Yòwanìrzɛ̀ 10:16 - Mokpwe: Bakwery (New Testament)

¹⁶ Nà òhvi mehvɛhvɛ mɛ̀lɛ̀ŋgù, ema me rza ènje ò tenì ya ene ndawò ya mɛ̀lɛ̀ŋgù. Nà àŋgàmɛ̀nɛ̀yi lì me jànà mèyɔ̀hvɛ. Me òkànèyà lìlò la ami, rzi me hwɛ gbaka wɔ̀kɔ na mɔ̀ɔŋgèlì mɔ̀kɔ.

Yòwanìrzɛ̀ 10:16 Mawu Ofanana

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Lukàrzɛ̀ 15:8

“È hwèlì tɛ ema mòlanà à òhvi lìyòmɛ̀ la kahvà ò lìya, rzìi kahvà hvɔ̀kɔ e wɔ̀ ò tenì ya ndawò yà èni, rzèkɛ òŋgò mòlanà à hwɛnì lì hvàalɛ etùlù, rzìi a wòteya hvɛ lì tutà è ndawò, ò lì ɔ̀ŋgɔ kɔ̀yi-kɔ̀yi natɛ̀ɛ à lùwà èŋge kahvà e?

Yòwanìrzɛ̀ 10:11

“Imba ndi nà hwèlì e mɔ̀ɔŋgèlì wà gbamù wà mɛ̀lɛ̀ŋgù. È mɔ̀ɔ̀ŋgèlì wà gbamù wà mɛ̀lɛ̀ŋgù à wòŋgìrzɛ̀nɛ̀yi ò lì ŋwèeyà mɛ̀lɛ̀ŋgù ma eni.

Yòwanìrzɛ̀ 10:2

Ndi e mɔ̀ ema a akelì ò lìyòhva ò lì kpèeyà ò ndawò ya mɛ̀ɛlɛ̀ŋgù, a hwèlì ndi e mɔ̀ɔŋgèlì hwa mɛ̀ɛlɛ̀ŋgù.

Yòwanìrzɛ̀ 10:27

Mɛ̀lɛ̀ŋgù me ami me òkànèyà lìlò la ami, na me hwi, rzi mèyɔ̀hvɛ me nò nɔ̀ŋgɔ.

Yòwanìrzɛ̀ 10:3

È mòtò ema a ɔŋgeya èki, a mò lìhvòweya lìyòhva la kɔtɔ̀. Mɛɛlɛŋgu meyɔhvɛ̀ me mò hweyàna lìlò la eni. Mɔ̀ a hwɛlɛ mɛ̀ɛlɛ̀ŋgù me eni na mìinà ma awu, ò lì me tìmba ò èwòka.

Yòwanìrzɛ̀ 10:4

Mɔ̀ a wurzana tɛ mɛ̀ɛlɛ̀ŋgù me eni me arzɛ ò èwòka, a ɛ̀ndɛ ò wòrzò ò lì me tìmba, èhwanja mɛ̀ɛlɛ̀ŋgù me eni me hwi lìlò la eni.

Yòwanìrzɛ̀ 10:5

Mene mɛ̀ɛ̀lɛ̀ŋgù me rza nɔ̀ŋgɔ ŋmɛ̀ni. Ndi me mò hwaŋga èhwanja me rza hwi lìlò la eni.”

Yòwanìrzɛ̀ 11:52

Rzekɛtɛ ò wònyà Yudà mɛnɛ ndi ò lì rzàŋga hwatò hwa arzɛ hwa ama Lohwɛ̀ ema hwa wuhwèlì ò èki yɔ̀kɔ, aŋga nanù hwa hwɛ mòtò mɔ̀kɔ.

Yòwanìrzɛ̀ 17:20

“Nà rza kànɛlɛlɛ ndi hwà-òkòwèlì hwa ami mɛnɛ ndi na kànɛlɛlɛ hvɛ e wɔ̀ ema hwa nò lòkɛ̀yì èhwanja hweyà ema na òhwa hwà hwe hweyàna.

