Yòwanìrzɛ̀ 11:42 - Mokpwe: Bakwery (New Testament)

⁴² Nà hwi nanù ema ò òkànèyà màkanɛ̀ ma ami ihvònda ja arzɛ, na òhwa ndi nanù aŋga nanù hwanù hwatò ema hwa ukelì anù hwa lòkɛ̀ nanù ema ò wa ndi ò nò òmi.”

Yòwanìrzɛ̀ 11:42 Mawu Ofanana

Matiyò 26:53

O rza hwi nanù ema, na tànɛyi lì hwɛlɛ e Tatɛ̀ wa ami ò lì nò òŋgòwànà, ndèŋgànɛ̀lɛ̀ ò lìwòkimɛnɛ a nò òmeya lì aka lìyòme la matutà mà aŋgèlì nà mà hwàkɛ e?

Yòwanìrzɛ̀ 11:22

Ndi tɔ̀ nanù ò nàŋgɛ nanù na hwi ema Lohwɛ̀ a ò ŋgbà tɔ̀ mamɛ ema ò mò arzanì.”

Yòwanìrzɛ̀ 11:31

Nà òma hwatò hwa wònyà Yudà ema hwà mà hwɛ ò ndawò ò lì arzarzɛ Màlìyɛ̀, hwà mà ɛnɛ na òma Màlìyɛ̀ ahwèŋgɛ̀ ò lì ɛndɛ ò rzɔ̀ŋgɔ̀ ya ama Làrzàrɔ̀rzì hwà mà ɔ̀ŋgɛ̀lɛ̀ nanù ema a ɛndɛ ndi àŋga ò lì eyà. O èŋgànɛ̀lɛ̀ rzɔ hwà mà mò òŋgama aŋga.

Yòwanìrzɛ̀ 11:43

O mburza hwene hwèyòhwèlì hwe ama Yerzù, rzìi a tɛɛ na lìlò lì karzami, a hwɛlɛ Làrzàrɔ̀rzì ama, “Ìi Làrzàrɔ̀rzì wurza!”

Yòwanìrzɛ̀ 12:11

Èhwanja hwatò rzayi-rzayi hwa wònyà Yudà hwà mà hwɛ lì hwa kumbɛ imburza ò lì lòkɛ̀ Yerzù wɔ̀ hwà mà lòkɛ̀ Yerzù lì hvòmɛ̀nɛ̀ mamɛ ema e ma gbèyɛ̀nɛ Làrzàrɔ̀rzì.

Yòwanìrzɛ̀ 12:17

È ŋgindi ema è mà hwɛ nà Yerzù è hvònda ema à mà hwɛlɛ Làrzàrɔ̀rzì ò rzɔ̀ŋgɔ̀ rzìi à mò timbirzɛ ò lòŋgɛ, wɔ̀ hwa mà hwɛ lì nyàlirzɛ̀ meŋge meyàŋgò.

Yòwanìrzɛ̀ 17:21

Ìi Tatà, na kànɛ nanù ema wɔ̀ hwa hwɛ mòtò mɔ̀kɔ. Inyɛ̀ hwa hwɛ mɔ̀kɔ na irzɔ na òma ò wa ò hwèlì mɔ̀kɔ na imba ndèŋgàna na òma imba na hwèlì mɔ̀kɔ na ò wa. Inyɛ̀ hwa hwɛ mòtò mɔ̀kɔ aŋga nanù e rze e lòkɛ̀ nanù ema ò wa ndì ò nò òmi.

Yòwanìrzɛ̀ 17:25

Ìi Tatà ò tɛmi ehve-ehve. È rze e rza ò hwi ndi imba na ò hwi, rzìi hwanù hwa hwi nanù ema ò wa ndi ò nò òmi.

Yòwanìrzɛ̀ 17:8

Nà hwa òhwèlì mamɛ ya arzɛ ò nò òhwèlì ò lì hwa òhweyà rzìi hwa lòkɛ̀yi hwene hweyà, hwa hwi na e tɛ̀ɛtɛ nanù ema na uwɛ̀lɛ̀lɛ̀yi ndi ò mba aŋgɔ ndèŋgàna hwa lòkɛ̀yi hvɛ nanù ema ò wa ndi ò nò òmi.

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Yòwanìrzɛ̀ 3:17

Lohwɛ̀ à rzi òme è Ŋmanà wà eni ò rze yà mɔ̀nyɛ̀ ò lì kàyìrzɛ̀ hwatò. Ndi à mà mò òma ò lì rzùŋgà hwatò.

Yòwanìrzɛ̀ 8:16

Ndi na kàyìrzɛ̀ tɛ, e mbakò ya ami e hvomɛ̀nɛ̀, èhwanja na rza enje imba mbiti. Nà tɛmi ndi na Rzàŋgò ema e nò òmi

Yòwanìrzɛ̀ 8:29

È mɔ̀ ema à mà nò òma a hwèlì na imba. Mɔ̀ a rza nò rzɔnjɛ̀lɛ̀ na imba mbiti, èhwanja na hwèlì ndi ò lì gbeyà mamɛ ema e mò lìŋgìrzɛ hvònda tɛ.”

Yòwanìrzɛ̀ 8:42

Yerzù à mà hwa òhweyà nanù ema, “Lohwɛ̀ à mà hwɛ tɛ e rzàŋgò ya anyu, ò ma e nò lìŋgàni èhwanja na uwɛ̀lɛ̀lɛ̀yi ndi ò ma Lohwɛ̀ ndèŋgànɛ̀lɛ̀ naŋgɛ na hwèlì anù. Nà rza jelì ndi ò hwe lìŋgànelì hwe ami. Ndi mɔ̀ ndi à nò òmi.

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.

Hibrù 5:7

È hvonda ema Yerzù à mà hwɛ ò è rze yà mɔ̀nyɛ̀, à mà hwɛ lì kànɛ, lì atɛkɛ Lohwɛ̀, à mà hwɛ lì eeya lùwa lì ndɛnɛ, ndèŋgànɛ̀lɛ̀ mììrzɔ̀lì ma mà hwɛ lì mò wurza. À mà hwɛ lì kànɛ̀lɛ̀lɛ̀ Lohwɛ̀ ema à tanɛyi lì rzùŋga lòŋgɛ là eni. Lohwɛ̀ à mà hweyàna lìkanɛ̀ là eni, èhwanja mɔ̀ à hwɛni wɔ̀ɔ̀ŋgɔ̀ wo ama Lohwɛ̀ o tenì ya eni.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.

1 Yòwanìrzɛ̀ 4:14

Ndèŋgànɛ̀lɛ̀ irzɔ ì mà ɛnɛ nà lì ohweyà hwahvɛhvɛ hwatò nanù ema Tatɛ̀ à mà oma è Ŋmanà wà eni ò lì hwɛ è Mòrzùŋgèlì hwa è rze.