Yòwanìrzɛ̀ 12:5 - Mokpwe: Bakwery (New Testament)

⁵ “Mamɛ ndèŋgàtɛ̀ hwa rzìi àhwirzɛ̀ lìni lìyɔ̀kì, rzìi hwa wòwa iŋgi kahvà lì ɛndɛ lì ŋgbà mèlìrza mè hwatò e? Ò mà lìni lìyɔ̀ki lì wurzi wòlì wò lì taŋgeya mòtò mɔ̀kɔ ò ŋma mɔ̀kɔ.”

Yòwanìrzɛ̀ 12:5 Mawu Ofanana

Matiyò 18:28

Ndi na òma òŋgò mògbèèlì à mà wurze aŋga a ùŋmanɛlɛ òhvɛhvɛ mògbèèlì ema mɔ̀ hvɛ à mà hwɛ lì gbèeyà ò eŋge kiŋgɛ. Oŋgò mògbèèlì à mà mò eta ŋmanà mbumbu a wòlì. A ma mò hvùma rzìi à mò agba tahwa, a mò òhweyà ama, ‘Onò taŋgeya lìyɛmɛ la ami.’

Matiyò 20:2

O mburza ya màrzèelì mò hwàgbèèlì, wɔ hwà mà ayemànɛ̀lɛ̀ ò mòrzahwèlì mò wùnyà wɔ̀kɔ, ndèŋgànà mò a e hwa òma ò eŋge hvaya.

Lukàrzɛ̀ 12:33

È àhwìrzɛ̀ hwerzàŋgò hwe anyu, e ŋgbè mèlìrza me hwatò iŋgi kahvà. È àrze makpà ma kahvà ema mà rza hvɔ̀hvɔ̀. È ika màwùtà ma anyu èki utami ema e hwèlì ò ŋmanyu yà lohwà, èki ema tɔ̀ eyà e rzà gbèyɛnɛ, ema tɔ̀ hwàyihwɛ̀ hwa rzà mò ihwa, tɔ̀ lìrziyɛ̀yi lì rzà tanɛ̀ lì ma làa.

Lukàrzɛ̀ 18:22

Yerzù à mà hweye nanù, rzìi a mò òhweyà nanù ema, “O lìyelì eyà yɔ̀kɔ ema ò àŋgàmɛ̀nɛ̀ lì gbeyà. Ahwirzɛ erzàŋgò ya aŋgɔ̀ ya arzɛ, ò kahweyà mèlìrza me hwatò wòŋgò wòlì. O gbèyi tɛ nanù ò lùwà mònàmɛ̀ ò ŋmanyu ya Lohwà. O mburzà nanù, ò jèe ò nò òŋgame”

Lukàrzɛ̀ 6:41

“Mamɛ ndèŋgatɛ̀ ò ɛnɛ̀ è ŋmanà jùma lìmùki ema è hwèlì ò lìrzɔ lì ama ŋmànyɔ̀ŋgɔ̀ wà aŋgɔ̀, ndi ò rza tànɛ̀yi lì ɛnɛ̀ ètumba ema è hwèlì ò lìrzɔ̀ là aŋgɔ̀ e?

Yòwanìrzɛ̀ 12:4

Jùdàrzì Ìrzìkalìyɔ̀tɛ̀ mòòkòwèlì mɔ̀kɔ wà ama Yerzù ema mɔ̀ndi à mà hwɛnɛ lì mò àhwirzɛ̀ rzìi à òhwa nanù ema,

Yòwanìrzɛ̀ 12:6

À rzìi òhwe ndi ene eyà èhwanja à mà lutaneya mèlìrza me hwatò gbamù, ndi èhwanja à mà hwɛ ndi ŋmìhwɛ̀. Mɔ̀ ndi à mà òhva lìyamba la wòlì, à mà hwɛ lì a òŋgòwanɛ mɔ̀ ŋmìti na wòŋgò wòlì.

Yòwanìrzɛ̀ 13:29

Kànatɛ̀ Jùdàrzì ndi à mà hwɛ lì uta wòlì, lòŋgò là Hwà-òkòwèlì hwa mà ɔ̀ŋgɛ̀lɛ̀ ndi nanù ema Yerzù à mà hwɛ ndi lì mò òhweyà ema à ande mamɛ ema è mà arzahwa ò ndèma yà lì aka ɔ̀nɛyi. Tɔ̀ ò lì ŋgbà mèlìrza mè hwatò hwema.

Yòwanìrzɛ̀ 6:7

Hvìlìpì rzìi à mò alàhwɛ̀ nanù ema, “È wòwà lì aka eyà yà egbe hwèhwàkɛ̀ hwe hwekòlì hwe hvìlàŋgì ò lì anda mòlèlì ema mò tànɛyi lì lìrzɛ̀ hwanu hwatò hwa arzɛ aŋga nanù tɔ̀ ima mòtò à làa tenyi.”