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Hwègbèèlì 15:14

Rzimɔ̀ni mɔ̀ à mà jò uŋmɛ̀lɛ̀ naŋgɛ nɛ Lohwɛ̀ à mà wòteyà lì uŋmɛ̀lɛ̀ hwatò ema hwa rza enje wònyà Yudà, ŋmèma mò eni mò gbamù. È mòhvɔ̀rzèlì wà hwatò ò ìtììtènì ja awu ò lì hwɛ hwatò hwa eni.

Hwègbèèlì 18:10

O hwiye nanù ema imba na hwèlì na ò wa. Tɔ̀ mòtò a rza tànɛyi lì ò urzuweya na lì ò hvaŋga. Èhwanja na òhvi rzayì-rzayì ja hwatò ò ene mbòwà ndɛnɛ.”

Hwègbèèlì 22:14

O mburza nanù, Ànàniyarzì rzìi à òhwa nanù ema, ‘Lohwɛ̀ la ama imbamba ja arzu à mà màà lì ò hvɔ̀rzɔ̀ ò lì hwiya lì emeyà la eni, na ò lì ɛnɛ e Mɔ̀ ema a hwèlì Èhve-ehve na ò lì hweyà imbɔrzi ema jò uwɛ̀lɛ̀lɛ̀yì ò wàna ya eni.

Ròmànì 11:25

Ìi wònyànyàŋgò wa ami kòkò, na arza nanù ema e rzɔ̀ŋgìtɛ̀nɛ̀ eyà ema natɛ̀ɛ na nàŋgɛ tɔ̀ mòtò a rzi rzɔ̀ŋgìtɛ̀nɛ̀, aŋga nanù e rzi lùteyà nanù ema e òhvi lìhwiyè rzayi-rzayi. Nà arza nanù ema e rzɔ̀ŋgìtɛ̀nɛ̀ nanù ema, maniyà mà lòŋgò la hwatò hwa Irzàyɛ̀lì ma ò hwɛ natɛ̀ɛ na ò hwaŋga hwatò hwa arzɛ ema hwa rza enje wònyà Yudà ema hwa rza lòkɛ̀ hwa ò lòkɛ̀.

2 Tɛ̀rzàlonìyà 2:13

Ndi wònyamòwè kòkò ema è lìŋgàhwɛnɛ nà Rzàŋgo Yerzù, jà àŋgàmɛ̀nɛ̀yi lì eka Lohwɛ̀ ihvonda jà arzɛ ò lì è hvomɛ̀nɛ̀. Irzɔ ì mò eka ehwànja Lohwɛ̀ à mà è hvɔ̀rzɔ̀ inyɔ hwatò hwa Tɛ̀rzàlonìya ò lì hwɛ hwatò hwa worzo ò lì lùwa mòrzùŋgèlì ò lì akeyà nà è ŋginyà yà èlìŋgɛ̀ yà wòtani, aŋga nanù inyɔ è hwɛ hwatò hwa eni ema hwa hwèlì wòtani. Ndèŋganɛlɛ mɔ̀ à mà è gbeyà ò lì luwa mòrzùŋgèlì, ò nyòla lìlòkɛ̀ là anyu ò jɔ̀kɛ̀.

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

1 Pètrò 2:10

O hvonda hvɔ̀kɔ, inyɔ e rzi hwɛ tɔ̀ hwatò hwa ama Lohwɛ̀, ndi o naŋgɛ e ma timba ndi hwatò hwa eni. O hvonda hvɔ̀kɔ ììlì ja ama Lohwɛ̀ i rzi e uke, ndi o naŋgɛ inyɔ e ma luwa ììlì ja eni.

1 Pètrò 2:25

O hvonda hvɔ̀kɔ, inyɔ e ma hwɛ ndi nàa mɛ̀lɛ̀ŋgù ema me ma ɛndɛ moŋgoŋgo. Ndi o naŋgɛ Lohwɛ̀ à mà e timbirzɛ o lì oŋgama e mòtò ema a e ɔŋgeya nàa e mɔ̀ɔ̀ŋgèlì hwa mɛ̀lɛ̀ŋgù a ɔŋgeya gbaka wò mɔ̀lɛ̀ŋgù.

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

Hwèwulùwèlì 3:20

È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.