Yòwanìrzɛ̀ 1:45 - Mokpwe: Bakwery (New Testament)

⁴⁵ Hvìlìpì à mà ɛ̀ndɛ lì arza Nàtànìyɛ̀lì. Rzìi à mò òhweyà nanù ema, “Ì mà lùwa è mòtò ema Mòrzè à mà tile lì hvòmɛ̀nɛ̀ ò e kààtì yà mbenda. Hwà-òhwèlì hwa hwèlìŋgɛ̀ hwa kòhwà wɔhvɛ hwa mà tìla lì mò hvòmɛ̀nɛ̀. Lìinà là eni lì hwèlì ndi Yerzù mòtò wà Nàrzàrɛ̀tì è ŋmanà wà ama Jòrzɛ̀hvù.”

Yòwanìrzɛ̀ 1:45 Mawu Ofanana

Matiyò 10:3

Hvìlìpì na Bàtòlomìyò, Tɔ̀màrzì na Matìyò e mòrzàŋgèlì wa e njàŋge yà lìkànèyà, Jèmìrzì e ŋmanà wa ama Alìhvɔ̀rzì, na Tàdiyòrzì,

Matiyò 13:55

“Rzeke mɔ̀ à hwèlì ndì e ŋmanà wa ama e kaminda e? Rzeke Màlìyɛ̀ ndì a hwèlì e nyàŋgò ya eni e? Rzeke Jèmìrzì, Jòrzɛ̀hvù, Rzimɔ̀ni na Jùdàrzì hwa hwèlì ndì wònyànyàŋgò hwa enì e?

Matiyò 2:23

À ɛ̀ndɛ̀ rzi à lìya ò mbòwà ndɛnɛ ema è mà hwɛ̀lɛ̀hwɛ̀ Nàrzàrɛ̀tì. Ene è mà gbèyɛ̀nɛ ndi ò lì òndìrzɛ̀ mamɛ Lohwɛ̀ à mà òhwèyà hwà-òhwèlì hwa hwèlìŋgɛ̀ lì hvòmɛ̀nɛ̀ Yerzù nanù ema, “À ò hwìyɛ̀nɛ ndi nàa mòtò wà Nàrzàrɛ̀tì.”

Matiyò 21:11

Eŋge ŋgìndì e hwa alàhwɛ̀ nanù ema, “Yerzù ònò, è Mòòhwèlì wà èlìŋgɛ̀ ema a uwɛ̀lɛ̀lɛ̀yi ò e mbòwà yà Nàrzarɛ̀tì ò èkòmè ya Galìlì.”

Makòrzì 14:67

À mà ɛnɛ Pètrò ndi à atòwɛ mùùnya. Rzìi à mò ɔ̀ŋgɔ kɔ̀yi-kɔ̀yi. Rzìi à òhwa nanù ema, “Ò wà hvɛ ò mà hwɛ nà Yerzù, ema à uhwɛlɛlɛyi ò Nàrzarɛ̀tì.”

Makòrzì 6:3

Rzèke ònò mòtò à hwèlì ndi kaminda e? Rzeke e ŋmanà wà mà Màlìyɛ̀ ònò e? Rzeke wònyànyàŋgò hwa eni hwa hwèlì ndi Jèmìrzì, Jòrzɛ̀hvù, Jùdà na Rzìmɔ̀nì, e? Rzeke ì ndòmɛ ja eni ì hwèlì ò mbòwà na irzɔ e?” Rzìi hwa mò tatana.

Lukàrzɛ̀ 18:37

Hwa mà mò alàhwɛ̀ nanù ema, “Yerzù wà Nàrzàrɛ̀tì mɔ̀ ndì à akaa.”

Lukàrzɛ̀ 2:4

Jòrzɛ̀hvù mɔ̀ hvɛ à mà uhwɛlɛlɛ̀ ò mbòwà yà Nàrzàrɛ̀tì yà Galìlì. À mà àgba ò Bɛtlɛ̀hɛmù, ò mbòwà yà ama kiŋgɛ̀ Dàhwitì, ò Jùdeyà. Mɔ̀ à mà ɛ̀ndɛ aŋga èhwanja à mà uhwɛlɛlɛ ndi ò lìhwende la ama kiŋgɛ̀ Dàhwitì.

