Yòwanìrzɛ̀ 10:27 - Mokpwe: Bakwery (New Testament)

²⁷ Mɛ̀lɛ̀ŋgù me ami me òkànèyà lìlò la ami, na me hwi, rzi mèyɔ̀hvɛ me nò nɔ̀ŋgɔ.

Yòwanìrzɛ̀ 10:27 Mawu Ofanana

Matiyò 16:24

Yerzù rzìi a òhweyà Hwà-òkòwèlì hwa eni nanù ema, “Tɔ̀ ima mòtò ema arza lì nò nɔ̀ŋgɔ a hwɛnì lì ahvòŋgɛ, rzìi a hwanɛ̀ e mbarzà ya eni rzìi à nò òŋgama.

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Matiyò 25:12

Rzìi è mòhwayèlì à hwa timbirzɛlɛ nanù ema, ‘Nà è jɔ̀kɛ̀, nà rza è hwi.’”

Matiyò 7:23

Rzìi nà hwa òhweyà nanù ema, ‘Imba nà rza è hwi. È nò anjiya anù, inyɔ ema è gbeyà wòhwe!’”

Makòrzì 10:21

Yerzù rzìi a mò ɔ̀ŋgɔ nà ŋmèma mò ndiŋgɛ rzìi a òhwa nanù ema, “O lìyelì eyà yɔ̀kɔ ò lì gbeyà, ɛ̀ndɛ ò ahwìrzɛ hwèèmà hwe aŋgɔ̀ hwe arzɛ ema ò òhvi, ò wòwe wòŋgò wòlì ò ŋgbe mèlìrza me hwatò, ò gbèyi tɛ nanù, ò òhva mònàmɛ̀ ò ŋmanyu yà lohwà. Èŋge hvònda, ò je ò nò nɔ̀ŋge.”

Makòrzì 8:34

Yerzù rzìi a hwɛlɛ èŋge ŋgìndì na hwà-òkòwèlì hwa eni, a hwa òhweyà nanù ema, “Tɔ̀ ima mɔ̀ ema a hwɛnì lì nò nɔ̀ŋgɔ a hwɛnì lì rzɔ̀rzɔ̀ hweyà hwe arzɛ rzìi a anjilɛ e mbarzà ya eni rzìi à nò nɔ̀ŋgɔ.

Lukàrzɛ̀ 13:27

È Rzàŋgò yà è ndawò ya àlahwɛ̀ nanù ema, ‘Nà rza è hwi. Nà rzà hwi hvɛ tɔ̀ èki ema e uwɛ̀lɛ̀lɛ̀yi. È nò anjiya ò mìirzɔ̀ ma ami. Inyɔ hwatò hwa wòhwe!’

Lukàrzɛ̀ 9:23

Yerzù rzìi à hwa òhweyà wɔ̀ hwa arzɛ nanù ema, “Tɔ̀ ima mòtò ema a àrza lì nò nɔ̀ŋgɔ à hwɛnì lì awɛmɛ̀ mɔ̀ ŋmìti ema à rza enje tɔ̀ mòtò. Òŋgò mòtò à hwɛnì hvɛ lì hwànɛ è mbarza yà èni wùnyà tɛ ò lì nò òŋgama.

Yòwanìrzɛ̀ 10:14

“Imba na hwèlì ndi e mɔ̀ɔŋgèlì wa gbamù wa mɛ̀lɛ̀ŋgù, na hwi mɛ̀lɛ̀ŋgù me ami, mɛ̀lɛ̀ŋgù me ami meyɔhvɛ̀ me nò hwi.

Yòwanìrzɛ̀ 10:16

Nà òhvi mehvɛhvɛ mɛ̀lɛ̀ŋgù, ema me rza ènje ò tenì ya ene ndawò ya mɛ̀lɛ̀ŋgù. Nà àŋgàmɛ̀nɛ̀yi lì me jànà mèyɔ̀hvɛ. Me òkànèyà lìlò la ami, rzi me hwɛ gbaka wɔ̀kɔ na mɔ̀ɔŋgèlì mɔ̀kɔ.

Yòwanìrzɛ̀ 10:8

Hwàŋga hwa arzɛ ema hwà mà lòma lì jà ndèŋgàna imba hvɛ na e ja, hwà mà hwɛ ndi hwayihwɛ na hwèkɛ̀nɛ̀ŋgɛ̀. Ndi mɛ̀lɛ̀ŋgù me rzi hwa hweyàne.

