Yòwanìrzɛ̀ 11:5 - Mokpwe: Bakwery (New Testament)

⁵ Yerzù à mà lìŋgàna Mata, Màlìyɛ̀ na Làrzàrɔ̀rzì.

Yòwanìrzɛ̀ 11:5 Mawu Ofanana

Lukàrzɛ̀ 10:38

Yerzù nà hwà-òkòwèlì hwa eni hwa mà hwɛ ò yɔ̀ndɔ̀, rzìi hwa uka mbòwà hvɔ̀kɔ. Mòlanà mɔ̀kɔ ema à ma hwɛ̀lɛ̀hwɛ̀ Màta, à mà mò kpɛɛlɛ nàa ŋmɛ̀ni ò ndawò yà èni.

Lukàrzɛ̀ 10:40

Màta à mà arzarzòwɛ èhwanja mɔ̀ ŋmìti ndi à mà hwɛ lì gbeyà èwòlò ya ndawò. Màta rzìi a ɛ̀ndɛ lì ùŋmanɛlɛ Yerzù, rzi a mò òhweyà nanù ema, “Ìi Rzàŋgò, ɔ̀ŋgɔ tɛ nà òmà ŋmanyàŋgò wà amì à nò kìnyɛlɛlɛ èwòlò ya ndawò ya àrzɛ̀? O mò òhweyà ema a jè a nò òŋgòwane.”

Lukàrzɛ̀ 10:41

Yerzù rzìi a mò alàhwɛ̀ nanù ema, “Ìì Màta, ìi Màta, mamɛ ò akayìrzɛ̀lɛ̀lɛ nà lì atàkìrzɛ̀ lì teŋgɛ̀nɛ̀ hweyà rzayì-rzayì e?

Yòwanìrzɛ̀ 11:1

O ma hwɛ mòòkelì hwa mùnyanà mɔ̀kɔ à mà ɔ̀kirzɛ̀ à mà hwɛ̀lɛ̀hwɛ̀ Làrzàrɔ̀rzì. À ma lìya ò mbòwa ya Bɛ̀tanì nà indòmɛ ja ani Màlìyɛ̀ na Mata.

Yòwanìrzɛ̀ 11:3

Aŋga ndi indòmɛ̀ jà eni jà à òmɛ̀nɛ̀ Yerzù ŋmɛ̀ndì nanù ema, “Rzàŋgò, mbunda aŋgɔ̀ wa ndìŋgɛ ya màlìŋgò a òkà.”

Yòwanìrzɛ̀ 11:36

Wònyà Yudà ema hwà mà ukeya aŋga rzìi hwa òhwa nanù ema, “Ò jɔ̀kɛ̀ à mà mò lìŋgana ò!”

Yòwanìrzɛ̀ 11:6

È hvònda ema à mà hweye nanù ema Làrzàrɔ̀rzì a ɔ̀kirzɛ̀, à mà lìiya ò èki ema à mà hwɛ natɛ̀ɛ na mèenyà me hwàkɛ.

Yòwanìrzɛ̀ 11:8

Hwà-òkòwèlì hwa eni hwa mò alàhwɛ̀ nanù ema, “Ìi Mòòkòlèlì ò rzi ikolɛnɛyi mèenyà ema hwatò hwa Jùdeyà hwà mà arze lì ò agba màŋyàyi rzi òma ò timba ò tenì hvɛ e?”

Yòwanìrzɛ̀ 16:27

èhwanja, Tatɛ̀ mɔ̀ ŋmìti à è lìŋgàni. À è lìŋgàni èhwanja è nò lìŋgàni, ndèŋgàna è lòkɛ̀ nanù ema nà uwɛ̀lɛ̀lɛ̀yi ndi nà mɔ̀.

Yòwanìrzɛ̀ 17:26

Imba na gbèyi nanù ema hwa ò hwiye, na ɛ̀ndɛ ndi ò wòrzò lì gbeyà nanù mɛnɛ, aŋga nanù e ndìŋgɛ ema ò nò hwɛnɛni e ò hwɛ ò tenì ya awu, ndèŋgàna imba hvɛ na hwɛ na wɔ̀.”