Yòwanìrzɛ̀ 1:49 - Mokpwe: Bakwery (New Testament)

⁴⁹ Nàtànìyɛ̀lì rzìi à òhwa nanù ema, “Ìi Mòòkòlèlì, ò wà ndi ò hwèlì è Ŋmanà wà ama Lohwɛ̀. Ò wà ndi ò hwèlì è Kìŋgɛ yà Irzàyɛ̀lì.”

Yòwanìrzɛ̀ 1:49 Mawu Ofanana

Matiyò 14:33

Nà òma ene eyà e ma gbèyɛnɛ nanù, hwanɛyi Hwà-òkòwèlì ema hwà mà hwɛ ò tenì ya wɔ̀lɔ̀ rzìi hwa kànɛ Yerzù. Rzìi hwa òhwa nanù ema, “Ò jɔ̀kɛ̀-jɔ̀kɛ̀ ò hwèlì ndi è Ŋmanà wà mùnyanà hwa ama Lohwɛ̀.”

Matiyò 2:2

Hwaŋga hwàlaŋgà rzòmbe hwa mà ùke ò Jèrurzalɛ̀mù rzi hwa ijòwa nanù ema, “One òŋgò ŋmanà ema à ŋyahwì è Kiŋgɛ yà wònyà Yudà e? Ì ɛni è rzòmbe wàte, è jò uŋmɛ̀lɛ̀ nanù ema à ŋyàhwì. Ɔ̀ndeŋgàtɛ̀ ì jelì ò lì mò ŋgba èluhwe.”

Matiyò 21:5

“Ohweyà hwatò hwa Rzàyɔ̀nì nanù ema, Wà à ɔ̀ŋgɔ, è kìŋgɛ yà aŋgɔ̀ yè è jèeyà! À arzìhwìrzɛ̀yi, à lìyàyi ò ŋmanyu yà jàkarzì, ŋguma jàkarzì jà mòme.”

Matiyò 23:7

Hwa lìŋgàni hvɛ ema hwatò hwa hwà kɔ̀mɔ̀nè na èluhwe ò hwelùwa na ò lì hwa hwɛlɛ ema, ‘Mòòkòlèlì.’

Matiyò 23:8

Ndi inyɔ e rzi keka lì emeyà nanù ema hwatò hwe hwɛlɛ ‘Mòòkòlèlì,’ èhwanja inyɔ hwa arzɛ e yahwì ndèŋgànɛ̀lɛ̀ hvɛ e òhvi ndi Mòòkòlèlì mɔ̀kɔ.

Matiyò 27:11

Ò ene hvònda Yerzù à mà tɛ̀mɛ̀ ò wòrzò wò amà Pìlatò ema à mà hwɛ lì kànèyà erzòòkà yà Yudà. Pìlatò rzìi à mò ijòwa nanù ema, “Ò wà ndì ò hwèlì è kiŋgɛ̀ yà wònyà Yudà è?” Yerzù rzìi à mò alàhwɛ̀ nanù ema, “È hwèlì ndì nà òma ò òhwì”

Matiyò 27:42

“À ma hwɛ lì rzùŋgà hwatò ndi nàŋgɛ à rza tànɛyi lì àwòŋgòwànɛ̀ tɔ̀ mɔ̀ ŋmìti. È hwèlì tɛ e jɔ̀kɛ̀ nanù ema mɔ̀ ndi à hwèlì e kiŋgɛ ya èkòmè ya Irzàyɛ̀lì, inyɛ a rzihwe rzɔ ò eŋge mbarza naŋgɛ. Aŋga ndi irzɔ i lòkɛ̀ nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Matiyò 4:3

Mòkarzɛ̀ rzìi à mà mò jèeyà, rzìi à mò òhwèyà nanù ema, “Ò hwèlì tɛ è Ŋmanà wà ama Lohwɛ̀, kànèyà manù màŋyàyi mà timbe, hwèhvòòtò.”

