Yòwanìrzɛ̀ 12:11 - Mokpwe: Bakwery (New Testament)

¹¹ Èhwanja hwatò rzayi-rzayi hwa wònyà Yudà hwà mà hwɛ lì hwa kumbɛ imburza ò lì lòkɛ̀ Yerzù wɔ̀ hwà mà lòkɛ̀ Yerzù lì hvòmɛ̀nɛ̀ mamɛ ema e ma gbèyɛ̀nɛ Làrzàrɔ̀rzì.

Yòwanìrzɛ̀ 12:11 Mawu Ofanana

Yòwanìrzɛ̀ 11:42

Nà hwi nanù ema ò òkànèyà màkanɛ̀ ma ami ihvònda ja arzɛ, na òhwa ndi nanù aŋga nanù hwanù hwatò ema hwa ukelì anù hwa lòkɛ̀ nanù ema ò wa ndi ò nò òmi.”

Yòwanìrzɛ̀ 11:45

Rzayì-rzayì ja hwatò hwa wònyà Yudà ema hwà mà ja lì arzarzɛ Màlìyɛ̀ hwà mà ɛnɛ mamɛ ema e ma gbèyɛ̀nɛ, hwà mà lòkɛ̀ Yerzù.

Yòwanìrzɛ̀ 11:48

I mò hwɛmì tɛ ò lì gbeyà hwenè hweyà nanù hwatò hwa arzɛ hwa mò lòkɛ̀ hwatò hwa Ròmànì hwa jà lì wòwà e Ndawò yarzu yà Lohwà nà èkòmè yarzu.”

Yòwanìrzɛ̀ 12:10

O èŋgànɛ̀lɛ̀ Ipìlìrzì ndɛnɛ i ma weka ŋmanò ò lì òŋwa hvɛ Làrzàrɔ̀rzì.

Yòwanìrzɛ̀ 12:18

Lìtìŋga lìŋgi ndèŋgàtɛ̀ è ŋgìndì è mà ɛndɛ lì ùŋmanɛlɛ Yerzù èhwanja hwa mà hwèya nanù ema à gbèye manù mànyakà mà hweyà.

Yòwanìrzɛ̀ 12:42

Tɔ̀ nɛ hwatò rzayì-rzayì nà tɔ̀ lòŋgò là hwàmbakì hwa hwatò hwa mà lòkɛ̀ Yerzù. Ndi nà òma hwa mà òke Ihvàlìrzàyì wɔ̀ŋgɔ̀ hwa rzi à uŋmɛ̀lɛ̀ wɔ̀ hwiti, ehwànja hwa mà òka wɔ̀ŋgɔ̀ ema hwa ò hvàyàhwa ò tenì yà è ndawò yà màkanɛ̀.

Yòwanìrzɛ̀ 7:31

Ndi tɔ̀ nanù rzayì-rzayì ja hwatò ò ìtììtènì ja èŋge ŋgìndì hwa mà mò lòkɛ̀. Wɔ̀ hwà mà hwɛ lì òhwa nanù ema, “È Mɔ̀ ema a Ɔ̀kirzɛ̀hwɛ̀yi a jelì tɛ, a ò gbeyà hwèmbànèlì hwe mànyakà ema hwe ò aka hwenè hweyà ema ònò mòtò amà gbeyà e?”

Hwègbèèlì 13:45

È hvònda wònyà Yudà hwà mà ɛnɛ e ŋgìndì, hwà mà òndana na lìrziŋga. Rzìi hwa wòteya lì teŋgɛ̀nɛ̀ mamɛ ema Pàwolò à mà hwɛ lì òhwa na ò lì mò rzòrzòlɛ hweyòlì.