Yòwanìrzɛ̀ 12:2 - Mokpwe: Bakwery (New Testament)

² Hwà mà mò wòŋgìrzɛ̀nɛ̀ jùùmɛ̀ ja lì làa, ema iyɛ Mata à mà òŋgòwànè lì hwa hvùrzùhweyà. Làrzàrɔ̀rzì mɔ̀hvɛ à mà hwɛ mɔ̀kɔ wà awu ema à mà hwɛ èki ya hwèlèelì na Yerzù.

Yòwanìrzɛ̀ 12:2 Mawu Ofanana

Matiyò 26:6

Yerzù à mà hwɛ ò ndawò yà ama Rzìmɔ̀nì mòtò ema à mà hwɛ à mà ɔ̀kìrzɛ̀ è nyàmbɛ yà mɔ̀lɔ̀ŋgɔ ò mbòwà yà Bɛ̀tanì.

Makòrzì 14:3

Nà òmà Yerzù à mà hwɛ ò Bɛ̀tanì ò ndawò yà ama Rzìmɔ̀nì, ema à mà òka è nyàmbɛ yà mɔ̀lɔ̀ŋgɔ. Nà òmà Yerzù à mà hwɛ lì làa mòlanà mɔ̀kɔ rzìi à jànà kòhwà yà lìyɔ̀kì là hvɛ̀ɛ̀hvɛ̀, lìyɔ̀kì ema lì òhvi wòlì rzayì-rzayì. Liŋgi lìyɔ̀kì lì mà gbeyàhwɛnɛ ndì nà nàadì. À mà gba mòòhvò mò èŋge kòhwà rzìi à kòmeyà Yerzù lìŋgi lìyɔ̀kì ò mòhvò mò eni.

Lukàrzɛ̀ 12:37

Mònàmɛ̀ nà hwaŋga hwàgbèèlì ema rzàŋgò hwà àwu wa èwòlò a ò jà lì ùŋma hwa hwèlì lì mò ambɛ̀lɛ̀lɛ̀. Nà è òhweyà è jɔ̀kɛ̀ ema à gbeyà hwa lìya, rzìi a hwa akɛlɛlɛ mòlelì.

Lukàrzɛ̀ 14:12

Yerzù rzìi a òhweyà òŋgò mòtò ema à ma mò yòhwɛ nanù ema, “Ò hwɛlìrzɛ tɛ ndèma, ò rzì yòhwɛ ndi ìmbunda ja aŋgɔ̀, wònyanyɔ̀ŋgɔ̀, lìtumba lì aŋgɔ̀ nà hwèwàŋgì ema ò hwi. Ò gbèyi tɛ nanù wɔ̀ hvɛ hwa hwɛnì tɛ ndèma, ò ma hwà mà ò yòhwɛ̀. O lì hwa lɛɛ wɔ̀ hvɛ.

Lukàrzɛ̀ 22:27

O hwèlì tɛ hwatò hwàhwàkɛ̀, mɔ̀kɔ ema à lìyayi ò tehwèlì, nà ɔ̀nɛ̀yi ema à hwèlì lì mò gbèeyà, njɛnɛ à akayi ɔ̀nɛ̀yi e? Rzekɛ è mɔ̀ ema à lìyayi ò tehwèlì e? Ndi ìmba nà hwèlì anù nà inyɔ nàa mògbèèlì wà ànyu.

Lukàrzɛ̀ 5:29

Lɛ̀hvì rzìi a rzèkeyà Yerzù ndèma ndɛnɛ̀ ò ndawò yà èni. Rzayì-rzayì ja hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa mà ùkeya aŋga.

Hwèwulùwèlì 3:20

È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.