 - Mokpwe: Bakwery (New Testament)

¹² Nà òma Mɔ̀ à mà kulɛ lì hwa rzòrza mataŋgà mà awu, rzìi a timbirzɛ e kòti ya eni ò nyò, a tìmba hvɛ ò hwèlìyelì hwe eni. A ma hwa ijòwa nanù ema, “È rzɔ̀ŋgìtɛ̀nɛ̀yi mamɛ na e gbèelì nanù e?”

Yòwanìrzɛ̀ 13:12 Mawu Ofanana

Matiyò 13:51

Yerzù rzìi a ijòwa hwà-òkòwèlì hwa eni nanù ema, “Inyɔ e ma rzɔ̀ŋgìtɛ̀nɛ̀ hwenè hwèyòkòwèlì hwe arzɛ e?” Wɔ̀ rzìi hwa mò alàhwɛ̀ hwa ama “Ɛ̀ɛ.”

Makòrzì 4:13

Yerzù rzìi à hwa ijòwa nanù ema, “È rza rzɔ̀ŋgìtɛ̀nɛ̀ mònò ŋmàna e? È rza rzɔ̀ŋgìtɛ̀nɛ̀ tɛ mònò ŋmàna, nɛ è tànɛyi ò lì rzɔ̀ŋgìtɛ̀nɛ̀ mènɛ̀yi meyànà e?

Lukàrzɛ̀ 22:27

O hwèlì tɛ hwatò hwàhwàkɛ̀, mɔ̀kɔ ema à lìyayi ò tehwèlì, nà ɔ̀nɛ̀yi ema à hwèlì lì mò gbèeyà, njɛnɛ à akayi ɔ̀nɛ̀yi e? Rzekɛ è mɔ̀ ema à lìyayi ò tehwèlì e? Ndi ìmba nà hwèlì anù nà inyɔ nàa mògbèèlì wà ànyu.

Yòwanìrzɛ̀ 13:4

Nà òma hwà mà hwɛ ò lì làa Yerzù rzìi a tɛ̀mɛ̀nɛ ò ŋmanyu, rzìi a ulɛ e kòti ya eni, rzi a akpatɛ nà e tawelì ò wòluwe wò eni.

Yòwanìrzɛ̀ 13:7

Yerzù rzi a mò alàhwɛ̀ nanù ema, “O nàŋgɛ nanù ò rza tànɛyi lì rzɔŋgìtɛ̀nɛ̀ mamɛ ema na gbeyà, ndi ò mburza hwene hweyà hwe arzɛ o ò rzɔ̀ŋgìtɛ̀nɛ̀.”