Yòwanìrzɛ̀ 10:24 - Mokpwe: Bakwery (New Testament)

²⁴ Hwatò hwa Yudà hwà mà mò tòŋga rzi hwa mò ijòwa, nanù ema, “Ima hvònda ò hwɛni ò lì jò tàmìrzɛ̀ e? È hwèlì tɛ ema ò wa ndi ò hwèlì è Mɔ̀ ema à Ɔ̀kirzɛ̀hwɛ̀yi, ò jò òhweyà tòlòlò.”

Yòwanìrzɛ̀ 10:24 Mawu Ofanana

Matiyò 11:3

A ma òhwa ama hwa ɛndɛ hwa ijòwa Krirztò nanù ema, “O wa ndi ò hwèlì e Mɔ̀ ema Lohwɛ̀ à mà òhwe nanù ema a òma e? Ŋga i lìmeya ndi ò lì ambɛ̀lɛ òhvɛhvɛ mòtò e?”

Makòrzì 8:32

Yerzù à mà hwa òhweyà hwenè hweyà tòlòlò. Pètrò à mà mò wòwa rzìi a mò ɛ̀ndɛnɛ ò tòŋgòŋgò, rzìi à mò kanja.

Lukàrzɛ̀ 3:15

Hwàŋga hwatò ema hwà mà ambɛlɛlɛ nà nyìrzɛ̀ yà mèèmà, hwa mà hwɛ aŋga nà nyìrzɛ̀, nà hwètàmirzelì, ò mèèmà me awu, ò lì hwiyà ŋgà Yòwanìrzɛ̀ ndi à hwèlì òŋgò ema à Ɔ̀kirzɛ̀hwɛ̀yi nà Lohwɛ̀.

Yòwanìrzɛ̀ 1:19

Hwàmbaki hwa hwatò hwa wònyà Yudà ò e mbòwà ya Jèrurzalɛ̀mù hwà mà òma lòŋgò la Pìlìrzì na lòŋgò la hwatò hwa lìtumba la ama Lɛ̀hvì òma Yòwanìrzɛ̀ ò lì mò ijòwa nanù ema, njɛnɛ mɔ̀ à hwèlì.

Yòwanìrzɛ̀ 10:31

O ene hvònda hwatò hwa wònyà Yudà hwà mà kòma màŋyàyi ò lì uŋma Yerzù hvɛ.

Yòwanìrzɛ̀ 10:33

Rzìi à hwa alàhwɛ̀ nanù ema, “I rza arza lì uŋma màŋyàyi ò nyòla hwèwòlò hwe gbamù ema ò ma gbeyɛ. Ndi i uŋma ndì èhwanja ò hwɛnyi Lohwɛ̀.”

Yòwanìrzɛ̀ 16:25

Yerzù rzìi à òhweyà hwà-òkòwèlì hwa eni hvɛ nanù ema, “Tɔ̀ nɛ nàŋgɛ nà è òhwàna ndi nà è mbɔrzi yà meyànà, è hvònda è hwèlì è jà ema nà rza è òhwìrzɛ̀nɛ̀ hvɛ ò ene tumba yà mbɔrzi, ndi nà è òhweyà ndi nà è mbɔrzi yà rzɛŋgɛ-rzɛŋgɛ lì hvòmɛ̀nɛ̀ Tatɛ̀ wà ami è ŋgàna ema è hweni lì rzɔ̀ŋgìtɛ̀nɛ̀.

Yòwanìrzɛ̀ 8:25

Hwà mà mò ijòwa nanù ema, “Ò wà ò hwèlì ndi njɛ e?” Yerzù rzìi a hwa timbirzɛlɛlɛ nanù ema, “Nà hwèlì ndi e mɔ̀ ema na hwèlì lì aàtɛ ene hvònda ya arzɛ.

Yòwanìrzɛ̀ 8:53

O wa ò òlò lì aka rzàŋgò ya arzù Abràhamù e? Abràhamù à mà ŋwa, nanù mɛnɛ na hwanɛ̀yi hwà-òhwèlì hwa hwèlìŋgɛ̀. Njɛnɛ ò wa ò ɔ̀ŋgɛ̀lɛ̀yi ema ò hwèlì e?”

Yòwanìrzɛ̀ 9:22

Rzàŋgò na nyàŋgò wa eni hwà mà òhwa ndi nanù èhwanja hwà mà òka hwatò hwa lìkànèyà là wònyà Yudà wɔ̀ŋgɔ̀. Hwatò hwa wònyà Yudà hwà mà òhwa nanù ema tɔ̀ ima mɔ̀ ema a òhwi nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, hwa mò hvaya ò ndawò ya màkanɛ̀.

2 Kɔ̀rintìyà 3:12

O èŋgànɛ̀lɛ̀ rzɔ na oma i ma lòkɛ̀ nanù ema ŋmɛ̀ndì ema jo òhwa mo òhvi wòlìto rzayi-rzayi, irzɔ i ma ohwa e rzi hwɛ lì oka tɔ̀ wɔ̀ŋgɔ̀ tɔ̀ wɔ̀kɔ.