Yòwanìrzɛ̀ 1:9 - Mokpwe: Bakwery (New Testament)

⁹ Eyà ndi e ma hwɛ ŋmàye mò jɔ̀kɛ̀ ema mò ma uŋmɛ̀lɛ̀ hwatò èki ya arzɛ. Mɔ̀ ndi à mà hwɛ e mɔ̀ ema à mà hwɛnɛ lì jà ò rze.

Yòwanìrzɛ̀ 1:9 Mawu Ofanana

Matiyò 6:23

Ndi lìirzɔ̀ là aŋgɔ̀ lì rza rzɛŋgi tɛ, è nyò yà aŋgɔ̀ ya arzɛ è ònda ndi nà jìtìtì. È hwèlì tɛ ema yòòma ema ò gbeyà ò ɛnɛ yɔ̀ ndi è ò ika ò tenì yà jìtìtì, aŋga nanù, iŋgi jìtìtì ema o ò hwɛ ò tenì, jò ò hwɛ ndi jìtìtì ndɛnɛ.

Lukàrzɛ̀ 11:36

È hwèlì tɛ ema è nyò yà aŋgɔ̀ ya àrzɛ, è òndì ŋmàye, e rzi hwɛ ema tɔ̀ ènàmà ya aŋgɔ̀ yɔ̀kɔ e hwèlì ò jìtìtì, è nyò ya àrzɛ è hvàyeyà nàa ètùlù ndi e hvànyeyà hvànye-hvànye.”

Yòwanìrzɛ̀ 1:4

Lòŋgɛ la arzɛ lì ma uhwɛlɛlɛ ndi ò eyà. À ma òhva lòŋgɛ rzi lìŋgi lòŋgɛ hvɛ lì mà jàneya hwatò ŋmàye.

Yòwanìrzɛ̀ 1:7

Yòwanìrzɛ̀ à mà jà ndi ò lì òhweyà hwatò lì hvòmɛ̀nɛ̀ mònò ŋmàye ò lì arza nanù ema hwa arzɛ hwa hwèye mònò ŋmɛ̀ndì rzìi hwa lòkɛ̀.

Yòwanìrzɛ̀ 12:46

Nà jelì ndi ò rze nàa ŋmàye, aŋga nanù tɔ̀ ima mɔ̀ ema a nò lòkɛ̀yì imba a rzi lììya ò jìtìtì.

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 15:1

“Imba ndi na hwèlì gbèe wò hwehvùma wò jɔ̀kɛ̀, rzìi Tatà wa ami ndi à hwèlì e mògbèèlì hwa hvaya.

Yòwanìrzɛ̀ 6:32

Yerzù rzìi à hwa alàhwɛ̀ nanù ema, “Nà è òhweyà è jɔ̀kɛ̀, rzeketɛ Mòrzè ndi à mà è ŋgba hwèhvòòtò ema hwe mà uhwɛlɛlɛ ò ŋmanyu. Ndi Rzàŋgò hwa ami ndi à mà è ŋgbà hwèhvòòtò ema hwe mà uhwɛlɛlɛ ò ŋmanyu yà Lohwà.

Yòwanìrzɛ̀ 7:12

O ìtììtènì ja eŋge ŋgindi ema e mà hwɛ ò ndèma lòŋgò la hwatò hwa mà hwɛ lì òhwa nanù ema, “À hwèlì ndi mòtò wà gbamù,” ndi hwahvɛhvɛ hwà mà òhwa nanù ema, “Jàyɛ̀, a ɔnjɔ ndi hwatò.”

1 Yòwanìrzɛ̀ 1:8

Jo òhwi tɛ ema i rza ohvi tɔ̀ wòhwe, nanù oma ja alukɛlɛ ndi irzɔ hwiti ndèŋgànɛlɛ o ma e jɔ̀kɛ̀ e rza enje na irzɔ.

1 Yòwanìrzɛ̀ 2:8

Ndi tɔ̀ nanù, nà è tìleyà ndi mbenda hvènya, ehwànja è jɔ̀kɛ̀ yà eŋge mbenda è ɛneyà ò lòŋgɛ là ama Krirztò, ndèŋgànɛ̀lɛ̀ lì ɛ̀neyà ò lòŋgɛ là anyu. Èhwànja jììtìtì ì hwèlì jà aka, ndèŋgànɛlɛ ŋmàye mò jɔ̀kɛ̀ mò mà wòteyà lì hvàyeyà.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.