Yòwanìrzɛ̀ 12:44 - Mokpwe: Bakwery (New Testament)

⁴⁴ Yerzù à mà òhwa ò lìlò lì kàrzami nanù ema, “Tɔ̀ ima mɔ̀ ema à nò lòkɛ̀yì, à rza nò lòkɛ̀yì ndi imba mɛnɛ, ndi à lòkɛ̀yì hvɛ nà e mɔ̀ ema a nò òmi.

Yòwanìrzɛ̀ 12:44 Mawu Ofanana

Matiyò 10:40

“Tɔ̀ ima mòtò ema à è kàrzɛ̀ nàa hwààyɛ̀nì òma imba ndi à kàrzɛ̀yi. Tɔ̀ ima mòtò hvɛ ema à nò kàrzɛ̀yi nanù òma à kàrzɛ̀yi ndi Tatɛ̀ wà ami ema à mà nò òma.

Makòrzì 9:23

Yerzù rzìi a mò timbìrzɛ̀lɛ̀lɛ̀ nanù ema, “O ma nà tànɛyi tɛ lì gbeyà eyà e? Mòtò a òhvi tɛ lìlòkɛ̀, tɔ̀ ima eyà e tànɛyi lì gbèyɛ̀nɛ.”

Makòrzì 9:37

“Tɔ̀ njɛnɛ ema à kàrzɛ̀yi ene nyayi ya ŋmanà ò lìnà la amì ò ma imba ndi à kàrzɛ̀yi ndèŋgana tɔ̀ njɛnɛ ema a nò kàrzɛ̀yi à rza nò kàrzɛ̀yi ndi ìmba mɛnɛ, a kàrzɛ̀yi hvɛ è mɔ̀ ema à nò òmì.”

Yòwanìrzɛ̀ 11:43

O mburza hwene hwèyòhwèlì hwe ama Yerzù, rzìi a tɛɛ na lìlò lì karzami, a hwɛlɛ Làrzàrɔ̀rzì ama, “Ìi Làrzàrɔ̀rzì wurza!”

Yòwanìrzɛ̀ 13:20

Nà è òhweyà ndi è jɔ̀kɛ̀, tɔ̀ njɛnɛ ema à emelì tɔ̀ ima mɔ̀ è mà na òmi, òma imba ndi à emelì. Ndèŋgànɛ̀lɛ̀ hvɛ e mɔ̀ ema a nò emelì, òma a emelì ndi e mɔ̀ ema à mà nò òma.”

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Yòwanìrzɛ̀ 7:28

Nà òma Yerzù a mà hwɛ lì òkòlɛ̀ ò Ndawò yà Lohwà, rzìi a kàrzɛ lìlò la eni a òhwa nanù ema, “Ɛ̀ɛ e nò hwi jɔ̀kɛ̀-jɔ̀kɛ̀, rzi e hwi hvɛ èki ema nà uwɛ̀lɛ̀lɛ̀yi. Ndi nà rza jelì anù ò imba mbiti. È mɔ̀ ema a nò òmi à hwèlì è jɔ̀kɛ̀. È rza mò hwi,

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.