Yòwanìrzɛ̀ 11:44 - Mokpwe: Bakwery (New Testament)

⁴⁴ Oŋgò mòtò ema à mà ŋwa rzi a tɛ̀mɛ̀. Lìhwatù ema hwà mà mò lìŋgɛ̀lɛ̀nɛ matàŋga, màa nà wòrzò wò eni lì mà mò hwɛ ò nyò nanù mɛnɛ. Yerzù rzìi a hwa òhweyà nanù ema, “È mò wuluwe lìŋgi lìhwatù ò nyò ya eni a ɛndɛ e ya eni.”

Yòwanìrzɛ̀ 11:44 Mawu Ofanana

Makòrzì 5:43

Yerzù à mà hwa kòkòwɛ̀lɛ̀ kɔ̀yi-kɔ̀yi ema hwa rzi keka lì gbeyà ema mòtò a hwiye mamɛ e gbèyɛ̀nɛ̀yi. A hwa òhweyà ama hwa mò ŋgbe yòma ya lì làa.

Lukàrzɛ̀ 19:20

“Ò hvɛhvɛ mògbèèlì rzìi à jà, à òhweyà èŋge kiŋgɛ̀ nanù ema, ‘Ìi rzàŋgò wà ami, lìyòmɛ̀ là aŋgɔ là hwekòlì lìini ema nà mà lìŋgɛ̀lɛ̀ ò pɔ̀tìkà, nà mà ùte.

Lukàrzɛ̀ 7:15

Òŋgò ŋmanà rzìi a imòwa rzìi a wòteya lì òhwà, aŋga ndi Yerzù a à mò tìmbìrzɛ̀lɛ̀lɛ̀ nyàŋgɛ.

Yòwanìrzɛ̀ 10:30

È Tatɛ̀ na imba i hwèlì ndi mòtò mɔ̀kɔ.”

Yòwanìrzɛ̀ 11:39

Yerzù rzìi a òhwa nanù ema, “È ulɛ lìŋgi lìŋyàyi” ndi Mata ema à mà yahwa na Làrzàrɔ̀rzì rzìi a òhwa nanù ema, “Ìi Rzàŋgò ŋmìimbà mò eni mò mà wòteyà lì uŋgba naŋgɛ èhwanja mò ma uka menya menii ò rzɔ̀ŋgɔ.”

Yòwanìrzɛ̀ 11:43

O mburza hwene hwèyòhwèlì hwe ama Yerzù, rzìi a tɛɛ na lìlò lì karzami, a hwɛlɛ Làrzàrɔ̀rzì ama, “Ìi Làrzàrɔ̀rzì wurza!”

Yòwanìrzɛ̀ 19:40

Hwa mà wòwa ŋmììmbà mò ama Yerzù rzìi hwa mò lìŋgɛ̀lɛ̀nɛ hweŋge hwèlòŋgìrzànì nà lìhwàtù là mbɔ̀mi. Nànù ndi ɛ̀ɛ̀mɛ̀ yà wònyà Yudà ema hwɛ ò lì rzèeyàneyà èèmbè.

Yòwanìrzɛ̀ 20:5

À mà ujama rzìi à ɔ̀ŋgɛ̀lɛ̀lɛ ò tenì yà eŋge rzɔ̀ŋgɔ̀ rzì à ɛnɛ è mbɔmi hwa mà lìŋgɛ̀lɛ̀nɛ Yerzù, ndi mɔ̀ à rzi kpèeyà ò tenì.

Yòwanìrzɛ̀ 20:7

À mà uŋma hvɛ e mbɔti ema hwà mà gbeyàne ò lì lìŋgɛ̀lɛ̀ mòòhvò mò ama Yerzù. Èŋge mbɔti e rzi hwɛ èki yɔ̀kɔ na e mbɔ̀mi, e ma alìŋgɛ̀lɛ̀ ò tòŋgòŋgò hvɔ̀kɔ.

Yòwanìrzɛ̀ 5:21

Nà òma Tatɛ̀ a hvùmùlɛ̀ e wɔ̀ ema hwa ŋwelì lì hwa ŋgba lòŋgɛ, nanù mɛnɛ hvɛ ndi è Ŋmanà wà eni a gba lòŋgɛ ò hwatò ema mɔ̀ à lìŋgàni.

Yòwanìrzɛ̀ 5:25

Nà e òhweyà e jɔ̀kɛ̀ nanù ema, e hvònda e hwèlì e ja èŋge hvònda e ma màa lì jà, ema hwatò ema hwà mà ŋwɛɛ hwa hwèya lìlò la ama è Ŋmanà wà ama Lohwɛ̀, rzìi hwaŋga ema hwa hweyi lìŋgi lìlò hwa ò hwɛ ò lòŋgɛ.

Hvìlipìyà 3:21

Mɔ̀ a o gbeyàna màyìmbi ma eni ema mɔ̀ à gbeyàna o lì kànèyà hweyà hwe arzɛ, ndèŋgànɛ̀lɛ̀ mɔ̀ à o tikowa inyo ja arzu ja e rze, inyo ja arzu ema i rza hwɛnɛ màyìmbi aŋga nanù jo luwa inyo ndɛnɛ ja màyìmbi na oma mɔ̀ à mà luwe e hvonda ema Lohwɛ̀ à mà mo hvùmùlɛ o kpelì.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.