Yòwanìrzɛ̀ 11:40 - Mokpwe: Bakwery (New Testament)

⁴⁰ Yerzù rzi a mò timbirzɛlɛlɛ nanù ema, “Nà rzi ò òhweyà ema ò lòkɛ̀yì tɛ ò ɛnɛ èluhwe yà ama Lohwɛ̀ e?”

Yòwanìrzɛ̀ 11:40 Mawu Ofanana

Matiyò 17:20

Yerzù rzìi a hwa alàhwɛ̀ nanù ema, “Inyɔ e rzi tànɛyi lì hvaya eŋge èlìŋgɛ̀ èhwanja lìlòkɛ̀ la anyu lì rza òlò. È hwɛni tɛ lìlòkɛ ema lì òlò ndi nàa ŋmanà hvɔ̀ŋgɔ̀ wa wòrzaŋgò, e tànɛyi e kànèyà mònò mòoli nanù ema, ‘Anjiya anu, ò ɛ̀ndɛ ɔnɛyi!’ Ndèŋgànà mò ɛndɛ. È tànɛyi lì gbeyà tɔ̀ mamɛ.”

Makòrzì 9:23

Yerzù rzìi a mò timbìrzɛ̀lɛ̀lɛ̀ nanù ema, “O ma nà tànɛyi tɛ lì gbeyà eyà e? Mòtò a òhvi tɛ lìlòkɛ̀, tɔ̀ ima eyà e tànɛyi lì gbèyɛ̀nɛ.”

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 11:4

Ndi nà òma Yerzù à mà hwèya nanù à mà òhwa nanù ema, “È nyàmbɛ ya ama Làrzàrɔ̀rzì e rza mò ùkirzɛ̀ ò kpelì. È gbèyɛ̀nɛ ndi ò lì ŋgbà Lohwɛ̀ èluhwe ò lì arza nanù ema è Ŋmanà wà ama Lohwà a lùwane enè eyà èluhwe.”

Yòwanìrzɛ̀ 12:41

Àyìrzayà à mà òhwa ndi nanù èhwanja à mà ɛnɛ èluhwe ndɛnɛ yà ama Yerzù ɔ̀ndeŋgàtɛ̀ à mà òhwa lì mò hvòmɛ̀nɛ̀.

Yòwanìrzɛ̀ 9:3

Yerzù rzìi a hwa alàhwɛ̀ nanù ema, “Rzeketɛ wòhwe wò eni tɔ̀ na e wò ama rzàŋgò wa eni na e nyàŋgò ya eni ndèŋgàtɛ̀ a ŋyàahwi nanù. A ma ŋyàahwà ndi na ndima aŋga nanù e ŋginyà ya ama Lohwɛ̀ e ɛneya ò lòŋgɛ la eni.

Ròmànì 6:4

Lìlùhwìrzɛ̀ ema i ma luwe, lì uŋmɛ̀lɛ̀ nanù ema irzɔ i ma ŋwa rzi ji imawɛlɛhwɛ na mɔ̀. Ène eyà e ma gbèyɛ̀nɛ ndi nanù, aŋga nanù i luwa ɛ̀ɛ̀mɛ̀ e hvènya. Ène e hwèlì ndi na òma e Tatɛ̀ e ma tɛmirzɛ Krirztò ò lòŋgɛ lì hvènya.

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.