Lukàrzɛ̀ 2:48

Nà òmà rzàŋgɛ nà nyàŋgɛ hwa mà mò ɛ̀nɛ hwa mà jeja. Nyàŋgɛ rzìi a mò ijòwa nanù ema, “Ìi Ŋmanà, mamɛ ndeŋgàtɛ ò jò gbeyànì nanù e? Ɔ̀ŋgɔ tɛ! Rzɔ̀ŋgɛ nà ìmba jòò àrzi ije-ije jɔ̀ ɔtɔ̀wù.”

Lukàrzɛ̀ 24:27

Yerzù rzìi a hwa ɔ̀ŋgɛ̀lɛ̀nɛ hwetìlelì hwe ama Mòrzè, nà hwà-òhwèlì hwa hwèlìŋgɛ̀ hwa àrzɛ hwa kòhwaa. À mà hwa telɛlɛ mamɛ ya àrzɛ e ma tìlahwa ò Kààtì yà Lohwà lì mò hvòmɛ̀nɛ̀.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Lukàrzɛ̀ 3:23

Yerzù à mà hwɛ eyà ya rzayiyàyò yà meya ema a mà wòteyà èwòlò ya eni. Hwatò hwa mà mò ɛ̀nɛ ndi nàa è ŋmanà wà ama Jòrzɛ̀hvù. Jòrzɛ̀hvù à mà hwɛ ndì è ŋmanà wa ama Èlì.

Lukàrzɛ̀ 4:22

Hwa arzɛ hwa mà mò eka, ndèŋgà hwa mà tàmeya hweyà hwe gbamù ema hwe ma wurza ò wàna yà èni. Rzìi hwa à ijòwà nanù ema, “Rzèke è ŋmanà wà ama Jòrzɛ̀hvù ònò e?”

Yòwanìrzɛ̀ 1:44

Hvìlìpì àma uwɛlɛlɛ ndi ò Bɛ̀trzàyìdà ene mbòwà mɛnɛ ndi Àndèlè na Pètrò hwà mà uhwɛlɛlɛ.

Yòwanìrzɛ̀ 12:21

Hwà mà ɛ̀ndɛ òma Hvìlìpì. Hvìlìpì à mà uwɛ̀lɛ̀lɛ̀yi ò e mbòwà ya Bɛ̀trzàyìdà e hwèlì ò erzòòkà ya Gàlìlì. Rzìi hwa mò òhweyà nanù ema, “Ìi rzàŋgò kòkò, i arza lì ɛnɛ Yerzù.”

Yòwanìrzɛ̀ 14:8

Hvìlìpì à mà òhwa nanù ema, “Ìi Rzàŋgò, ò jò uŋmɛ̀lɛ̀ Tatɛ̀ èŋge mɛnɛ ndi e jò lòŋgamɛnɛ.”

Yòwanìrzɛ̀ 18:5

Hwà mà mò alàhwɛ̀ hwa nanù ema, “I arza ndi Yerzù wa Nàrzarɛ̀tì” rzìi mɔ̀ hvɛ a òhwa nanù ema, “Nà hwèlì ndi mɔ̀.” Jùdàrzì e mò àhwìrzèlèlì mɔ̀ hvɛ à mà hwɛ̀ aŋga na hwaŋga hwatò.

Yòwanìrzɛ̀ 18:7

Yerzù à mà hwa ijòwa hvɛ nanù ema, “Njɛnɛ a hwèlì e mòtò e arza e?” Hwà mà òhwa hwà nanù ema, “I arza ndi Yerzù wa Nàrzarɛ̀tì.”

Yòwanìrzɛ̀ 19:19

Pìlatò rzìi à tìla mòtìla ò ehwambò rzìi à è wòmeyà ò mbarza, ò ŋmanyu teŋyi lì aka èki ema mòòhvò mò ama Yerzù mò mà hwɛ. Mòtìla mò mà hwɛ nanù ema, “Yerzù mòtò wà è mbòwa yà Nàrzarɛ̀tì è Kìŋgɛ yà wònyà Yudà.”

