Yòwanìrzɛ̀ 12:6 - Mokpwe: Bakwery (New Testament)

⁶ À rzìi òhwe ndi ene eyà èhwanja à mà lutaneya mèlìrza me hwatò gbamù, ndi èhwanja à mà hwɛ ndi ŋmìhwɛ̀. Mɔ̀ ndi à mà òhva lìyamba la wòlì, à mà hwɛ lì a òŋgòwanɛ mɔ̀ ŋmìti na wòŋgò wòlì.

Yòwanìrzɛ̀ 12:6 Mawu Ofanana

Matiyò 21:13

À mà hwa òhweyà nanù ema, “È tìlahwì ema, Lohwà a òhwi nanù ema, ‘È ndawò ya ami e ò hwɛ̀lɛ̀hwɛ̀ ndi e ndawò ya màkanɛ̀.’ Ndi inyɔ ye e timbirzɛ ndi ‘Èki ema hwayihwɛ hwa utàmà.’”

Lukàrzɛ̀ 8:3

Yòwanà è jòjìyɛ̀ yà ama Kurzà ema à ma hwɛ è mòkànèlì wà hwàgbèèlì hwà mà Hɛ̀rɔ̀dì, Rzùrzanà, nà hwahvɛhvɛ hwalanà rzayì-rzayì. Hwanù hwalanà hwa mà gbeyàna ì hvèyò ja awu ò lì òŋgòwàna Yerzù, na hwà-òkòwèlì hwa eni.

Yòwanìrzɛ̀ 10:13

È mògbèèlì a hwaŋga e ya eni, èhwanja a akàhwì ndi ò lì gbeyà èwòlò, rzeketɛ ema a hwɛni hvònda ya mèŋge mɛ̀lɛ̀ŋgù.”

Yòwanìrzɛ̀ 12:5

“Mamɛ ndèŋgàtɛ̀ hwa rzìi àhwirzɛ̀ lìni lìyɔ̀kì, rzìi hwa wòwa iŋgi kahvà lì ɛndɛ lì ŋgbà mèlìrza mè hwatò e? Ò mà lìni lìyɔ̀ki lì wurzi wòlì wò lì taŋgeya mòtò mɔ̀kɔ ò ŋma mɔ̀kɔ.”

Yòwanìrzɛ̀ 13:29

Kànatɛ̀ Jùdàrzì ndi à mà hwɛ lì uta wòlì, lòŋgò là Hwà-òkòwèlì hwa mà ɔ̀ŋgɛ̀lɛ̀ ndi nanù ema Yerzù à mà hwɛ ndi lì mò òhweyà ema à ande mamɛ ema è mà arzahwa ò ndèma yà lì aka ɔ̀nɛyi. Tɔ̀ ò lì ŋgbà mèlìrza mè hwatò hwema.

1 Kɔ̀rintìyà 6:10

Hwàyihwɛ, è wɔ̀ ema hwa hwèlì wɔ̀ɔ, è wɔ̀ hwa mboma, è wɔ̀ hwa mèhvìlì, tɔ̀ hwaŋga ema hwa hvùmana hwatò hwema hwe awu. Tɔ̀ mɔ̀kɔ wà hwanù hwatò à rza hwɛnɛ èkì ò lìkànèyà là ama Lohwɛ̀.

Gàletìyà 2:10

Ndi hwà mà jo òhweyà nanù ema i rzi hvoŋga o lì oŋgowàna mèlìrza me hwatò. Ndeŋgànɛ̀lɛ̀ eyà eŋge ema imba nà mà lìŋgane o lì gbeyà rzayi-rzayi.

1 Tɛ̀rzàlonìyà 5:22

È rzi hwɛnɛ eyà o lì gbèeyàna hweyà ema hwe rza hvomɛ̀nɛ̀ ema wɔ̀ hwa ohwa.

Jèmìrzì 2:2

Inyɛ̀ i wòwe nanù ema mòtò a kpèelì o èki ema e arzàŋgànɛ, rzìi a wɔ̀ti jɔ̀ndɔ jà gòòlù, rzìi a wɔ̀tɔ̀ hvɛ màwɔ̀ti ma gbamù, rzìi mòlìrza mo mòtò mɔ̀ hvɛ mo kpèeyà ema mo wɔ̀ti mààtù ma mbindo.

Jèmìrzì 2:6

Ndi inyɔ e rza ŋgbàà mèlìrzà me hwatò èluhwe. Rzeke hwèwàŋgì hwe hwatò hweyɔ ndi hwa e tàkirzɛ e? Rzeke e hwèlì e jɔ̀kɛ̀ nanù ema wɔ ndi hwa e ɛ̀ndɛ̀nɛ̀ o hwèkàyìrzèlì e?