Yòwanìrzɛ̀ 12:1 - Mokpwe: Bakwery (New Testament)

¹ Hweyu hwàmbi ndèŋgàna è Ndèma yà lì Akà Ɔ̀nɛ̀yi e uka, Yerzù à mà ɛ̀ndɛ ò Bɛ̀tanì, èki ema Làrzàrɔ̀rzì à mà lìya, e mòtò ema à mà hvùmùlɛ̀ ò kpelì.

Yòwanìrzɛ̀ 12:1 Mawu Ofanana

Matiyò 21:17

Yerzù à mà hwa lìya ò Jèrurzalɛ̀mù rzi a ɛ̀ndɛ ò lì naŋga ò mbòwà ya Bɛ̀tanì.

Makòrzì 11:11

Yerzù à mà kpèeya ò Jèrurzalɛ̀mù rzìi à ɛ̀ndɛ ò Ndawò yà Lohwà. Rzìi à hvɛ̀ŋgɛ̀ mìirzɔ̀ èki yà arzɛ. Ndì kànatɛ̀ è hvònda è mà tɔ̀ɔ̀lɛ̀, rzìi à tìmba ò Bɛ̀tanì nà lìyòmɛ̀ là eni là Hwà-òkòwèlì nà hwahwàkɛ.

Lukàrzɛ̀ 24:50

Yerzù à mà hwa tìmba lì anjiya ò èŋge mbòwà, natɛ̀ɛ ò lì kòmbɛ̀nɛ̀ è mbòwà yà Bɛ̀tanì. À mà kàrzɛ maà ma eni ò ŋmanyu rzìi a hwa nàmìrzɛ̀.

Lukàrzɛ̀ 7:37

Mòlanà mɔ̀kɔ ema à mà ònda nà wòhwe ò èŋge mbòwà, à mà hwèye nanù ema Yerzù à lèeyà ò èŋge ndawò yà ama èŋge Hvàlìrzàyì, à mà jànà kòhwà ema è ma ònda nà lìyɔki là hvɛ̀ɛ̀hvɛ̀.

Yòwanìrzɛ̀ 11:1

O ma hwɛ mòòkelì hwa mùnyanà mɔ̀kɔ à mà ɔ̀kirzɛ̀ à mà hwɛ̀lɛ̀hwɛ̀ Làrzàrɔ̀rzì. À ma lìya ò mbòwa ya Bɛ̀tanì nà indòmɛ ja ani Màlìyɛ̀ na Mata.

Yòwanìrzɛ̀ 11:43

O mburza hwene hwèyòhwèlì hwe ama Yerzù, rzìi a tɛɛ na lìlò lì karzami, a hwɛlɛ Làrzàrɔ̀rzì ama, “Ìi Làrzàrɔ̀rzì wurza!”

Yòwanìrzɛ̀ 11:44

Oŋgò mòtò ema à mà ŋwa rzi a tɛ̀mɛ̀. Lìhwatù ema hwà mà mò lìŋgɛ̀lɛ̀nɛ matàŋga, màa nà wòrzò wò eni lì mà mò hwɛ ò nyò nanù mɛnɛ. Yerzù rzìi a hwa òhweyà nanù ema, “È mò wuluwe lìŋgi lìhwatù ò nyò ya eni a ɛndɛ e ya eni.”

Yòwanìrzɛ̀ 11:55

È hvònda ya è Ndèma yà lì Akà Ɔ̀nɛ̀yi è mà kòmbɛnɛ. O èŋgànɛ̀lɛ̀ rzayi-rzayi ja hwatò hwà mà uwɛ̀lɛ̀lɛ̀yi ò màmbowà mà arzɛ hwà mà ja ò Jèrurzalɛ̀mù lì a tatòwɛ na òma e mbenda ya ama Mòrzè e ma arze, ò lì wòŋgirzɛnɛ è Ndèma yà lì Akà Ɔ̀nɛ̀yi.

Yòwanìrzɛ̀ 12:12

O ɛnɛyi eyu, e ŋgìndì ndɛnɛ ema e ma ja ò Ndema ya lì Akà Ɔnɛyi e ma hwèya nanù ema Yerzù a hwèlì a ja ò mbòwà ya Jèrurzalɛ̀mù.

Yòwanìrzɛ̀ 12:20

Lòŋgò la hwatò hwa Grìki hwà mà hwɛ na hwanɛ̀yi hwatò ema hwà mà ɛ̀ndɛ ò Jèrurzalɛ̀mù lì kanɛ̀ ò e hvònda ya è Ndèma yà lì Aka Ɔ̀nɛyi.

Yòwanìrzɛ̀ 12:9

Ŋgindi ndɛnɛ ya wònyà Yudà e ma hwèya nanù ema Yerzù a hwèlì ò e mbòwà ya Bɛ̀tanì. O èŋgànɛ̀lɛ̀ hwà mà ɛ̀ndɛ aŋga. Rzekɛ hvɛ tɛ ema Yerzù a hwèlì aŋga ndi ò lì ɛnɛ Làrzàrɔ̀rzì ema Yerzù à mà timbirzɛ ò lòŋgɛ.