Yòwanìrzɛ̀ 1:44 - Mokpwe: Bakwery (New Testament)

⁴⁴ Hvìlìpì àma uwɛlɛlɛ ndi ò Bɛ̀trzàyìdà ene mbòwà mɛnɛ ndi Àndèlè na Pètrò hwà mà uhwɛlɛlɛ.

Yòwanìrzɛ̀ 1:44 Mawu Ofanana

Matiyò 10:3

Hvìlìpì na Bàtòlomìyò, Tɔ̀màrzì na Matìyò e mòrzàŋgèlì wa e njàŋge yà lìkànèyà, Jèmìrzì e ŋmanà wa ama Alìhvɔ̀rzì, na Tàdiyòrzì,

Matiyò 11:21

ò lì òhwa nanù ema, “Lìkunde lì ndɛnɛ̀ lì hwèlì lì e àmbɛ̀lɛ̀, inyɔ hwatò wa Kòràrzinì! Lìkunde lì ndɛnɛ̀ hvɛ nà hwatò hwa Bɛ̀trzàyìdà! Mànyakà ema Lohwɛ̀ a mà gbèye ò mbòwà yà anyu, ma mà gbèyɛnɛ tɛ ndì ò mbòwà yà Tàyi nà Rzidònì, hwaŋga hwatò ema hwa ma wɔtɔ̀ màatù ma màyɛ̀ɛhwɛ̀, rzìi hwa akòmɛ hvɛ lìwù ò inyò ja awù ò lì uŋmɛ̀lɛ̀ nanù ema hwa mà ayèŋgòwɛ̀ ò wòhwe wò awu.

Makòrzì 3:18

Àndèlè, Hvìlìpì, Bàtòlomìyò, Màtìyò, Tɔ̀màrzì, Jèmìrzì è ŋmanà wà àma Alìhvɔ̀rzì, Tàdìyòrzɛ̀, Rzìmɔ̀nì mòtò ema lì emeyà la eni lì rza àyèŋgòwɛ̀,

Makòrzì 6:45

Lìwòkìmɛnɛ Yerzù à òhweyà hwà-òkòwèlì hwa eni ò lì kpèeyà ò wɔ̀lɔ̀, rzìi à hwa hvùŋgànìrzɛ̀ lì ɛ̀ndɛ ò wòrzò, ò mbòwà yà Bɛ̀trzàyìdà, ò ɛnɛyi èhvarzù yà yùlu yà malìhwa. Nà òmà hwà-òkòwèlì hwà mà hwɛ lì ɛ̀ndɛ, Yerzù rzìi à òhweyà è ŋgìndì ò lì tìmba ò màndawò ma awu.

Makòrzì 8:22

Yerzù nà hwà-òkòwèlì hwa eni hwa mà jà ò Bɛ̀trzàyìdà. Àŋga ndi lòŋgò la hwatò hwà mà jàne mòtò mɔ̀kɔ wa ndima rzìi hwa rzòrzòmeya Yerzù hwa ama a mò hwàkɛ lìya la eni.

Lukàrzɛ̀ 10:13

“Lìkunde lì ndɛnɛ̀ lì hwèlì lì e àmbɛ̀lɛ̀, inyɔ hwatò wa Kòràrzinì! Lìkunde lì ndɛnɛ̀ hvɛ nà hwatò hwa Bɛ̀trzàyìdà! Mànyakà ema Lohwɛ̀ a mà gbèye ò mbòwà yà anyu, ma mà gbèyɛnɛ tɛ ndì ò mbòwà yà Tàyi nà Rzidònì, hwaŋga hwatò ema hwà mà liya ò rze rzìi hwa wɔtɔ̀ màatù ma màyɛ̀ɛhwɛ̀, hwa akòmɛ hvɛ lìwù ò nyò ja awù ò lì uŋmɛ̀lɛ̀ nanù ema hwa mà ayèŋgòwɛ̀ ò wòhwe wò awu.

Lukàrzɛ̀ 6:14

Rzìmɔ̀nì ema mɔ̀ à mà kpɛ̀ɛ̀ lìinà Pètrò, na ŋmanyàŋgò wà èni Àndèlè, nà Jèmìrzì, Yòwanìrzɛ̀, Hvìlìpì, nà Bàtòlomìyò,

Lukàrzɛ̀ 9:10

È hvònda ema hwà-òkòwèlì hwa mà tìmbe, hwa mà òhweyà Yerzù mamɛ ya arzɛ ema hwa mà gbèyè. Yerzù rzìi a hwa wòwà a hwa ɛ̀ndɛnɛ tòŋgòŋgò hvɔ̀kɔ, ò mbòwà yà Bɛ̀trzàyìdà ò lì hwɛ wɔ̀ hwìti.

