Yòwanìrzɛ̀ 10:3 - Mokpwe: Bakwery (New Testament)

³ È mòtò ema a ɔŋgeya èki, a mò lìhvòweya lìyòhva la kɔtɔ̀. Mɛɛlɛŋgu meyɔhvɛ̀ me mò hweyàna lìlò la eni. Mɔ̀ a hwɛlɛ mɛ̀ɛlɛ̀ŋgù me eni na mìinà ma awu, ò lì me tìmba ò èwòka.

Yòwanìrzɛ̀ 10:3 Mawu Ofanana

Yòwanìrzɛ̀ 10:14

“Imba na hwèlì ndi e mɔ̀ɔŋgèlì wa gbamù wa mɛ̀lɛ̀ŋgù, na hwi mɛ̀lɛ̀ŋgù me ami, mɛ̀lɛ̀ŋgù me ami meyɔhvɛ̀ me nò hwi.

Yòwanìrzɛ̀ 10:16

Nà òhvi mehvɛhvɛ mɛ̀lɛ̀ŋgù, ema me rza ènje ò tenì ya ene ndawò ya mɛ̀lɛ̀ŋgù. Nà àŋgàmɛ̀nɛ̀yi lì me jànà mèyɔ̀hvɛ. Me òkànèyà lìlò la ami, rzi me hwɛ gbaka wɔ̀kɔ na mɔ̀ɔŋgèlì mɔ̀kɔ.

Yòwanìrzɛ̀ 10:4

Mɔ̀ a wurzana tɛ mɛ̀ɛlɛ̀ŋgù me eni me arzɛ ò èwòka, a ɛ̀ndɛ ò wòrzò ò lì me tìmba, èhwanja mɛ̀ɛlɛ̀ŋgù me eni me hwi lìlò la eni.

Yòwanìrzɛ̀ 10:9

Nà e jɔ̀kɛ̀ imba ndi na hwèlì lìyòhva. Mòtò a nò akelì tɛ imba ò lì kpèeyà, a rzùŋgàhwà. Mɔ̀ a òhva wònja lì kpèeyà na lì wurza, a lùwa tɔ̀ ima lìtumba la eyà ema a arza.

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Yòwanìrzɛ̀ 6:45

È tìlahwì na òma hwà-òhwèlì hwa hwèlìŋgɛ̀ hwa òhwi nanù ema, ‘Lohwà a ò hwa òkòlɛ wɔ̀ hwa arzɛ.’ Tɔ ima mɔ̀ ema a hweyàni Tatɛ̀ rzìi a òkòwa a nò jèeya imba.

Ròmànì 8:30

O èŋgànɛ̀lɛ̀ rzɔ, hwatò ema Lohwɛ̀ à mà màa lì hvɔ̀rzɔ̀ mɔ̀ à hwa hwɛlɛyi ò lì hwɛ hwatò hwa eni. Ndèŋgàna e wɔ̀ ema mɔ̀ à hwɛlɛ a òhwi nanù ema hwa emeyàlɛhwɛ ò wòrzò wò eni, à mà hwa ŋgba èluhwe ya eni.

1 Kɔ̀rintìyà 16:9

Lìyohva lì ndɛnɛ lì lìhvowahwi anù o lì gbeyà èwòlò ya jɔ̀kɛ̀, ndi tɔ̀ nɛ ohwèlì rzayì-rzayì ja hwatò ema hwa no teŋgɛ̀nɛ̀yi.

Hvìlipìyà 4:3

Mbunda ami kòkò, ema ì gbèyɛnɛ èwòlò, nà ò atɛ̀kɛ̀ nanù ema ò òŋgowane hwanu hwalanà hwahwàkɛ nanù ema hwa àwohvanɛ̀ mɔ̀kɔ nà ɔnɛyi ɛ̀yɔ̀lɛ̀. Hwanu hwalana hwahwàkɛ, Klɛ̀mɛ̀ntì nà hwahvɛhvɛ hwàgbèèlì hwa mà hwɛ ò toŋgoŋgo yà ami. Irzɔ nà wɔ̀ ì mà gbeyà èwòlò gbamù, aŋga nanù imba nà ò tànɛ lì ohwa ŋmɛ̀ndì mò gbamù. Mììnà mà awu mà arzɛ mà hwèlì ò tenì yà è kààtì yà lòŋgɛ.

Kòlòrzìyà 4:3

È a jo kànɛlɛlɛ irzɔ hvɛ, aŋga nanù Lohwɛ̀ a jo lìhvoweya e njiya o lì ohwa ŋmɛ̀ndì lì hvomɛ̀nɛ̀ Krirztò, ema hwatò hwa rzi rzɔ̀ŋgìtɛ̀nɛ̀ o mòlòmɛ. Moŋgo ŋmɛ̀ndì ema imba na ohwa mɔ̀ ndi mo gbèyi ɔndèŋgàtɛ̀ imba na hwèlì o hwèwòwà.

2 Tìmotì 2:19

Ndi tɔ̀ nanù hweyà ema Lohwɛ̀ à mà rzeeya, hwe rza tikowahwa. Ndèŋgana e tìlahwì o ŋmanyu ya eni nanù ema, “È Rzàŋgo e hwi hwaŋga hwatò ema hwa hwèlì e hwe eni,” ndèŋgàna e tìlahwì nanù ema, “Hwaŋga hwatò hwa arzɛ ema hwa ohwa nanù ema wɔ̀ hwa hwèlì ndi na e Rzàŋgo, hwa hwɛni lì kumbɛ e mburza o hwègbèèlì hwe wòhwe.”

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.

1 Yòwanìrzɛ̀ 4:6

Irzɔ ì hwèlì ndi hwatò hwa ama Lohwɛ̀ ndèŋgànɛ̀lɛ̀ tɔ̀ njɛnɛ ema à hwi Lohwɛ̀, à àŋgàmɛ̀nɛ̀yi lì jo òkànèyà. Ndi tɔ̀ njɛnɛ ema à rza enje mòtò wà ama Lohwɛ̀, à rza jò hweyànà. Nànù ndi irzɔ jè embànà Èlìŋgɛ̀ yà jɔ̀kɛ̀ nà èlìŋgɛ̀ ema è lùkɛ̀lɛ̀ hwatò.

3 Yòwanìrzɛ̀ 1:14

Nà àhvìtɛ̀ ò lì è ɛnɛ ŋmanà mbɔ̀ aŋga nanù jò ò à ɛ̀nɛ̀nɛ̀ worzo nà worzo rzi ì kòowà.

Hwèwulùwèlì 20:15

Tɔ̀ njɛnɛ ema lìinà là eni lì rzi tìlahwɛ ò tenì yà è kààtì yà lòŋgɛ, à ò hvìmbàhwà ò tenì yà yùlu yà mùnya.

Hwèwulùwèlì 3:20

È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.

Hwèwulùwèlì 7:17

Èhwànja e Ŋguma ya Mɔ̀ɔ̀lɛ̀ŋgù ema e hwèlì o ìtììtènì ja hwèlìyelì hwe lìkànèyà, mɔ̀ ŋmìti ndi mo hwa ɔŋgeya. Mɔ̀ a o hwa timba o hwètùŋgu ema hwe ŋgbàa lòŋgɛ. Ndèŋganɛlɛ Lohwɛ̀ a o hwa titowa tɔ̀ ima lìrzɔ̀lì o mìrzɔ̀ ma awu.”