Yòwanìrzɛ̀ 12:13 - Mokpwe: Bakwery (New Testament)

¹³ Rzìi hwa kɛ̀ inyàŋgò, hwa ɛ̀ndɛ lì mò ùŋmànɛ̀lɛ̀ ò njiya. Hwa mà hwɛ lì tɛ̀ɛ nanù ema, “Hòrzanà! Mònàmɛ̀ nà è mɔ̀ ema à jelì ò lìnà là ama è Rzàŋgò. Mònàmɛ̀ nà è Kìŋgɛ yà hwatò hwa Irzàyɛ̀lì!”

Yòwanìrzɛ̀ 12:13 Mawu Ofanana

Matiyò 23:39

Ndi imba nà è òhweyà ema, inyɔ e rza nò ɛnɛ hvɛ, natɛ̀ɛ na e hvònda ema e ò òhwɛ nanù ema, ‘Mònàmɛ̀ na e mɔ̀ ema a jelì ò lìna la ama e Rzàŋgò.’”

Matiyò 27:42

“À ma hwɛ lì rzùŋgà hwatò ndi nàŋgɛ à rza tànɛyi lì àwòŋgòwànɛ̀ tɔ̀ mɔ̀ ŋmìti. È hwèlì tɛ e jɔ̀kɛ̀ nanù ema mɔ̀ ndi à hwèlì e kiŋgɛ ya èkòmè ya Irzàyɛ̀lì, inyɛ a rzihwe rzɔ ò eŋge mbarza naŋgɛ. Aŋga ndi irzɔ i lòkɛ̀ nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Yòwanìrzɛ̀ 1:49

Nàtànìyɛ̀lì rzìi à òhwa nanù ema, “Ìi Mòòkòlèlì, ò wà ndi ò hwèlì è Ŋmanà wà ama Lohwɛ̀. Ò wà ndi ò hwèlì è Kìŋgɛ yà Irzàyɛ̀lì.”

Yòwanìrzɛ̀ 12:14

Yerzù à mà ɛnɛ ŋgumà jàkarzì rzìi à jì lìya. Ène eyà è mà gbèyɛ̀nɛ̀ nà òma è tìlahwì ò è Kààtì yà ama Lohwà nanù ema,

Yòwanìrzɛ̀ 12:15

“Hwatò hwa Rzàyɔ̀nì è rza òka wɔ̀ŋgɔ̀, è ɔ̀ŋgɔ tɛ è Kìŋgɛ yà anyu nà òma è jà, à lìyàyi ò ŋgumà jàkarzì.”

Yòwanìrzɛ̀ 19:15

Hwàŋga hwatò hwa tɛ nanù ema, “È mò òŋwe! È mò òŋwe! È mò wòmeya ò mbarza.” Pìlatò rzìi a hwa ijòwa nanù ema, “Nà wòmeya e kìŋgɛ ya anyu ò mbarza e?” Ipìlìrzì ndɛnɛ rzìi i tɛ ò ŋmanyu nanù ema, “I rza òhvi ehvɛhvɛ kiŋgɛ̀ lì aka tɛ Kàyìrzà.”

Hwèwulùwèlì 15:3

Hwà mà hwɛ lì emba mɔ̀rzɔ̀kɔ̀ mo ama Morzè e mògbèèlì hwa ama Lohwɛ̀ na mɔ̀rzɔ̀kɔ̀ mo ama e Ŋguma ya Mɔ̀lɛ̀ŋgù nanù ema, “Rzàŋgo Lohwɛ̀ lì Kàrzàmi, hwègbèèlì hwe aŋgɔ hwe olo ndeŋgànɛlɛ hwe hwèlì hwètàmirzelì. Kìŋgɛ ya hwèkòmè, hwègbèèlì hwe aŋgɔ hwe hvomɛ̀nɛ̀, ndèŋgànɛ̀lɛ̀ o hwèlì jɔ̀kɛ̀.

Hwèwulùwèlì 19:16

O mòŋgòmbè mo eni na o e rzorzo ya eni lìni lìnà lì tìlahwi aŋga nanù ema, “Kiŋgɛ wa ikiŋgɛ ja arzɛ na e Rzàŋgo ya irzaŋgo ja arzɛ.”

Hwèwulùwèlì 7:9

Ò mburzà yà hwenè hweyà hwe arzɛ, ɔndi nà à ɛnɛ ŋgìndì ndɛnɛ yà hwatò. Hwa mà kòka nyayi ema tɔ̀ mòtò à rzìi tànɛ ò lì hwa aŋga. Hwa mà uwɛ̀lɛ̀lɛ̀yi ò èkomè nà èkomè, hwa mà uwɛ̀lɛ̀lɛ̀yi ò màtumba nà màtumba, hwa mà hwɛ inyayi ja hwatò jà arzɛ rzìi hwa à ohwa hvɛ ò ihvɛhvɛ mbɔrzi. Hwa mà tɛ̀mɛ̀ ò worzo wò è konda yà lìkànèyà nà ò worzo wò è Ŋguma yà Mɔ̀lɛ̀ŋgù. Hwa mà wɔtɔ̀ meŋgombe mè mbɔ̀mi rzìi hwa tɛtɛ hvɛ ì nyàŋgo ò màa mà awu.