Yòwanìrzɛ̀ 10:6 - Mokpwe: Bakwery (New Testament)

⁶ Ndi e wɔ̀ ema hwà mà hwèya e mbɔrzi ema Yerzù à mà òhwe, hwa rzi hvɔ̀ŋgɛ̀ mamɛ hwèŋge hweyà ema à mà òhwe hwe ma hwɛ.

Yòwanìrzɛ̀ 10:6 Mawu Ofanana

Matiyò 13:34

Yerzù à mà hwɛ ndì lì gbeyàna meyàna ò lì òkòlɛ hwatò. O rzìi hwɛ tɔ̀ eyà tɔ̀ yɔ̀kɔ ema à mà hwa òkòlɛ e rzi hwɛ lì hwa kpɛ̀ɛyà ŋmàna.

Matiyò 13:51

Yerzù rzìi a ijòwa hwà-òkòwèlì hwa eni nanù ema, “Inyɔ e ma rzɔ̀ŋgìtɛ̀nɛ̀ hwenè hwèyòkòwèlì hwe arzɛ e?” Wɔ̀ rzìi hwa mò alàhwɛ̀ hwa ama “Ɛ̀ɛ.”

Makòrzì 4:34

A rzi hwa òhweyà tɔ̀ Èya e rzìi hwɛ lì hwa kpɛ̀ɛyà ŋmàna. Ndi tɔ̀ ima hvònda ema a mà hwɛ mɔ̀ ŋmìti nà Hwà-òkòwèlì hwa eni mɛnɛ à mà hwa òhweyà jànda ja mene meyàna.

Yòwanìrzɛ̀ 16:25

Yerzù rzìi à òhweyà hwà-òkòwèlì hwa eni hvɛ nanù ema, “Tɔ̀ nɛ nàŋgɛ nà è òhwàna ndi nà è mbɔrzi yà meyànà, è hvònda è hwèlì è jà ema nà rza è òhwìrzɛ̀nɛ̀ hvɛ ò ene tumba yà mbɔrzi, ndi nà è òhweyà ndi nà è mbɔrzi yà rzɛŋgɛ-rzɛŋgɛ lì hvòmɛ̀nɛ̀ Tatɛ̀ wà ami è ŋgàna ema è hweni lì rzɔ̀ŋgìtɛ̀nɛ̀.

Yòwanìrzɛ̀ 16:29

Hwà-òkòwèlì hwa eni rzìi hwa òhwa nanù ema, “Nàŋgɛ nanù ò òhwa rzɛŋgɛ-rzɛŋgɛ ò rza òhwàna meyàna.

Yòwanìrzɛ̀ 6:52

Hwàŋga hwatò hwà mà hweye nanù, hwà mà tata, hwa wòteya lì tɔ̀kirzɛnɛ wɔ̀ na wɔ̀, rzi hwa ijòwanɛ nanù ema, “Nɛ ònò mòtò a àŋgàmɛ̀nɛyi lì jò ŋgbà e nyàmà nyò ya eni ema i lee e?”

Yòwanìrzɛ̀ 6:60

Rzayì-rzayì ja hwatò ema hwà mà hwɛ lì òŋgama Yerzù na òma hwà mà hweye hwene hweyà rzìi hwa òhwa nanù ema, “Hwene hwèyòkòlèlì hwe ambi ò lì rzɔ̀ŋgìtɛ̀nɛ̀, njɛnɛ mɔɔ a tànɛyi lì e emeyà lìni lìtumba la eyà e?”

Yòwanìrzɛ̀ 7:36

À òhwi ama jò ò mò arza ndi ì rza ò mò ɛnɛ. Ndèŋgana ì rza ò tànɛyi lì uka ò èki ema mɔ̀ à ò ɛndɛ. Mamɛ mɔ̀ à ɔ̀ŋgɛ̀lɛ̀ e?”

Yòwanìrzɛ̀ 8:27

Wɔ̀ hwa rzi rzɔ̀ŋgìtɛ̀nɛ̀ ema à mà hwɛ ndi lì hwa òhweyà lì hvòmɛ̀nɛ̀ Rzàŋgò wa eni.

Yòwanìrzɛ̀ 8:43

Mamɛ ndeŋgatɛ e rza rzɔ̀ŋgìtɛ̀nɛ̀ e mbɔrzi ya ami e? Èhwanja inyɔ e ambi lì hwèya mamɛ na òhwa.

1 Kɔ̀rintìyà 2:14

È mɔ̀ ema a rza ohvɛɛ Èlìŋgɛ̀ yà Wòtani a rza o lùwa hweyà ema hwe uwɛ̀lɛ̀lɛ̀yi o Èlìŋgɛ̀ ya ama Lohwɛ̀. Mɔ̀ a rza tànɛyi lì rzɔ̀ŋgìtɛ̀nɛ̀ hwèŋge hweyà, hwe hwèlì ndi hweyà hwe mɔ̀lɔ̀kɔ̀rzɔ̀ na mɔ̀. A rza tanɛ lì hwe rzɔŋgìtɛ̀nɛ èhwanja Èlìŋgɛ̀ yà Wòtani yɔ ndi e òŋgòwàna hwatò ò lì rzɔ̀ŋgìtɛ̀nɛ̀ hweyà hwe ama Lohwɛ̀.

2 Pètrò 2:22

Mamɛ ema e ma hwa gbèyɛ̀nɛ e uŋmɛ̀lɛ̀i ndi nanù ema, ŋmàna mo òhwa ndi e jɔ̀kɛ̀ nanù ema, “È ŋgbàà e timba ndi o lì laa mamɛ ema e ma màa lì yohwa” ndèŋgànɛ̀lɛ̀ “È ŋgòwa ema e ma rzorzahwɛ e rza hvoŋga o lì anyɔ̀kɛlɛ o tenì ya lìrzanja.”

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.