Makòrzì 15:32

È Mɔ̀ ema à òhwi nanù ema à Ɔ̀kirzɛ̀hwɛ̀yi, ema à hwèlì ndi è kiŋgɛ̀ ya wònyà Irzàyɛ̀lì à rzìhwe ò mbarza naŋgɛ aŋga nanù je ɛnɛ rzìi ì mò lòkɛ̀.” Hwàŋga hwàyihwɛ̀ ema hwa mà wòmàwɛlɛ̀hwɛ ò itòŋgòŋgò ja ama Yerzù wɔ̀ hvɛ hwa mà hwɛ̀ lì mò hwɛnyɛ.

Lukàrzɛ̀ 1:35

È aŋgèlì è mà mò alàhwɛ̀ nanù ema, “Èlìŋgɛ̀ yà Wòtani e ò rzìhweyà, ndèŋgàna è ŋginyà yà ama Lohwɛ̀ lì karzamì è ò hwandà. O eŋgànɛ̀lɛ̀, òŋgò Ŋmanà wà wòtani ema o ò ŋya, a ò hwɛ̀lɛ̀hwɛ̀ ndi è Ŋmanà wà ama Lohwɛ̀.

Lukàrzɛ̀ 19:38

rzìi hwa wòteyà ò lì òhwa nanù ema, “Mònàmɛ̀ mò hwèlì nà è kiŋgɛ̀ ema è jelì ò lìna là ama è Rzàŋgò! Ɛ̀yɔ̀lɛ̀ è hwɛ ò ŋmanyu yà lohwà, Èluhwe hvɛ nà Lohwɛ̀ ema à kàrzamì!”

Yòwanìrzɛ̀ 1:18

Tɔ̀ mòtò à rzi ɛni Lohwɛ̀ tɔ̀ wùnyà lì aka tɛ ehvòwà yà eni yà ŋmanà ema è hwèlì ò ŋmanyu yà Lohwà ò tòŋgòŋgò yà eni. Mɔ̀ ndi à jò wùlùhwèlì Tatà Lohwɛ̀.

Yòwanìrzɛ̀ 1:34

Nà mà ɛnɛ hwene hweyà hwe arzɛ, ò èŋgànɛ̀lɛ̀ nà tɛ̀mi mbòŋgi ò lì òhwa ema mɔ̀ ndi à hwèlì è Ŋmanà wà ama Lohwɛ̀.”

Yòwanìrzɛ̀ 1:38

Yerzù rzìi à ayèŋgòwɛ̀ à hwa ɛnɛ rzìi à hwa ijòwa nanù ema, “Mamɛ è arza e?” Hwa mò alàhwɛ̀ nanù ema, “Ràbi” (ène ŋgàna e hwèlì ndi nanù ema mòòkòlèlì) “One ò lìya e?”

Yòwanìrzɛ̀ 1:50

Yerzù rzìi à mò alàhwɛ̀ nanù ema, “Ò lòkɛ̀yì ndi èhwanja nà ò hwèlì ema nà mò ɛnɛ ò rze yà gbèè wò ehvùma yà nyɔ̀hvinyà, o ò ɛnɛ hweyà hwe ndɛnɛ hwe aka hwenè.”

Yòwanìrzɛ̀ 18:37

Pìlatò rzi a mò ijòwà nanù ema, “O hwèlì ndi Kiŋgɛ rzɔ e?” Yerzù rzi a mò alàhwɛ̀ nanù ema, “O wa ndi òhwi nanù ema na hwèlì ndi Kiŋgɛ. Lìtiŋga ema na ŋyaahwɛlɛyi na lì jàa anu rze lì hwèlì ndi ò lì tɛ̀mɛ̀ e mbòŋgi ya jɔ̀kɛ̀. Tɔ̀ ima mòtò ema a hwèlì ndì wa jɔ̀kɛ̀ a nò òkànèyà.”

Yòwanìrzɛ̀ 4:31

Ò ene hvònda Hwà-òkòwèlì hwa eni hwa mà hwɛ lì mò rzòrzòmeyà nanù ema, “Ìi Mòòkòlèlì, làa yòma.”