Yòwanìrzɛ̀ 11:41 - Mokpwe: Bakwery (New Testament)

⁴¹ O èŋgànɛ̀lɛ̀ hwaŋga hwatò hwà mà iŋgòlɛ lìŋgi lìŋyàyi ò lì ulɛhwɛ ò hwèkpèèlì hwe eŋge rzɔ̀ŋgɔ. Yerzù rzìi a ɔ̀ŋgɔ ò ŋmanyu yà lohwà rzìi a òhwa nanù ema, “Tatà na èki na òma ò nò alahwànɛ̀yi màkanɛ̀ mà ami.

Yòwanìrzɛ̀ 11:41 Mawu Ofanana

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Matiyò 11:26

Ɛ̀ɛ ìi Tatɛ̀, nanù ndi ò mà àrze òma e gbeyɛ̀nɛ̀.”

Matiyò 27:60

Rzìi à naŋgɛ̀lɛ mòŋgò ŋmììmbà ò rzɔ̀ŋgɔ̀ yà eni ema è mà hvòmàhwà ò tenì yà ekɔ̀kɔ̀ yà lìŋyàyi. Èŋge rzɔ̀ŋgɔ̀ è mà hwɛ ndi rzɔ̀ŋgɔ̀ hvènya yà ama Jòrzɛ̀hvù. Ò mburza nanù, rzìi à iŋgòlɛ lìŋyàyi lì ndɛ̀ɛ̀nɛ̀ ò lì umba hwèkpèèlì hwe eŋge rzɔ̀ŋgɔ̀ rzìi à ɛndɛ è yà eni.

Makòrzì 15:46

Jòrzɛ̀hvù rzìi à anda mbɔ̀mi yà lìhwàtù. À rzìhwìrzɛ̀ èŋge èèmbè yà ama Yerzù. À lìŋgɛ̀lɛ̀ èŋge èèmbè nà lìŋgi lìhwàtù, rzìi à naŋgɛlɛ èŋge èèmbè yà ama Yerzù ò tenì yà rzɔ̀ŋgɔ̀ ema è mà hvòmàhwà ò tenì yà lìŋyayì. À mà kulɛ̀ rzìi à iŋgòlɛ lìŋyayi lì ndɛ̀ɛ̀ndɛ̀ ò lì umba hwèkpèèlì hwe èŋge rzɔ̀ŋgɔ̀.

Lukàrzɛ̀ 10:21

O èŋge hvònda, Èlìŋgɛ̀ yà Wòtani e mà lìŋgìrzɛ Yerzù rzayì-rzayì, rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze yà mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò mà wunane hwàŋgà ema hwa òhvi mahwiye nà hwaŋga hwatò ema hwa rzɔ̀ŋgìtɛ̀nɛ̀. Ɛ̀ɛ Ìi Tatɛ̀, nanù ndi ò mà àrze òma è gbeyɛ̀nɛ̀.”

Lukàrzɛ̀ 18:13

“Ndi è mòrzàŋgèlì wà è njàŋge yà lìkànèyà à mà tɛ̀mɛ̀ hvòhvò. À rzi tanɛ̀ hvɛ tɔ̀ lì kàrzɛ mìirzɔ̀ ma eni ò lì ɔŋgɔ̀ lìwòhwɛ̀ la ŋmanyu. À mà ika màà mà eni ò màhwembe ma eni rzìi a kànɛ̀ nanù ema, ‘Ìi Lohwɛ̀ ò nò òkeya ììlì. Nà hwèlì ndi mòtò wà wòhwe.’”

Lukàrzɛ̀ 24:2

Hwa mà ùŋma lìŋyàyi ema hwa mà hwàndane hwèkpèèlì hwe è rzɔ̀ŋgɔ̀ lì mà tindàhwa, èhvàrzù yɔ̀kɔ.

Yòwanìrzɛ̀ 11:22

Ndi tɔ̀ nanù ò nàŋgɛ nanù na hwi ema Lohwɛ̀ a ò ŋgbà tɔ̀ mamɛ ema ò mò arzanì.”

Yòwanìrzɛ̀ 17:1

Nà òma Yerzù à mà kulɛ lì òhwa hwenè hweyà, à mà ɔ̀ŋgɔ ò ŋmanyu yà lohwà rzìi a òhwa nanù ema, “Tatà e hvònda e ma ja, uŋmɛ̀lɛ̀ hwatò èluhwe ya ama è Ŋmanà wà aŋgɔ̀, aŋga nanù è Ŋmanà wà aŋgɔ̀ mɔ̀ hvɛ a ò uŋmɛ̀lɛ̀ èluhwe.

Yòwanìrzɛ̀ 20:1

O ekpààrzɛ̀ yà èlèlè ya Rzɔ̀ɔ̀ndì òma jììtìtì i hwèlì nanù mɛnɛ, Màlìyɛ̀ Màdàlènì à mà ɛ̀ndɛ ò rzɔ̀ŋgɔ̀ ema Yerzù à mà imàhwɛlɛ. Nà òma à mà uke aŋga rzìi a ɛnɛ nanù ema lìŋyàyi ema hwà mà hwandane hwèkpèèlì hwe rzɔ̀ŋgɔ̀ lì ma ulɛ̀hwɛ.

Hwègbèèlì 7:55

Ndi kanatɛ Rzìtehvànɛ à mà ònde nà Èlìŋgɛ̀ yà Wòtani, à mà ɔŋgɔ̀ ò ŋmanyu yà lohwà, rzi à ɛnɛ ŋmàye mò òma Lohwɛ̀, nà Yerzù ema à tɛ̀mì ò ehvàrzu yà lìya là mòmɛ̀ là ama Lohwɛ̀.

Hvìlipìyà 4:6

È rzi ahvàhvɛ lì hvomɛ̀nɛ̀ tɔ̀ eyà. Ndi tɔ nanù o tɔ ima eyà ema ye e ùŋmànɛ̀lɛ̀, e kànɛ Lohwɛ̀ nanù ema a e ŋgbe mamɛ ema e arza. Ndeŋgànɛlɛ e kànɛ tɛ e mo eke.