Yòwanìrzɛ̀ 10:1 - Mokpwe: Bakwery (New Testament)

¹ Yerzù rzi a òhwa nanù ema, “Nà e òhweyà ndi e jɔ̀kɛ̀ ema, e mòtò ema a rza akelɛ ò lìyòhva ò lì kpèeyà ò tenì ya e ndawò ya mɛ̀lɛ̀ŋgù, ndi à àgbelì ndì ò ehvɛhvɛ èhvarzù ò lì kpèeyà, a hwèlì ndì ŋmìhwɛ̀ na ekènɛ̀ŋgɛ̀.

Yòwanìrzɛ̀ 10:1 Mawu Ofanana

Matiyò 7:15

“È aŋgòhweya hwà-òhwèlì hwa hwèlìŋgɛ̀ hwa mòlàŋgà. Wɔ̀ hwa ɛnɛ ndi ŋmɛɛ nàa mɛ̀lɛ̀ŋgù, ndi ò tenì yà mèèmà mè awu hwa hwèlì wòhwe nàa njuwɛ.

Yòwanìrzɛ̀ 10:7

O èŋgànɛ̀lɛ̀ Yerzù à mà òhwà hvɛ nanù ema, “Nà e òhweyà ndi e jɔ̀kɛ̀, imba ndi na hwèlì lìyòhva là è ndawò yà mɛ̀lɛ̀ŋgù.

Yòwanìrzɛ̀ 3:3

Yerzù rzìi à mò alàhwɛ̀ nanù ema, “Imba nà ò òhweyà ndi è jɔ̀kɛ̀ ema ò rza enje tɔ̀ mòtò tɔ̀ mɔ̀kɔ ema à ò kpèeyà ò lìkànèyà là ama Lohwɛ̀ à rza ŋyààhwì tɛ mòhvènya.”

Ròmànì 10:15

Nɛ rzɔ mònò ŋmɛ̀ndì mò tànɛyi lì òhwahwa e hwèlì tɛ ema irzuhwɛlɛ i rza òmahwi e? È tìlahwì ò e kààtì ya Lohwà nanù ema, “Mòtò a jàni tɛ ŋmɛ̀ndì mò gbamù, mò jànà màlìŋgò.”

Ròmànì 16:18

È rzi keka lì hwa òŋgama èhwanja hwa rza gbèeyà ndi e Rzàŋgò ya arzu Krirztò, ndi hwa gbèeyà ndi nanù ò lì òndìrzɛ̀ e nyɔ̀ŋgi ya awu. Hwa gbeyàna e mbɔrzi ya awu ya gbamù na jòòhwì ja gbamù ò lì lukɛlɛ hwatò ema hwa rza rzɔ̀ŋgɔ lì rzɔ̀ŋgìtɛ̀nɛ̀.

Tàyìtùrzì 1:11

O rzi keka lì emeyà nanù ema hwaŋga hwatò hwa okolɛ ehwànja wɔ̀ hwà mà hvuŋguhwa rzayi-rzayi ja màtumbà mà hwatò hwa ama Krirztò na oma wɔ̀ hwa okolɛ hweyà ema hwa rza ohvɛ e wònja o lì hwe okolɛ. Wɔ̀ hwa okolɛ ndi ini nyayi ja hweyà aŋga nanù wɔ̀ hwa luwa wolì.

Hibrù 5:4

Tɔ̀ mòtò a rza tanɛ a aŋgbɛ mɔ̀ ŋmìti èluhwe ya e Pìlìrzì e Kàrzàmi. Lohwɛ̀ ndi à hvɔ̀rzɔ̀ mòtò o lì hwɛ e Pìlìrzì e Kàrzàmi, ŋgàna hvɔ̀kɔ hvɛ na oma à mà hvɔ̀rzè Arɔ̀nì.

1 Pètrò 1:10

O lì hvomɛ̀nɛ lìni lì rzùŋgàhwa, hwà-òhwèlì hwa hwèlìŋgɛ̀ ema hwà mà ohwa lì hvomɛ̀nɛ̀ hweyà ema hwe o gbèyɛ̀nɛ o e hvonda ema e o jɛ̀ɛ̀ o worzo ò lì hvomɛ̀nɛ̀ lìŋgi lì rzùŋgàhwa ema Lohwɛ̀ à mà ohwe nanù ema a e ŋgba na jàhwèyà. Wɔ hwà mà hvuŋguwa na lì arzirzɛ kɔ̀yi-kɔ̀yi lì hvomɛ̀nɛ̀ lìni lì rzùŋgàhwa.

2 Pètrò 2:1

Ò è hvonda yà kòhwàà ò mà wurza hwà-òhwèlì hwa hwèlìŋgɛ̀ hwa mòlaŋgà ò ìtììtènì jà hwatò. Ŋgànà hvɔ̀kɔ hvɛ nanù mɛnɛ ɔndi hwà-òkòlèlì hwa mòlaŋgà hwa ò wurzɛ ò ìtììtènì jà anyu. Wɔ̀ hwa ò gbeyàna meyàno ò lì okòlɛ̀ hwèyòkòlèlì hwe mòlaŋgà, hweŋge hwèyòkòlèlì hwe ò hvàŋga hwatò ema hwa hwe lòkɛ̀. Hwàŋga hwà-òkòlèlì hwa mòlàŋga hwa ò rzɔ̀rzɔ̀ è Rzàŋgo ema mɔ̀ ndi à hwa ulɛ̀yi ò tenì yà wòhwe. Ène eyà è ò gbeyà hwa ò ahvàŋgelɛ wɔ̀ hwiti kàrzi-kàrzi.

2 Pètrò 2:3

O tenì ya e njɔ̀ŋgu ya awu, hwanu hwà-òkòlèlì hwa mòlaŋgà, hwa o luwa morzɛ̀ŋgi o lì e ohweyà màyìtò ema wɔ̀ hwa weki e lì e hvùmana hwèèmà. Lohwɛ̀ mɔ̀ à mà màa lì akɛlɛ e mbàko na e koohwa nanù ema a o hwa kɔ̀kìrzɛ̀. Èŋge kɔ̀kìrzɛ̀ e hwa ambɛ̀lɛ̀, ndèŋgànɛ̀lɛ̀ mòŋgo mokona mo hwa ambɛ̀lɛ̀.

1 Yòwanìrzɛ̀ 4:1

Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.