Yòwanìrzɛ̀ 21:2

Rzìmɔ̀nì Pètrò, Tɔ̀màrzi (e mɔ̀ hwà mà hwɛlɛ Mayɛrzɛ), Nàtaniyɛlì (ema à mà uwɛ̀lɛ̀lɛ̀yi ò mbòwà yà Kèna ò erzòòkà ya Galìlì), hwàànà hwa ama Rzɛ̀bɛ̀dì, na hwahvɛhvɛ Hwà-òkòwèlì hwahwakɛ hwa ama Yerzù hwà mà arzaŋganɛ wɔ̀ hwa arzɛ èki yɔ̀kɔ.

Yòwanìrzɛ̀ 6:42

Hwa mà òhwa hvɛ nanù ema, “Rzeke Yerzù è ŋmana wà ama Jòrzɛ̀hvù ònò, e? Rzeke I hwi rzàŋgɛ na nyàŋgɛ e? Nɛ̀ rzɔ a tànɛyi lì òhwa naŋgɛ nanù ema a uwɛ̀lɛ̀lɛ̀yi ndi o ŋmanyu ya Lohwà e?”

Yòwanìrzɛ̀ 6:5

Nà òma Yerzù à mà kàrzɛ mììrzɔ̀ mà eni, rzìi à ɛ̀nɛ̀ è ŋgindi yà hwatò ema è mà hwɛ lì mò jèeyà. Rzìi à ijòwa Hvìlìpì nanù ema, “One ì tànɛyi lì ànda mòlèlì ò lì lìrzɛ̀ hwanù hwatò hwa arzɛ e?”

Yòwanìrzɛ̀ 6:7

Hvìlìpì rzìi à mò alàhwɛ̀ nanù ema, “È wòwà lì aka eyà yà egbe hwèhwàkɛ̀ hwe hwekòlì hwe hvìlàŋgì ò lì anda mòlèlì ema mò tànɛyi lì lìrzɛ̀ hwanu hwatò hwa arzɛ aŋga nanù tɔ̀ ima mòtò à làa tenyi.”

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 2:22

Petrò rzìi a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Hwàtò hwa Irzàyɛ̀lì, e òkànèyà kɔ̀yi-kɔ̀yi ò hweyà ema na arza lì òhwa. Lohwɛ̀ à mà gbeyà Yerzù mòtò wa e mbòwa ya Nàrzàrɛ̀tì ò lì gbeyà hweyà hwe ndɛnɛ hwe mànyakà na hwembànèlì ò lì e uŋmɛ̀lɛ̀ nanù ema mɔ̀ ŋmitɛ-ŋmitɛ ndi à mò òmi. Inyɔ hwiti e hwi nanù èhwanja eŋge eyà e ma gbèyɛ̀nɛ ndi ò ìtììtènì ja anyu.

Hwègbèèlì 22:8

Nà mà ijòwa nanù ema, ‘Ìi Rzàŋgò, ò wà ò hwèlì ndi njɛnɛ e?’ À mà nò alàhwɛ nanù ema, ‘Imba nà hwèlì ndi Yerzù wà Nàrzàrɛ̀tì ema ò tàkìrzɛ̀.’

Hwègbèèlì 26:9

Imba mbiti nà mà keka ò lì arza ŋmànò ò lì hvàŋga lìinà la ama Yerzù mòtò wa Nàrzàrɛ̀tì.

Hwègbèèlì 3:6

Ndi Pètrò à mà mò òhweyà nanù ema, “Nà rza òhvi tɔ̀ kahvà ò lì ò ŋgba. Ndi na ò ŋgbà mamɛ ema imba na òhvi. O lìna la ama Yerzù Krirztò mòtò wa Nàrzàrɛ̀tì tɛ̀mɛ̀nɛ ò ŋmanyu ò ɛ̀ndɛ!”