Yòwanìrzɛ̀ 1:43

Ènɛ̀yi eka yà èlèlè Yerzù à mà kùlɛ̀ nanù ema à hwɛni lì ɛ̀ndɛ ò erzòòkà yà Galìlì. À mà ɛndɛ lì ùŋmànɛ̀lɛ̀ Hvìlìpì rzìi à mò òhweyà nanù ema, “Jà, ò nò òŋgame.”

Yòwanìrzɛ̀ 1:45

Hvìlìpì à mà ɛ̀ndɛ lì arza Nàtànìyɛ̀lì. Rzìi à mò òhweyà nanù ema, “Ì mà lùwa è mòtò ema Mòrzè à mà tile lì hvòmɛ̀nɛ̀ ò e kààtì yà mbenda. Hwà-òhwèlì hwa hwèlìŋgɛ̀ hwa kòhwà wɔhvɛ hwa mà tìla lì mò hvòmɛ̀nɛ̀. Lìinà là eni lì hwèlì ndi Yerzù mòtò wà Nàrzàrɛ̀tì è ŋmanà wà ama Jòrzɛ̀hvù.”

Yòwanìrzɛ̀ 1:46

Nàtànìyɛ̀lì rzìi à ijòwa nanù ema, “Ima lìtumba là eyà yà gbamù è tànɛyi lì uwɛlɛlɛ ò mbòwà yà Nàrzàrɛ̀tì e?” Hvìlìpì rzi à mò alàhwɛ̀ nanù ema, “Jà anù ò ɔ̀ŋgɔ.”

Yòwanìrzɛ̀ 1:48

Nàtànìyɛ̀lì rzi à ijòwa Yerzù nanù ema, “Nɛ ò gbèyi ònò hwiyelì e?” Yerzù rzìi à mò alàhwɛ̀ nanù ema, “Tɔ̀ biyana Hvìlìpì à ò hwɛlɛ nà mà ò ɛnɛ ò rze yà gbèe wò ehvùma yà nyɔ̀hvinyà.”

Yòwanìrzɛ̀ 12:21

Hwà mà ɛ̀ndɛ òma Hvìlìpì. Hvìlìpì à mà uwɛ̀lɛ̀lɛ̀yi ò e mbòwà ya Bɛ̀trzàyìdà e hwèlì ò erzòòkà ya Gàlìlì. Rzìi hwa mò òhweyà nanù ema, “Ìi rzàŋgò kòkò, i arza lì ɛnɛ Yerzù.”

Yòwanìrzɛ̀ 12:22

Hvìlìpì à mà ɛ̀ndɛ lì òhweyà Àndèlè. Rzìi wɔ̀ hwahwàkɛ hwa ɛ̀ndɛ lì òhweyà Yerzù.

Yòwanìrzɛ̀ 6:5

Nà òma Yerzù à mà kàrzɛ mììrzɔ̀ mà eni, rzìi à ɛ̀nɛ̀ è ŋgindi yà hwatò ema è mà hwɛ lì mò jèeyà. Rzìi à ijòwa Hvìlìpì nanù ema, “One ì tànɛyi lì ànda mòlèlì ò lì lìrzɛ̀ hwanù hwatò hwa arzɛ e?”

Yòwanìrzɛ̀ 6:7

Hvìlìpì rzìi à mò alàhwɛ̀ nanù ema, “È wòwà lì aka eyà yà egbe hwèhwàkɛ̀ hwe hwekòlì hwe hvìlàŋgì ò lì anda mòlèlì ema mò tànɛyi lì lìrzɛ̀ hwanu hwatò hwa arzɛ aŋga nanù tɔ̀ ima mòtò à làa tenyi.”

Hwègbèèlì 1:13

Nà òma hwa mà kpèeyà ò mbòwa, rzìi hwa agba ò ŋmanyu è ndawò yà ndɛkì ò tùù ema hwa mà hwɛ lì lìya. Iŋgi àpɔ̀rzìtòlò ì mà hwɛ ndi, Pètrò, Yòwanìrzɛ̀, Jèmìrzì nà Àndèlè. Hvìlìpì nà Tɔ̀màrzì, Bàtòlomìyò nà Matìyò, Jèmìrzì è ŋmanà wà ama Alìhvìyòrzɛ̀, Rzìmɔ̀nì mòtò ema lì emeyà là eni lì rza à àyèŋgòwɛ̀ nà Jùdàrzì è ŋmanà wà ama Jèmìrzì.