Yòwanìrzɛ̀ 10:2 - Mokpwe: Bakwery (New Testament)

² Ndi e mɔ̀ ema a akelì ò lìyòhva ò lì kpèeyà ò ndawò ya mɛ̀ɛlɛ̀ŋgù, a hwèlì ndi e mɔ̀ɔŋgèlì hwa mɛ̀ɛlɛ̀ŋgù.

Yòwanìrzɛ̀ 10:2 Mawu Ofanana

Matiyò 15:11

Rzeketɛ e yɔ ema e kpèeyà ò tenì ya e wàna ya mòtò ndi e mò gbeyà a hwɛ ŋmiŋgò ò ma Lohwɛ̀, ndi mamɛ ema e wurza mòtò ò wàna ya eni yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Yòwanìrzɛ̀ 10:14

“Imba na hwèlì ndi e mɔ̀ɔŋgèlì wa gbamù wa mɛ̀lɛ̀ŋgù, na hwi mɛ̀lɛ̀ŋgù me ami, mɛ̀lɛ̀ŋgù me ami meyɔhvɛ̀ me nò hwi.

Yòwanìrzɛ̀ 10:7

O èŋgànɛ̀lɛ̀ Yerzù à mà òhwà hvɛ nanù ema, “Nà e òhweyà ndi e jɔ̀kɛ̀, imba ndi na hwèlì lìyòhva là è ndawò yà mɛ̀lɛ̀ŋgù.

Yòwanìrzɛ̀ 10:9

Nà e jɔ̀kɛ̀ imba ndi na hwèlì lìyòhva. Mòtò a nò akelì tɛ imba ò lì kpèeyà, a rzùŋgàhwà. Mɔ̀ a òhva wònja lì kpèeyà na lì wurza, a lùwa tɔ̀ ima lìtumba la eyà ema a arza.

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

1 Tìmotì 4:14

O rzi keka o lì tɛmirzɛ èwòlò ema Lohwɛ̀ a o ŋgbelì nàa jàhwèyà ema o gbeye, o lì ohweyà hwatò hweyà ema Lohwɛ̀ à mà ohwe nanù ema o hwa ohweyà, e hvonda ema hwatimbelì hwa ŋmèmba hwà mà o hwàkɛ̀ màà mà awu o mohvo mo aŋgɔ̀.

Tàyìtùrzì 1:5

Ìi Tàyìtùrzì, nà mà ò lììya ò mbowà yà Krɛ̀tɛ aŋga nanù ò wà ò tànɛ lì tɛ̀yirzɛ mamɛ ema è rzi kulɛ̀hwɛ ò lì gbeyàhwa, ndèŋganɛlɛ ò lì hvɔ̀rzɔ̀ hwàtìmbèlì hwa mèèmbà ò tɔ̀ ima mbowà. Ò rzi hvoŋga ò lì gbeyà nà oma imba nà mà ò ohweyà ò lì gbeyà.

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

1 Pètrò 2:25

O hvonda hvɔ̀kɔ, inyɔ e ma hwɛ ndi nàa mɛ̀lɛ̀ŋgù ema me ma ɛndɛ moŋgoŋgo. Ndi o naŋgɛ Lohwɛ̀ à mà e timbirzɛ o lì oŋgama e mòtò ema a e ɔŋgeya nàa e mɔ̀ɔ̀ŋgèlì hwa mɛ̀lɛ̀ŋgù a ɔŋgeya gbaka wò mɔ̀lɛ̀ŋgù.

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

Hwèwulùwèlì 1:20

È wùndɛ̀ ema e hwèlì lì hvomɛ̀nɛ̀ lìrzàmba la rzombe ema lì hwèlì o lìya la ami la mome na lìrzamba la mboko ja gòòlù ja hwètùlù hwe hwèlì ndi: Lìrzàmbà la rzombe lì hwèlì ndi i aŋgèlì lìrzàmba ja lìrzàmba la mèèmbà, ndeŋgànɛlɛ lìrzàmba la mboko ja gòòlù ja hwètùlù hwe hwèlì ndi lìŋgi lìrzàmba la mèèmbà.”