Yòwanìrzɛ̀ 1:42 - Mokpwe: Bakwery (New Testament)

⁴² Àndèlè rzìi à jànà Rzimɔ̀nì ò mà Yerzù, Yerzù rzìi à ɔ̀ŋgɔ Rzìmɔ̀nì kòò à mò òhweyà nanù ema, “Lìinà lì aŋgɔ lì hwèlì ndi Rzimɔ̀nì è ŋmanà wà mùnyanà hwa ama Yòwanìrzɛ̀. Ndi ò nàŋgɛ ò hwɛ̀lɛ̀hwɛ̀ ndi Rzɛ̀hvàrzì.” (Lìni lìna lì hwèlì ndi nyayi hvɔ̀kɔ nà Pètrò ema jànda ì hwèlì ndì ema èwòmɛ̀ yà lìŋyàyi).

Yòwanìrzɛ̀ 1:42 Mawu Ofanana

Matiyò 10:2

Mììnà mà lìŋgi lìyòme la àpɔ̀rzìtòlò na hwàhwàkɛ̀ ma hwèlì ndi: È wà wòrzò Rzìmɔ̀nì, ema à mà hwɛ̀lɛ̀hwɛ̀ Pètrò nà ŋmanyàŋgò wa eni Àndèlè. Jèmìrzì nà ŋmanyàŋgò wa eni Yòwanìrzɛ̀ hwàànà hwa ama Rzɛ̀bɛ̀dì,

Makòrzì 3:16

Lìŋgi lìyòmɛ la hwatò nà hwàhwàkɛ̀ hwa mà hwɛ ndi: Rzìmɔ̀nì ema Yerzù a mà kpɛ̀ɛ̀ lìinà Pètrò;

Lukàrzɛ̀ 5:8

Nà òmà Rzìmɔ̀nì Pètrò a mà ɛ̀nɛ mamɛ e ma gbèyɛnɛ, a rzùmeya Yerzù màwɔ̀ŋgɔ̀ŋgɔ̀, rzìi a mò òhweyà nanù ema, “Yerzù kòkò, ò nò ànjiiya anù, nà rza kanɛ̀ lì ò kòmbɛ̀nɛ̀, nà hwèlì ndi mòtò wa wòhwe!”

Lukàrzɛ̀ 6:14

Rzìmɔ̀nì ema mɔ̀ à mà kpɛ̀ɛ̀ lìinà Pètrò, na ŋmanyàŋgò wà èni Àndèlè, nà Jèmìrzì, Yòwanìrzɛ̀, Hvìlìpì, nà Bàtòlomìyò,

Yòwanìrzɛ̀ 13:18

“Nà rza è òhwàna inyɔ hwa arzɛ. Ndi nà hwi è wɔ̀ ema nà mà hvɔ̀rzɛ̀. Ndi ene eyà è hwèlì ndi nanù, ò lì òndìrzɛ̀ mamɛ è mà tìlahwa ò Kààtì yà Lohwà. È tìlahwì nanù ema, ‘È mòtò ema irzɔ nà mɔ̀ ì làlɛ̀nɛ̀ à nò àyiŋgòwɛ̀lɛ̀lɛ̀yi.’

Yòwanìrzɛ̀ 21:2

Rzìmɔ̀nì Pètrò, Tɔ̀màrzi (e mɔ̀ hwà mà hwɛlɛ Mayɛrzɛ), Nàtaniyɛlì (ema à mà uwɛ̀lɛ̀lɛ̀yi ò mbòwà yà Kèna ò erzòòkà ya Galìlì), hwàànà hwa ama Rzɛ̀bɛ̀dì, na hwahvɛhvɛ Hwà-òkòwèlì hwahwakɛ hwa ama Yerzù hwà mà arzaŋganɛ wɔ̀ hwa arzɛ èki yɔ̀kɔ.

Yòwanìrzɛ̀ 4:16

Yerzù à mà mò òhweyà nanù ema, “Ɛndɛ, ò hwɛlɛ e mòjòmɛ̀ wa aŋgɔ e timbe e jèe anù.”

1 Kɔ̀rintìyà 1:12

Nà ohwa ndi nanù èhwanja, lòŋgò là anyù è hwèlì è ohwà naŋgɛ̀ nanù ema, “Nà hwèlì ndi mɔ̀nɔ̀ŋgèlì wà hwèyòkòwèlì hwe amà Pàwolò.” Hwanɛ̀yì wɔ̀ hvɛ̀ hwa hwèlì hwa ohwà nanù ema, “Nà oŋgama ndì hwèyòkòwèlì wà ama Apòlòrzì.” Tɔ̀ “Nà oŋgamà ndi hwèyòkòwèlì hwe ama Pètrò,” tɔ̀ “Nà oŋgamà ndi hwèyòkòwèlì hwe ama Krirztò.”

1 Kɔ̀rintìyà 15:5

Nànù hvɛ ema à mà wurzeya Pètrò, na lìnɛyi Lìyomɛ̀ la eni la Hwà-òkòwèlì na hwahwàkɛ.

1 Kɔ̀rintìyà 3:22

Lohwɛ̀ a no òmi imba, Apòlòrzì, na Pètrò, o lì e òŋgòwàna. Hweema hwe arzɛ ema Lohwɛ̀ a wèki o rze, a e ŋgbelì ndi e hweyɔ ema, e hwe gbeyàne. Tɔ̀ e ŋwa, tɔ̀ e hwɛ o lòŋgɛ, Lohwɛ̀ à mà e gbeyà ndi nanù o gbamù wa anyu. Hweya ema hwe e gbèyɛ̀nɛ naŋgɛ, na o e hvonda ema e o jɛ̀ɛ̀, hwe hwèlì ndi o gbamù wa anyu. Hwanù hwatò hwa arzɛ, na hwenè hwema hwe arzɛ Lohwɛ̀ a e ŋgbelì e hweyɔ.

1 Kɔ̀rintìyà 9:5

Irzɔ̀ ì rza hwɛnì wònjà ya lì ahwànà jòjìyɛ̀ ema e hwèlì ndì mɔ̀nɔ̀ŋgèlì mɔ̀kɔ wa ama Krirztò na irzɔ e? Nà oma inɛyi àpɔ̀rzìtòlò i gbeyà e? Rzeke nanù ndi wònyanyàŋgò wa ama e Rzàŋgo na Pètrò hwa gbeyà e?

Gàletìyà 1:18

Meya meyawo me ma aka, ndèŋgàna na e ɛndɛ o mbowà ndɛnɛ ya Jèrurzalɛ̀mù o lì ɛnɛ Pètrò. Nà ma lìya na mɔ̀ lìyomɛ la mèenyà na meta.

Gàletìyà 2:11

Ndi è hvonda ema Pètrò à mà jèe ò mbowà ya Antìyɔ̀kì, nà mà mò kanja ò mote èhwanja à mà hwɛ lì gbeyà hweyà ema hwe rzi lɔ̀wu.

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.