Yòwanìrzɛ̀ 1:48 - Mokpwe: Bakwery (New Testament)

⁴⁸ Nàtànìyɛ̀lì rzi à ijòwa Yerzù nanù ema, “Nɛ ò gbèyi ònò hwiyelì e?” Yerzù rzìi à mò alàhwɛ̀ nanù ema, “Tɔ̀ biyana Hvìlìpì à ò hwɛlɛ nà mà ò ɛnɛ ò rze yà gbèe wò ehvùma yà nyɔ̀hvinyà.”

Yòwanìrzɛ̀ 1:48 Mawu Ofanana

Matiyò 10:3

Hvìlìpì na Bàtòlomìyò, Tɔ̀màrzì na Matìyò e mòrzàŋgèlì wa e njàŋge yà lìkànèyà, Jèmìrzì e ŋmanà wa ama Alìhvɔ̀rzì, na Tàdiyòrzì,

Matiyò 6:6

Ndi inyɔ è kanɛ̀ tɛ, è kpèeyà ò tùu ja anyu, è umbe màwòhva rzìi è kanɛ̀lɛ̀lɛ̀ Lohwɛ̀ Tatɛ̀ wà anyu, ema tɔ̀ mòtò à rza ɛnɛ. Aŋga ndi Lohwɛ̀ Tatɛ̀ wà anyu ema à ɛnɛ mamɛ è gbèyɛ̀nɛ̀ ò wùndɛ̀, à è rzaweya.

Yòwanìrzɛ̀ 1:44

Hvìlìpì àma uwɛlɛlɛ ndi ò Bɛ̀trzàyìdà ene mbòwà mɛnɛ ndi Àndèlè na Pètrò hwà mà uhwɛlɛlɛ.

Yòwanìrzɛ̀ 12:21

Hwà mà ɛ̀ndɛ òma Hvìlìpì. Hvìlìpì à mà uwɛ̀lɛ̀lɛ̀yi ò e mbòwà ya Bɛ̀trzàyìdà e hwèlì ò erzòòkà ya Gàlìlì. Rzìi hwa mò òhweyà nanù ema, “Ìi rzàŋgò kòkò, i arza lì ɛnɛ Yerzù.”

Yòwanìrzɛ̀ 14:8

Hvìlìpì à mà òhwa nanù ema, “Ìi Rzàŋgò, ò jò uŋmɛ̀lɛ̀ Tatɛ̀ èŋge mɛnɛ ndi e jò lòŋgamɛnɛ.”

Yòwanìrzɛ̀ 2:25

Tɔ mòtò a rzi tànɛyi lì mò òhweyà tɔ̀ eyà lì hvòmɛ̀nɛ̀ òhvɛhvɛ mòtò, èhwanja mɔ̀ à mà kuwa lì hwiya mèèmà me hwatò hwa hwènàmà hwa arzɛ.

Yòwanìrzɛ̀ 6:5

Nà òma Yerzù à mà kàrzɛ mììrzɔ̀ mà eni, rzìi à ɛ̀nɛ̀ è ŋgindi yà hwatò ema è mà hwɛ lì mò jèeyà. Rzìi à ijòwa Hvìlìpì nanù ema, “One ì tànɛyi lì ànda mòlèlì ò lì lìrzɛ̀ hwanù hwatò hwa arzɛ e?”

Yòwanìrzɛ̀ 6:7

Hvìlìpì rzìi à mò alàhwɛ̀ nanù ema, “È wòwà lì aka eyà yà egbe hwèhwàkɛ̀ hwe hwekòlì hwe hvìlàŋgì ò lì anda mòlèlì ema mò tànɛyi lì lìrzɛ̀ hwanu hwatò hwa arzɛ aŋga nanù tɔ̀ ima mòtò à làa tenyi.”

1 Kɔ̀rintìyà 14:25

Nà omà hwaŋga hwatò hwa okànèyà mamɛ ema e ohwà, màlùtèyà ma awu ma wùndɛ ma wulùwàhwà, o ma hwà mà rzùma o màwɔ̀ŋgɔ̀ŋgɔ̀ ma awu o lì kànɛ̀ Lohwɛ̀. Rzi hwa wòteyà lì ohwà nanù ema, “Nà è jɔ̀kɛ̀ Lohwɛ̀ à hwèlì anù ìtììtènì ja anyu.”

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.