Yòwanìrzɛ̀ 11:43 - Mokpwe: Bakwery (New Testament)

⁴³ O mburza hwene hwèyòhwèlì hwe ama Yerzù, rzìi a tɛɛ na lìlò lì karzami, a hwɛlɛ Làrzàrɔ̀rzì ama, “Ìi Làrzàrɔ̀rzì wurza!”

Yòwanìrzɛ̀ 11:43 Mawu Ofanana

Makòrzì 4:41

Hwa mà jeja nà wɔ̀ŋgɔ̀ wòndɛnɛ rzìi hwa ìjòwànɛ̀ mɔ̀kɔ nà ɔ̀nɛyi nanù ema, “Njɛnɛ hvɛ ònò e? Èma è mbɛ̀hvɛ̀nì nà hwèmùnɛ̀ hwe mò hweyànà e?”

Yòwanìrzɛ̀ 11:42

Nà hwi nanù ema ò òkànèyà màkanɛ̀ ma ami ihvònda ja arzɛ, na òhwa ndi nanù aŋga nanù hwanù hwatò ema hwa ukelì anù hwa lòkɛ̀ nanù ema ò wa ndi ò nò òmi.”

Yòwanìrzɛ̀ 11:44

Oŋgò mòtò ema à mà ŋwa rzi a tɛ̀mɛ̀. Lìhwatù ema hwà mà mò lìŋgɛ̀lɛ̀nɛ matàŋga, màa nà wòrzò wò eni lì mà mò hwɛ ò nyò nanù mɛnɛ. Yerzù rzìi a hwa òhweyà nanù ema, “È mò wuluwe lìŋgi lìhwatù ò nyò ya eni a ɛndɛ e ya eni.”

Yòwanìrzɛ̀ 12:1

Hweyu hwàmbi ndèŋgàna è Ndèma yà lì Akà Ɔ̀nɛ̀yi e uka, Yerzù à mà ɛ̀ndɛ ò Bɛ̀tanì, èki ema Làrzàrɔ̀rzì à mà lìya, e mòtò ema à mà hvùmùlɛ̀ ò kpelì.

Yòwanìrzɛ̀ 12:9

Ŋgindi ndɛnɛ ya wònyà Yudà e ma hwèya nanù ema Yerzù a hwèlì ò e mbòwà ya Bɛ̀tanì. O èŋgànɛ̀lɛ̀ hwà mà ɛ̀ndɛ aŋga. Rzekɛ hvɛ tɛ ema Yerzù a hwèlì aŋga ndi ò lì ɛnɛ Làrzàrɔ̀rzì ema Yerzù à mà timbirzɛ ò lòŋgɛ.

Hwègbèèlì 3:12

Nà òmà Pètrò à mà ɛnɛ hwanu hwatò, rzìi a hwa òhweyà nanù ema, “Ìi wònyà Irzàyɛ̀lì mamɛ ndèŋgàtɛ ene eyà ye tàmìrzɛ̀ nanù e? Mamɛ ndèŋgàtɛ e jò ɔ̀ŋgɔ nanù e? È ɔ̀ŋgɛ̀lɛ̀ ndi nanù ema ò e ŋginyà ya arzu tɔ̀ èhwanja i rzaŋgi ò wòrzò wò ama Lohwɛ̀, ɔ̀ndeŋgàtɛ̀ i wɔ̀wìrzɛ̀ ònò mòtò ema a ɛndɛ e?”

Hwègbèèlì 3:6

Ndi Pètrò à mà mò òhweyà nanù ema, “Nà rza òhvi tɔ̀ kahvà ò lì ò ŋgba. Ndi na ò ŋgbà mamɛ ema imba na òhvi. O lìna la ama Yerzù Krirztò mòtò wa Nàrzàrɛ̀tì tɛ̀mɛ̀nɛ ò ŋmanyu ò ɛ̀ndɛ!”

Hwègbèèlì 9:34

Pètrò à mà mò òhweyà nanù ema, “Aneyàrzì e, Yerzù Krirztò a ò wɔ̀wìrzɛ̀ anu naŋgɛ. Tɛmɛ ò ŋmanyu, ò rzeeya lìnɔ̀ŋgɔ la aŋgɔ̀.” Ŋgelì hvɔ̀kɔ Aneyàrzì à mà tɛ̀mɛ̀nɛ.

Hwègbèèlì 9:40

Pètrò à mà hwa wurzirzɛ hwa arzɛ ò tenì ya eŋge tùu, rzìi a rzùma màwɔ̀ŋgɔ̀ŋgɔ̀ ma eni ò rze, rzìi a wòteyà ò lì kànɛ̀. Rzi a àyèŋgòwɛ̀lɛ̀lɛ̀ mòŋgò ŋmìmbà, a òhwa nanù ema, “Tàbità, tɛ̀mɛ̀nɛ ò ŋmanyu!” Tàbità à mà kutuwa mìirzɔ ma eni. Nà òma à mà ɛnɛ Pètrò rzìi a tɛ̀mɛ̀nɛ̀.