Yòwanìrzɛ̀ 10:31 - Mokpwe: Bakwery (New Testament)

³¹ O ene hvònda hwatò hwa wònyà Yudà hwà mà kòma màŋyàyi ò lì uŋma Yerzù hvɛ.

Yòwanìrzɛ̀ 10:31 Mawu Ofanana

Matiyò 12:14

Nà òma ene eyà e mà gbèyɛ̀nɛ nanù, rzìi Ihvalìrzàyì i mà wurza ò ndawò yà màkanɛ̀ rzìi hwa wòteyà lì weka ŋmanò mò lì òŋwa Yerzù.

Matiyò 21:35

Hwàŋga hwàgbèèlì hwa eŋge hvaya rzi hwa hvùma hwaŋga hwakutu. Hwa anana mɔ̀kɔ, hwa òŋwa òhvɛhvɛ, e mɔ̀ ema à mà ùkirzɛ̀ hwàyàwò à mà aŋgbahwa màŋyàyi natɛ̀ɛ a ŋwa.

Matiyò 23:35

Ò èŋgànɛ̀lɛ̀ rzɔ, inyɔ è ò hwanɛ̀ màyija mà hwatò hwa arzɛ ema hwa mà hwɛ ehve-ehve ema mà kòmèlì e rze ya arzɛ. Lìwòteyà ò e kpelì ya ama Abɛ̀lì ema à mà òŋwahwa ò ŋgundu natɛ̀ɛ nà ò è kpelì yà ama Rzàkàriyà, è ŋmanà wa mùnyanà wa ama Bɛ̀lɛ̀kàyìyà. Ema inyɔ e ma òŋwe ò ìtììtènì ja e Ndawò ya Lohwà na ètàwò yà màkanɛ̀.

Yòwanìrzɛ̀ 1:19

Hwàmbaki hwa hwatò hwa wònyà Yudà ò e mbòwà ya Jèrurzalɛ̀mù hwà mà òma lòŋgò la Pìlìrzì na lòŋgò la hwatò hwa lìtumba la ama Lɛ̀hvì òma Yòwanìrzɛ̀ ò lì mò ijòwa nanù ema, njɛnɛ mɔ̀ à hwèlì.

Yòwanìrzɛ̀ 10:24

Hwatò hwa Yudà hwà mà mò tòŋga rzi hwa mò ijòwa, nanù ema, “Ima hvònda ò hwɛni ò lì jò tàmìrzɛ̀ e? È hwèlì tɛ ema ò wa ndi ò hwèlì è Mɔ̀ ema à Ɔ̀kirzɛ̀hwɛ̀yi, ò jò òhweyà tòlòlò.”

Yòwanìrzɛ̀ 10:32

Ndi à mà hwa òhweyà nanù ema, “Nà ma e uŋmɛ̀lɛ̀ rzayi-rzayi ja hwèwòlò hwe gbamù ema hwe uwɛ̀lɛ̀lɛ̀yi ò ma Tatɛ̀. È arza lì nò uŋmanà màŋyàyi ò lì nò òŋwa. O ima èwòlò ema e arza lì nò uŋma màŋyàyi e?”

Yòwanìrzɛ̀ 11:8

Hwà-òkòwèlì hwa eni hwa mò alàhwɛ̀ nanù ema, “Ìi Mòòkòlèlì ò rzi ikolɛnɛyi mèenyà ema hwatò hwa Jùdeyà hwà mà arze lì ò agba màŋyàyi rzi òma ò timba ò tenì hvɛ e?”

Yòwanìrzɛ̀ 5:18

Hwenè hweyà ema Yerzù à mà òhwe hwe ma gbeyà hwatò hwa wònyà Yudà hwa mò kimeya ndi e kpelì. Rzìi hwa òhwa ema rzeketɛ tɔ̀ ema a undi ndi e mbenda mɛnɛ ndi à òhwi hvɛ nanù ema Lohwɛ̀ a hwèlì ndi Tatɛ̀ wa eni, a uŋmɛ̀lɛ̀ ndi nanù ema a hwèlì ndi èmɛ̀nɛ̀nì yɔ̀kɔ nà Lohwɛ̀.

Yòwanìrzɛ̀ 8:59

Nà òma à mà òhwe nanù, rzi hwa kòma màŋyàyi ò lì mò aŋgba, ndi Yerzù à mà àwutɛ̀ mɔ̀ ŋmìti, rzìi a nyɔ̀lɔ̀lɔ̀ èŋge ŋgìndì ò tenì ya èwòka ya e ndawò yà màkanɛ̀.

Hwègbèèlì 7:52

O ma hwɛ tɔ̀ mòòhwèlì wà èlìŋgɛ̀ tɔ̀ mɔ̀kɔ ema imbamba ja anyu, i rzi tàkirzɛ̀ e? Wɔ̀ hwà mà òŋwa irzuhwɛlɛ ja ama Lohwɛ̀ ja arzɛ ja kòhwa, ema hwà mà hwɛ lì òhwa lì hvòmɛ̀nɛ̀ hwejèelì hwe ama e mɔ̀ ema a gbèeyà hweyà ema hwe hvòmɛ̀nɛ̀. O naŋgɛ rzɔ inyɔ e ma mò àhwirzɛ̀ na lì mò òŋwa.