Yòwanìrzɛ̀ 13:1 - Mokpwe: Bakwery (New Testament)

¹ O ma kòmbɛ̀nɛ̀ ndi e hvònda ya è Ndèma yà lì Akà Ɔ̀nɛ̀yi. Yerzù à mà hwiya ema e hvònda ya eni e ma kòmbɛnɛ ò mɔ̀ lì hwɛmɛ ene rze, ò lì tìmba ò ma Tatɛ̀. À mà lìŋgàna hwatò hwa rze ema hwà mà mò lòkɛ̀yi. À mà hwa uŋmɛ̀lɛ̀ e ndìŋgɛ natɛ̀ɛ na ò lìrzùkù.

Yòwanìrzɛ̀ 13:1 Mawu Ofanana

Matiyò 26:45

Rzìi à jèeyà hvɛ Hwà-òkòwèlì hwa eni hwaayɛ a hwa òhweyà nanù ema, “È lìmelì ndi ò ijɔ nanù mɛnɛ na lì Arzìyòlɛ̀ e? È ɔ̀ŋgɔ tɛ! È hvònda ene ema è Ŋmanà wà è Mòtò wà Hwènàmà a ò ŋgbààhwà ò màà mà hwatò hwa wòhwe.

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Lukàrzɛ̀ 22:53

Mamɛ ndeŋgàtɛ è rzi nò ŋgbàŋgɛ̀ ò Ndawò yà Lohwà e? Ì mà hwɛ ò Ndawò yà Lohwà wùnyà tɛ, ndi è rzi nò lɛ̀mbɛ̀, ndi lìrzàkò là anyu lì mà uka naŋgɛ. Jììtìtì ndi ì kànèyà naŋgɛ.”

Lukàrzɛ̀ 9:51

Nàŋgɛ è hvònda ema Yerzù a mà hwɛnɛ lì ɛ̀ndɛ ò ŋmanyu yà lohwà è mà kòmbɛ̀nɛ̀. O èŋgànɛ̀lɛ̀ rzɔ à mà kàkɛ̀nɛ̀ nanù ema à hwɛnì lì ɛ̀ndɛ ò Jèrurzalɛ̀mù.

Yòwanìrzɛ̀ 11:55

È hvònda ya è Ndèma yà lì Akà Ɔ̀nɛ̀yi è mà kòmbɛnɛ. O èŋgànɛ̀lɛ̀ rzayi-rzayi ja hwatò hwà mà uwɛ̀lɛ̀lɛ̀yi ò màmbowà mà arzɛ hwà mà ja ò Jèrurzalɛ̀mù lì a tatòwɛ na òma e mbenda ya ama Mòrzè e ma arze, ò lì wòŋgirzɛnɛ è Ndèma yà lì Akà Ɔ̀nɛ̀yi.

Yòwanìrzɛ̀ 12:23

Yerzù rzìi a hwa alàhwɛ̀ nanù ema, “È hvònda e ma uka ema èluhwe ya ama è Ŋmanà wà è Mòtò wà Hwènàmà e hwɛni lì ɛnɛhwɛ.

Yòwanìrzɛ̀ 13:29

Kànatɛ̀ Jùdàrzì ndi à mà hwɛ lì uta wòlì, lòŋgò là Hwà-òkòwèlì hwa mà ɔ̀ŋgɛ̀lɛ̀ ndi nanù ema Yerzù à mà hwɛ ndi lì mò òhweyà ema à ande mamɛ ema è mà arzahwa ò ndèma yà lì aka ɔ̀nɛyi. Tɔ̀ ò lì ŋgbà mèlìrza mè hwatò hwema.

Yòwanìrzɛ̀ 13:3

Yerzù à mà hwiya nanù ema Tatɛ̀ wa eni à mà màa lì mò ika hweyà hwe arzɛ ò màa me eni. A ma hwiya ama à mà uwɛ̀lɛ̀lɛ̀yi ndi ò ma Lohwɛ̀ ndèŋgàna à mà hwɛnɛ ndi lì tìmba òma Lohwɛ̀.

Yòwanìrzɛ̀ 13:34

Mbenda hvènya ene ema nà è ŋgbà naŋgɛ, è alìŋgànɛ mɔ̀kɔ nà ɔ̀nɛyi. Nà òma nà mè lìŋganè, ò èŋgànɛ̀lɛ̀ è hwɛnì lì alìŋganɛ̀ mɔ̀kɔ nà ɔ̀nɛyi.

Yòwanìrzɛ̀ 14:28

È ma hwèya na òma na òhwa nanù ema, ‘Nà e lìyà ndi na e timbeya hvɛ.’ È ma nò lìŋgana tɛ, òma e òki mɔ̀nyɛ̀ŋgì ema, imba na ɛ̀ndɛ ò ma Tatɛ̀, èhwanja Tatɛ̀ ndi à Olò lì nò aka.

Yòwanìrzɛ̀ 14:31

Ndi e rze, e hwɛnì lì hwiya ema na lìŋgàni Tatɛ̀ wa ami, ɔ̀ndeŋgàtɛ̀ na hwɛnì ndi lì gbeyà mamɛ ya arzɛ e ma Tatɛ̀ wa ami à mà nò kànèyà ema na gbeye. “È je ja anjiye anù naŋgɛ.

Yòwanìrzɛ̀ 16:28

Nà mà uwɛ̀lɛ̀lɛ̀yi ndi òma Tatɛ̀, rzi nà jà ò rze. Nàŋgɛ nanù imba nà è lìya è rze ò lì ɛ̀ndɛ lì tìmba ò mà Tatɛ̀.”

