Yòwanìrzɛ̀ 1:7 - Mokpwe: Bakwery (New Testament)

⁷ Yòwanìrzɛ̀ à mà jà ndi ò lì òhweyà hwatò lì hvòmɛ̀nɛ̀ mònò ŋmàye ò lì arza nanù ema hwa arzɛ hwa hwèye mònò ŋmɛ̀ndì rzìi hwa lòkɛ̀.

Yòwanìrzɛ̀ 1:7 Mawu Ofanana

Yòwanìrzɛ̀ 1:12

Ndi e wɔ̀ ema hwà mà mò kàrzɛ na lì mò lòkɛ̀ hwanu ndi à mà ŋgbèe è wònjà ò lì hwɛ hwàànà hwa ama Lohwɛ̀.

Yòwanìrzɛ̀ 1:15

Yòwanìrzɛ̀ à mà òhwa lì mò hvòmɛ̀nɛ̀ nà òmà mɔ̀ à mà akɛ̀lɛ̀ è njàmbɛ̀ nanù ema, “È mòtò ònò ema nà mà hwɛ lì è òhweyà nanù ema, ‘Mòtò mɔ̀kɔ à ò jà ò mburzà yà ami ema à kàrzàmi lì nò àka èhwanja nà è hwiya lì ŋyàahwà mɔ̀ à mà lòma lì hwɛ.’”

Yòwanìrzɛ̀ 1:19

Hwàmbaki hwa hwatò hwa wònyà Yudà ò e mbòwà ya Jèrurzalɛ̀mù hwà mà òma lòŋgò la Pìlìrzì na lòŋgò la hwatò hwa lìtumba la ama Lɛ̀hvì òma Yòwanìrzɛ̀ ò lì mò ijòwa nanù ema, njɛnɛ mɔ̀ à hwèlì.

Yòwanìrzɛ̀ 1:36

Nà òma Yerzù à mà hwɛ lì aka, Yòwanìrzɛ̀ rzìi à mò ɔŋgɔ̀ kòò rzìi à òhwa nanù ema, “È ɔ̀ŋgɔ tɛ, è Ŋguma yà Mɔ̀lɛ̀ŋgù mò ama Lohwɛ̀ mɔ̀ ònò.”

Yòwanìrzɛ̀ 1:9

Eyà ndi e ma hwɛ ŋmàye mò jɔ̀kɛ̀ ema mò ma uŋmɛ̀lɛ̀ hwatò èki ya arzɛ. Mɔ̀ ndi à mà hwɛ e mɔ̀ ema à mà hwɛnɛ lì jà ò rze.

Hwègbèèlì 19:4

Pàwolò rzìi a òhwa nanù ema, “È nyayi ya lì lùhwìrzɛ̀ ema Yòwanìrzɛ̀ à mà hwɛ lì òhwa, e ma hwɛ ndi ò hwatò ema hwà mà tikòwɛ ò wòhwe wò awu. Yòwanìrzɛ̀ à mà hwe lì òhweyà hwatò hwa Irzàyɛ̀lì ò lì lòkɛ̀ e mɔ̀ ema a ò jɛ̀ɛ̀ ò mburza ya eni, ema a hwèlì Yerzù.”

Gàletìyà 3:26

Inyɔ hwa arzɛ è hwèlì ndi hwàanà hwa ama Lohwɛ̀ èhwanja è lòkɛ̀yì Yerzù Krirztò.

Ɛ̀hvìrzìyà 3:9

Lohwɛ̀ à mà nò gbèeyà ò lì tɛ̀lɛ̀lɛ̀ hwatò hwa arzɛ nɛ̀ mɔ̀ à tɛ̀yirzɛlɛlɛyi hweyà hwe eni natɛ̀ɛ nà ò lìrzùkù, ema nàtɛ̀ɛ nà tɔ̀ nàŋgɛ tɔ̀ mòtò à rza hwe rzɔ̀ŋgìtɛ̀nɛ̀. Lohwɛ̀ ema à wèki hweyà hwe arzɛ à rzi uŋmɛ̀lɛ̀ tɔ̀ mòtò hwene hwètɛ̀yirzèlèlì ò hvonda ema è mà aka.

1 Tìmotì 2:4

Lohwɛ̀ mɔ̀ à arza nanù ema mòtò tɛ a rzuŋgahwe na o lì rzɔŋgìtɛ̀nɛ̀ e jɔ̀kɛ̀ ya Eyà ya Lohwà.

Tàyìtùrzì 2:11

Lohwɛ̀ à mà oma e ndèli ya eni o ìtììtènì ja arzu, na oma à mà gbèye e njiya ema hwatò hwa arzɛ hwa tanɛyi lì luwa lì oŋgìrzɛ̀.

2 Pètrò 3:9

È Rzàŋgo e rza ɛndɛ ndi hviyayi, o lì gbeyà mamɛ ema mɔ̀ à kàkɛ̀nɛyi. Lòŋgo la hwatò hwa ɔ̀ŋgɛlɛ nanù ema mɔ̀ à hwèlì hviyàyi. Ndi à mà e àjùlɛ̀nɛ̀ ehwànja mɔ̀ à rza arza nanù ema tɔ̀ mòtò tɔ̀ mɔ̀kɔ a wɔ̀lɛnɛ lòŋgɛ la eni. A arza nanù ema hwatò hwa arzɛ hwa tikowe o wòhwe hwa awu.