Yòwanìrzɛ̀ 1:6 - Mokpwe: Bakwery (New Testament)

⁶ Lohwɛ̀ à ma òma mèrzènja meyɔ̀kɔ. Lìina la eni lì ma hwɛ ndi Yòwanìrzɛ̀.

Yòwanìrzɛ̀ 1:6 Mawu Ofanana

Matiyò 11:10

Yòwanìrzɛ̀ ndi à hwèlì e mɔ̀ ema hwa ma hwɛ lì òhwa lìrzakò ema hwa ma tìle e mbɔrzi ema Lohwɛ̀ a òhwi nanù ema, ‘Ɔ̀ŋgɔ tɛ, na òmà mèèrzènjà mè ami ò lì ɛ̀ndɛ ò wòrzò wò aŋgɔ̀ a ò rzèkeyà e njiya ya aŋgɔ̀.’

Matiyò 21:25

One è wònjà ya lì lùhwìrzɛ̀ la ama Yòwanìrzɛ̀ e Mòlùhwìrzèlì, lì ma uhwɛlɛlɛ e? È ma uhwɛlɛlɛ ndi ò ma Lohwɛ̀, ŋga ò hwatò hwa hwènàmà e?” Hwà mà àwòhwànɛ̀lɛ̀ eŋge mbɔrzi wɔ̀ na wɔ̀, rzi hwa òhwa ema, i òhwi tɛ nanù ema “È wònja ya eni e uwɛ̀lɛ̀lɛ̀yi ndi ò ma Lohwɛ̀, a jò ijòwa nanù ema, ‘O mamɛ ndeŋgatɛ e rzi lòkɛ̀ Yòwanìrzɛ̀ e Mòlùhwìrzèlì e?’

Lukàrzɛ̀ 1:13

Ndì è aŋgèlì è mà mò òhweyà nanù ema, “Ìi Rzàkàriyà, ò rzì òka wɔ̀ŋgɔ̀, Lohwɛ̀ à mà hwèya lì kanɛ̀ la aŋgɔ̀. Jòjìyɛ̀ wà aŋgɔ̀ Èlìrzabɛ̀tì a ò ŋya ŋmanà. O ò mò kpɛ̀ ndi lìinà Yòwanìrzɛ̀.

Lukàrzɛ̀ 1:76

Ndi ò wa e ŋmanà wà amì, o ò hwɛ̀lɛ̀hwɛ̀ ndi Mòòhwèlì wà Èlìŋgɛ̀ wà ama Lohwɛ̀ lì karzamì. O ò ɛ̀ndɛ ò wòrzò wò ama è Rzàŋgò, ò lì rzèeyà è njìya ema è Rzàŋgò e akeyà.

Yòwanìrzɛ̀ 1:33

Tɔ̀ nɛ nà rzi rzɔ̀ŋgìtɛ̀nɛ̀ nanù ema mɔ̀ òŋgò. Ndi nà òma Lohwɛ̀ à mà nò òme ò lì lùhwìrzɛ̀ hwatò nà màlìhwa, à mà nò òhweyà nanù ema, ‘È mɔ̀ ema ò ɛni èlìŋgɛ̀ è mò rzihwèlì lì mò tɛmeyà, mɔ̀ ndi à hwèlì è mɔ̀ ema à ò lùhwìrzɛ̀ hwatò nà èlìŋgɛ̀ yà wòtani.’

Yòwanìrzɛ̀ 3:28

Inyɔ hwiti e tànɛyi e tɛ̀mɛ̀ mbòŋgi e ma na òhwi ema rzeketɛ imba ndi na hwèlì è Mɔ̀ ema à Ɔ̀kirzɛ̀hwɛ̀yi. Nà òmàhwi ndi na Lohwɛ̀ ò wòrzò lì jà lì mò rzɛ̀ŋgɛ̀neyà e njiya.

Hwègbèèlì 13:24

Ndeŋgana Yerzù a e wòteyà èwòlò ya eni, Yòwanìrzɛ̀ à mà òhweyà hwatò hwa arzɛ hwa Irzàyɛ̀lì nanù ema, hwa tikòwe ò wòhwe wò awu na lì lùhwìrzɛ̀hwɛ̀.