Yòwanìrzɛ̀ 11:47 - Mokpwe: Bakwery (New Testament)

⁴⁷ Aŋga ndi Ipìlìrzì ndɛnɛ nà Ihvàlìrzàyì ja arzàŋganɛ ò ndòŋgamɛni, hwà mà òhwa nanù ema, “Mamɛ i gbeyà naŋgɛ e? I hwɛni lì gbeyà eyà èhwanja ònò mòtò a gbeyà hweyà rzayi-rzayi hwe mànyakà.

Yòwanìrzɛ̀ 11:47 Mawu Ofanana

Matiyò 26:3

O eŋge hvònda, Ipìlìrzì ndɛnɛ na hwatimbèlì hwa èkòmè hwa mà arzàŋganɛ ò è ndawò ya ama Kàyìhvàrzì, e Pìlìrzì ema e karzami.

Matiyò 5:22

Ndi nà è òhwèyà ema tɔ̀ ima mòtò ema à tatani òhvɛhvɛ mòtò, mɔ̀hvɛ à ò ikahwa ò hwèkàyìrzelèlì. Tɔ̀ ima mòtò hvɛ ema à hwɛnyi ŋmànyàŋgò wà eni nanù ema, ‘Èleŋgè’ à hwɛnì lì alàhwɛ̀ è ndawò yà hwèkàyìrzelèlì yà hwa ndɛnɛ. Ndi tɔ̀ njɛnɛ hvɛ ema à hwɛlɛ ŋmànyàŋgò wà eni nanù ema, ‘Ò wà èèti yà mòtò,’ à ò aŋgbahwa ò mùnya ema mò rza lìma.

Makòrzì 14:1

Ò mà tɛɛnɛ mèenyà mehwàkɛ ò hvònda yà lì Akà Ɔnɛ̀yi nà ò e Ndèma yà Èhvòòtò ema è rza òhvɛ Èhwindi ò lì uka. Ipìlìrzì ndɛnɛ nà Hwà-òkòlèlì hwa mbenda hwa mà hwɛ lì arza ŋmànò mò lì ŋgbaŋgɛ Yerzù ò jùtuta ò lì mò òŋwà.

Lukàrzɛ̀ 22:2

È Pìlìrzì ndɛnɛ nà hwà-òkòlèlì hwa mbenda, hwà mà òka hwatò wɔ̀ŋgɔ̀. Ndi hwa mà hwɛ lì àrza ŋmanò mò lì òŋwà Yerzù ò jùtuta.

Yòwanìrzɛ̀ 11:57

Ipìlìrzì ndɛnɛ na Ihvàlìrzàyì hwà mà akɛ̀lɛ̀ e njàmbɛ̀ nanù ema, “Tɔ̀ njɛnɛ ema a hwi èki ema Yerzù a hwèlì a je a hwa òhweyà aŋga nanù òma hwà mà mò ŋgbaŋgɛ.”

Yòwanìrzɛ̀ 12:19

Ihvàlìrzàyì rzìi i àwòhwànɛ̀lɛ̀ mɔ̀kɔ nà ɔ̀nɛyi nanù ema, “È ɔ̀ŋgɔ tɔ̀ nàŋgɛ nanù ì rza tànɛyi lì gbeyà tɔ̀ eyà. È rze ya arzɛ e hwèlì e mò òŋgama.”

Yòwanìrzɛ̀ 2:11

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yòwanìrzɛ̀ 6:2

Ŋgindi ndɛnɛ è mà hwɛ lì mò òŋgama èhwanja hwa mà hwɛ lì ɛnɛ mànyakà mà hweyà ema à mà hwɛ lì gbèye mà lì wɔ̀wìrzɛ̀ là hwà-òkòlèlì.

Yòwanìrzɛ̀ 7:32

Ihvàlìrzàyì hwà mà hweye na òma hwatò hwa àyiŋgòwɛ̀ ò lì òhwa hwene hweyà lì hvòmɛ̀nɛ̀ Yerzù. O èŋgànɛ̀lɛ̀ wɔ̀ na Ipìlìrzì ndɛnɛ hwà mà òma hwakutu hwa e Ndawò yà Lohwà ò lì ŋgbaŋgɛ Yerzù.

Yòwanìrzɛ̀ 7:45

O lìrzùkù hwàkutu hwa è Ndawò yà Lohwà hwà mà tìmbe ò ma e pìlìrzì ndɛnɛ na Ihvàlìrzàyì. Rzìi e pìlìrzì ndɛnɛ na Ihvàlìrzàyì hwa hwà ijòwa nanù ema, “Mamɛ ndeŋgatɛ e rza mò jàni anù e?”

Hwègbèèlì 5:21

Iŋgi àpɔ̀rzìtòlò i ma hweyàna rzìi ò eka ya elele hwà mà ɛ̀ndɛ rzìi hwa kpèeyà ò Ndawò yà Lohwà rzìi hwa wòteya lì òkòlɛ̀ hwatò. Nà òma e Pìlìrzì e karzami na hweyòrza hwe eni hwà mà kpèeyà hwà mà hwɛlɛ hwàmbaki hwa arzɛ hwa wònyà Yudà ò wòlìya wò hwatò hwa arzɛ hwa lìkànèyà la mbòwa. Rzìi hwa òma lìlò ò ndawò ya hwèwòwà nanù ema hwa hwà jàneyà I àpɔ̀rzìtòlò.

Hwègbèèlì 5:24

È hvònda rzɔ ema Ipìlìrzì ndɛ̀nɛ na òŋgò mòkànèlì wa pòlìrzi ema a kànèyà hwàɔŋgèlì hwa e Ndawò yà Lohwà hwà mà hweye nanù, hwà mà hwɛ lì tàmà rzi hwa a ijòwa nanù ema, “Mamɛ e hwèlì jànda ja ene eyà e?”