Yòwanìrzɛ̀ 17:1

Nà òma Yerzù à mà kulɛ lì òhwa hwenè hweyà, à mà ɔ̀ŋgɔ ò ŋmanyu yà lohwà rzìi a òhwa nanù ema, “Tatà e hvònda e ma ja, uŋmɛ̀lɛ̀ hwatò èluhwe ya ama è Ŋmanà wà aŋgɔ̀, aŋga nanù è Ŋmanà wà aŋgɔ̀ mɔ̀ hvɛ a ò uŋmɛ̀lɛ̀ èluhwe.

Yòwanìrzɛ̀ 17:16

Tɔ̀ nanù ema na rza enje mòtò wa ene rze, wɔ̀ hvɛ hwa rza enje hwatò hwa ene rze.

Yòwanìrzɛ̀ 17:26

Imba na gbèyi nanù ema hwa ò hwiye, na ɛ̀ndɛ ndi ò wòrzò lì gbeyà nanù mɛnɛ, aŋga nanù e ndìŋgɛ ema ò nò hwɛnɛni e ò hwɛ ò tenì ya awu, ndèŋgàna imba hvɛ na hwɛ na wɔ̀.”

Yòwanìrzɛ̀ 17:5

Ìi Tatà wuluhwa èluhwe ya ami ò èki ema ò wà witi ò hwèlì, mòlemilemi mò èluhwe ema nà mà hwɛnɛ na ò hwa ndèŋgàna hwewòtelì hwe ene rze.

Yòwanìrzɛ̀ 18:4

Yerzù à mà hwɛ à mà hwiya mamɛ yà arzɛ è mà hwɛnɛ lì mò gbèyɛ̀nɛ, ama wurza rzìi à hwa ijòwa nanù ema, “Njɛnɛ à hwèlì è mòtò è arza e?”

Yòwanìrzɛ̀ 19:28

O mburza nanù Yerzù à mà hwiya ema hweyà hwe arzɛ hwe ma kùwa. O lì òndìrzɛ̀ mamɛ e ma tìlahwa ò Kaàti ya Lohwà rzìi mɔ̀ à òhwa nanù ema, “Nà hwèya e nyìrzɛ̀.”

Yòwanìrzɛ̀ 2:13

Nà òma e hvònda ya è Ndèma yà lì Akà Ɔ̀nɛ̀yi yà wònyà Yudà e ma kòmbɛ̀nɛ̀, Yerzù à mà agba ò mbòwà yà Jèrurzalɛ̀mù.

Yòwanìrzɛ̀ 6:4

È mà hwɛ ndi e hvònda ema è Ndèma yà lì Akà ɔ̀nɛ̀yi yà wònyà Yudà ema kòmbɛ̀nɛ̀.

Yòwanìrzɛ̀ 7:30

Nà òma à mà òhwe nanù, hwa keka ò lì mò ŋgbaŋgɛ, ndi tɔ̀ mɔ̀kɔ à rzi mò hwàkɛ lìya ò nyò ya eni, èhwanja è hvònda ya eni e rzi ùke.

Yòwanìrzɛ̀ 7:6

Yerzù rzìi a hwa timbirzɛlɛlɛ nanù ema, “È hvònda ya ami e rzi uki. Ndi inyɔ è hvònda ya anyu e hwèlì ndi tɔ̀ ima hvònda.

Yòwanìrzɛ̀ 8:20

Yerzù à mà òhwa ndi hwenè hweyà nà òma mɔ̀ à mà hwɛ lì òkòlɛ̀ ò Ndawò yà Lohwà. Lì kòmbɛ̀nɛ̀ èki ema hwà mà aŋgbeyà e njàŋge ya e Ndawò yà Lohwà. Ndi tɔ̀ mòtò a rzi tanɛ lì mò hvùma, èhwanja e hvònda ya eni e rzi ùke.

Ròmànì 8:37

Jàyɛ̀, ò hwenè hweyà hwe arzɛ irzɔ i rzùù hvɔ̀mbɔ̀wɔ̀ lì akeyà nà Krirztò mɔ̀ ema à jò lìŋgàni, ndèŋgànɛlɛ à jò òŋgòwànà.

1 Kɔ̀rintìyà 1:8

Rzàŋgo Yerzù mɔ̀hvɛ à hwɛnì lì è etìrzɛ̀ màlòkɛ̀ mà anyu, natɛ̀ɛ nà ò lìrzukù là ene rze. Ò lì arza nanù ema è rza hwɛnɛ lùùrzè ò wùnyà wà ama Rzàŋgo Yerzù Krirztò a o jà o lì kàyìrzɛ̀ hwatò hwa arzɛ.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

Hibrù 6:11

Irzɔ ja arza ndi nanù ema inyɔ e ɛ̀ndɛ̀nɛ̀ èwòlò e anyu o worzo na kumba, natɛ̀ɛ na o lìrzukù, aŋga nanù e luwa hweyà ema inyɔ e ambɛ̀lɛlɛyi na màhvìta.

1 Pètrò 1:13

O eŋgànɛlɛ rzɔ, e a kpatɛ, e woŋgirzɛnɛ o lì gbeyà èwòlò ema Lohwɛ̀ a arza nanù ema e gbeye. È wowe hvonda ndèŋgànɛ̀lɛ̀ e ika mèèmà me anyu o e ndèli ema Lohwɛ̀ a e ŋgba o e hvonda ema Yerzù Krirztò a jà o lì e àwuŋmɛ̀lɛ̀.

1 Yòwanìrzɛ̀ 4:19

Irzɔ jò uŋmɛ̀lɛ̀ hwatò è ndìŋgɛ, ehwànja Lohwɛ̀ à mà lòma lì jò uŋmɛ̀lɛ̀ è ndìŋgɛ yà eni.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.