Yòwanìrzɛ̀ 10:17 - Mokpwe: Bakwery (New Testament)

¹⁷ Tatɛ̀ a nò lìŋgàni èhwanja na wòŋgìrzɛ̀nɛ̀yi ò lì ŋwa aŋga nanù na luwa lòŋgɛ lì ami hvɛ.

Yòwanìrzɛ̀ 10:17 Mawu Ofanana

Yòwanìrzɛ̀ 10:11

“Imba ndi nà hwèlì e mɔ̀ɔŋgèlì wà gbamù wà mɛ̀lɛ̀ŋgù. È mɔ̀ɔ̀ŋgèlì wà gbamù wà mɛ̀lɛ̀ŋgù à wòŋgìrzɛ̀nɛ̀yi ò lì ŋwèeyà mɛ̀lɛ̀ŋgù ma eni.

Yòwanìrzɛ̀ 10:15

Nànù mɛnɛ ndi Tatɛ̀ wa ami a nò hwi, ndèŋgàna imba hvɛ na mò hwi. O èŋgànɛ̀lɛ̀ rzɔ na wòŋgìrzɛ̀nɛ̀yi ò lì ŋwèeyà mɛ̀lɛ̀ŋgù me ami.

Yòwanìrzɛ̀ 10:18

Tɔ̀ mòtò a rza tànɛyi lì nò wòwàna lòŋgɛ la ami. Imba na lì wɔ̀lɛ̀nɛ̀ ndi ò hwèlìŋgànèlì hwe ami. Nà òhvi hvɛ lìkànèyà ò lì ŋgbà lòŋgɛ la ami ndèŋgàna ò lì li wòwa hvɛ. Èya ene ema Tatɛ̀ a nò òhwèlì ema na gbeeye.”

Yòwanìrzɛ̀ 3:25

O èŋge hvònda mɛnɛ ò ma wurza hvenda lì teŋgɛ̀nɛ̀ lòŋgò la Hwà-òkòwèlì hwa ama Yòwanìrzɛ̀ na mòtò mɔ̀kɔ hwa wònyà Yudà lì hvòmɛ̀nɛ̀ lìrzàŋgìrzɛ̀ la nyɔ nàa ɛ̀ɛ̀mɛ̀ ya wònyà Yudà.

Hibrù 1:9

O wa o lìŋgàni mamɛ ema e hvomɛ̀nɛ̀yi, ndèŋgàna o kɔwu hvɛ mamɛ ema e rza hvomɛ̀nɛ̀. Ɔ̀ndeŋgàtɛ̀ Lohwɛ̀, Lòohwà là aŋgɔ̀, à o hvɔ̀rzì o lì hwɛ wòlìto lì aka hwatò hwa arzɛ ema inyɔ na wɔ̀ e hwèlì, ndèŋgànɛlɛ a o hvɔ̀rzì o wa o lì oka mɔ̀nyɛ̀ŋgì lì aka hwatò hwa arzɛ ema inyɔ na wɔ̀ e hwèlì.”

Hibrù 2:9

Ndi irzɔ ja ɛnɛ nɛ Yerzù a hwèlì. O ŋmanà hvoka hvonda Lohwɛ̀ à mà mo gbeyà ema a rza ukɛ tɔ̀ i aŋgèlì. O nàŋgɛ, Lohwɛ̀ à mà mo ŋgba ŋmàye na èluhwe nàa kìŋgɛ ehwànja o lìtake ema mɔ̀ à lu na e kpelì ema a ŋwelì. Lohwɛ̀ mɔ̀ à mà jo uŋmɛ̀lɛ̀ e ndèli ya eni o e kpelì ya ama Yerzù a ŋwɛlɛlɛyì hwatò hwa arzɛ.