Yòwanìrzɛ̀ 12:26

Tɔ̀ ima mòtò ema à nò gbèeyà à àŋgàmɛ̀nɛ̀yi lì hwɛ è mògbèèlì wà ami. Tɔ̀ ima èki ema nà hwèlì è mògbèèlì wa ami mɔ̀ hvɛ à àŋgàmɛ̀nɛ̀yi lì hwɛ aŋga. Tɔ̀ ima mɔ̀ ema à nò gbèèlì, Tatɛ̀ wa ami à mò ŋgbà èluhwe.

Yòwanìrzɛ̀ 21:22

Yerzù rzìi à mò alàhwɛ̀ nanù ema, “Imba nà arza tɛ ema mɔ̀ à hwɛ lòŋgɛ natɛ̀ɛ nà jà, mamɛ èŋge è ò ɔ̀ŋgɔ e? Ò wà ò nò nɔŋge.”

Yòwanìrzɛ̀ 5:25

Nà e òhweyà e jɔ̀kɛ̀ nanù ema, e hvònda e hwèlì e ja èŋge hvònda e ma màa lì jà, ema hwatò ema hwà mà ŋwɛɛ hwa hwèya lìlò la ama è Ŋmanà wà ama Lohwɛ̀, rzìi hwaŋga ema hwa hweyi lìŋgi lìlò hwa ò hwɛ ò lòŋgɛ.

Yòwanìrzɛ̀ 8:12

Yerzù à mà òhwìrzɛ̀nɛ̀ hvɛ hwatò, à mà òhwa nanù ema, “Imba ndì na hwèlì etùlù ya e rze. È mɔ̀ ema a nò nɔŋgi a rza tanɛ lì ɛ̀ndɛ ò jìtìtì, ndi à ò hwɛnɛ etùlù ya lòŋgɛ.”

Yòwanìrzɛ̀ 8:43

Mamɛ ndeŋgatɛ e rza rzɔ̀ŋgìtɛ̀nɛ̀ e mbɔrzi ya ami e? Èhwanja inyɔ e ambi lì hwèya mamɛ na òhwa.

Hwègbèèlì 3:23

Tɔ̀ njɛ̀nɛ ema a rza hweyàna òŋgò mòòhwèlì wà èlìŋgɛ̀, Lohwɛ̀ a mò ulɛ ò ìtììtènì ja hwatò hwa Lohwɛ̀ ndèŋgànɛ̀lɛ̀ a hvaŋgahwa.’

1 Kɔ̀rintìyà 8:3

Ndi tɔ̀ ima mòtò ema a lìŋgàni Lohwɛ̀, òŋgo mòtò ndi Lohwɛ̀ a hwi.

Gàletìyà 4:9

Ndi nàŋgɛ ema e hwi Lohwɛ̀, tɔ̀ na ohwa ndi nàŋgɛ nanù ema, Lohwɛ̀ a e hwi, nɛ rzɔ inyɔ e arza lì timba lì hwɛ hwàkòmì hvɛ o rze ya e ŋginyà ya ene rze.

2 Tìmotì 2:19

Ndi tɔ̀ nanù hweyà ema Lohwɛ̀ à mà rzeeya, hwe rza tikowahwa. Ndèŋgana e tìlahwì o ŋmanyu ya eni nanù ema, “È Rzàŋgo e hwi hwaŋga hwatò ema hwa hwèlì e hwe eni,” ndèŋgàna e tìlahwì nanù ema, “Hwaŋga hwatò hwa arzɛ ema hwa ohwa nanù ema wɔ̀ hwa hwèlì ndi na e Rzàŋgo, hwa hwɛni lì kumbɛ e mburza o hwègbèèlì hwe wòhwe.”

Hibrù 3:7

Ò eŋgànɛlɛ, è okànèyà mamɛ ema Èlìŋgɛ̀ yà Wòtani è ohwa. Yɔ̀ è ohwa nanù ema, “Yàwonò, è hweyi tɛ lìlo là ama Lohwɛ̀,

Hwèwulùwèlì 14:4

Hwanu hwatò hwà mà hwɛ ndi hwatò ema hwa rza atukɛ e mbìndo ya hwalana, ehwànja hwa rzi hwi morzombo mo molàna. Hwàŋga hwatò ndi hwa oŋgamà e Ŋguma ya Mɔ̀lɛ̀ŋgù tɔ̀ ima èki ema e Ŋguma ya Mɔ̀lɛ̀ŋgù e ɛ̀ndɛ. Hwanu hwatò ndi hwa o kɔ̀tɔ̀wɔ̀ o ìtììtènì ja hwatò hwa hwènàmà. Ndeŋgànɛ̀lɛ̀ wɔ̀ ndi hwa hwèlì nàa e mbota ya worzo ema e ŋgbàahwì Lohwɛ̀ na e Ŋgùma ya mɔ̀lɛ̀ŋgù nàa làhweyà.

Hwèwulùwèlì 3:20

È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.