Yòwanìrzɛ̀ 1:43 - Mokpwe: Bakwery (New Testament)

⁴³ Ènɛ̀yi eka yà èlèlè Yerzù à mà kùlɛ̀ nanù ema à hwɛni lì ɛ̀ndɛ ò erzòòkà yà Galìlì. À mà ɛndɛ lì ùŋmànɛ̀lɛ̀ Hvìlìpì rzìi à mò òhweyà nanù ema, “Jà, ò nò òŋgame.”

Yòwanìrzɛ̀ 1:43 Mawu Ofanana

Matiyò 10:3

Hvìlìpì na Bàtòlomìyò, Tɔ̀màrzì na Matìyò e mòrzàŋgèlì wa e njàŋge yà lìkànèyà, Jèmìrzì e ŋmanà wa ama Alìhvɔ̀rzì, na Tàdiyòrzì,

Matiyò 4:12

Ò eŋge hvònda Yòwanìrzɛ̀ è Mòlùhwìrzèlì à mà aŋgɛhwɛ ò hwèwòwà. Nà òma Yerzù à mà hweye nanù, rzìi a timba ò erzòòkà yà Galìlì.

Matiyò 8:22

Ndi Yerzù à mà mò alàhwɛ̀ nanù ema, “Ò nò òŋgame, hwɛ̀mɛ̀ hwaŋga hwatò ema hwa mà ŋwɛ, hwa ìmeyà hwaŋga hwatò ema hwa ŋwelì.”

Matiyò 9:9

Ò mburza hwene hweyà Yerzù à mà anjììyà ò eŋge èki, nà òma à mà hwɛ lì ɛndɛ, à mà ɛnɛ munyanà mɔ̀kɔ ema à mà hwɛ̀lɛ̀hwɛ̀ Matìyò. Matìyò à mà lìya ò lìyɛ̀hvɛ̀ là ama è mɔ̀kɔ̀tèlì wà è njàŋge yà lìkànèyà. Yerzù rzìi à mò òhweyà nanù ema, “Ò nò òŋgame” Matìyò rzìi à tɛ̀mɛ̀ ò ŋmanyu, à òŋgama Yerzù.

Lukàrzɛ̀ 19:10

È Ŋmanà wà è Mòtò wà Hwènàmà, à jelì ndi ò lì àrza hwaŋga hwatò ema hwa mà wɔ̀, nà ò lì hwa rzùŋgà.”

Yòwanìrzɛ̀ 1:28

Hwenè hweyà hwe arzɛ hwe mà gbèyɛ̀nɛ̀ ndi ò è mbòwà yà Bɛ̀tanì ò enɛ̀yi èhvàrzù yà mòrzò mò Jɔdànì ema Yòwanìrzɛ̀ à mà hwɛ lì lùhwìrzɛ̀ hwatò.

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Yòwanìrzɛ̀ 1:35

Ènɛyi eka yà èlèlè hvɛ, Yòwanìrzɛ̀ à mà tɛ̀mɛ̀ hvɛ nà hwà-òkòwèlì hwa eni hwahwàkɛ.

Yòwanìrzɛ̀ 1:37

Nà òma Hwà-òkòwèlì hwa eni hwahwàkɛ hwa mà hwèya nanù hwa mà wòteyà lì òŋgama Yerzù

Yòwanìrzɛ̀ 1:44

Hvìlìpì àma uwɛlɛlɛ ndi ò Bɛ̀trzàyìdà ene mbòwà mɛnɛ ndi Àndèlè na Pètrò hwà mà uhwɛlɛlɛ.

Yòwanìrzɛ̀ 12:21

Hwà mà ɛ̀ndɛ òma Hvìlìpì. Hvìlìpì à mà uwɛ̀lɛ̀lɛ̀yi ò e mbòwà ya Bɛ̀trzàyìdà e hwèlì ò erzòòkà ya Gàlìlì. Rzìi hwa mò òhweyà nanù ema, “Ìi rzàŋgò kòkò, i arza lì ɛnɛ Yerzù.”

Yòwanìrzɛ̀ 14:8

Hvìlìpì à mà òhwa nanù ema, “Ìi Rzàŋgò, ò jò uŋmɛ̀lɛ̀ Tatɛ̀ èŋge mɛnɛ ndi e jò lòŋgamɛnɛ.”

Yòwanìrzɛ̀ 2:11

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yòwanìrzɛ̀ 6:5

Nà òma Yerzù à mà kàrzɛ mììrzɔ̀ mà eni, rzìi à ɛ̀nɛ̀ è ŋgindi yà hwatò ema è mà hwɛ lì mò jèeyà. Rzìi à ijòwa Hvìlìpì nanù ema, “One ì tànɛyi lì ànda mòlèlì ò lì lìrzɛ̀ hwanù hwatò hwa arzɛ e?”

Yòwanìrzɛ̀ 6:7

Hvìlìpì rzìi à mò alàhwɛ̀ nanù ema, “È wòwà lì aka eyà yà egbe hwèhwàkɛ̀ hwe hwekòlì hwe hvìlàŋgì ò lì anda mòlèlì ema mò tànɛyi lì lìrzɛ̀ hwanu hwatò hwa arzɛ aŋga nanù tɔ̀ ima mòtò à làa tenyi.”

Hvìlipìyà 3:12

Nà rza ohwa nanù ema nà mà màa lì gbeyà hwene hweyà hwe arzɛ, tɔ̀ nanù ema nà mà màa lì tɛmi ehve-ehve o hweyà hwe arzɛ. Ndi na hwèlì lì keka o lì hwɛ e nyayi ya mòtò ema Yerzù Krirztò à mà arza ema na hwɛ e hvonda ema à mà no hvɔ̀rzè.

1 Yòwanìrzɛ̀ 4:19

Irzɔ jò uŋmɛ̀lɛ̀ hwatò è ndìŋgɛ, ehwànja Lohwɛ̀ à mà lòma lì jò uŋmɛ̀lɛ̀ è ndìŋgɛ yà eni.