Yòwanìrzɛ̀ 1:21 - Mokpwe: Bakwery (New Testament)

²¹ Rzìi hwa mà mò ijòwa nanù ema, “Njɛnɛ rzɔ ò wa ò hwèlì e? O wa ndi ò hwèlì Èlàyijà e?” A ma wa alàhwɛ nanù ema, “Jàyɛ̀, rzeketɛ imba.” Hwà mà ijòwa hvɛ nanù ema, “O wa ndi ò hwèlì e mòòhwèlì wà èlìŋgɛ̀ ja ambɛ̀lɛ e?” A ma hwa alàhwɛ̀ hvɛ nanù ema, “Jàyɛ̀.”

Yòwanìrzɛ̀ 1:21 Mawu Ofanana

Matiyò 11:14

O èŋgànɛ̀lɛ̀ e wòŋgirzɛnɛ tɛ ò lì lòkɛ̀ e mbɔrzi ya awu, Yòwanìrzɛ̀ ndi à hwèlì e mɔ̀ ema hwa ma hwɛ lì òhwa e hvònda ema hwa ma òhwe nanù ema Èlàyijà a hwèlì a jà.

Matiyò 16:14

Rzìi hwa mò alàhwɛ̀ nanù ema, “Lòŋgò hwa òhwa nanù ema ò hwèlì ndi Yòwanìrzɛ̀ è Mòlùhwìrzèlì. Hwanɛ̀yi hvɛ hwa òhwa nanù ema ò hwèlì ndi Èlàyijà. Hwanɛ̀yi wɔ̀ hvɛ hwa òhwi nanù ema ò hwèlì ndi Jèrìmayà tɔ̀ òhvɛhvɛ Mòòhwèlì wa Èlìŋgɛ̀.”

Matiyò 21:11

Eŋge ŋgìndì e hwa alàhwɛ̀ nanù ema, “Yerzù ònò, è Mòòhwèlì wà èlìŋgɛ̀ ema a uwɛ̀lɛ̀lɛ̀yi ò e mbòwà yà Nàrzarɛ̀tì ò èkòmè ya Galìlì.”

Lukàrzɛ̀ 1:17

A ò hvùŋgàna ò wòrzò ndèŋgàna è Rzàŋgò e ò jà. A ò hwɛnɛ hvɛ e ŋginyà nà èlìŋgɛ̀ ŋgàna hvɔ̀kɔ nàa Èlàyijà è mòòhwèlì wà èlìŋgɛ̀ wà kòhwaa a mà hwɛnɛ. A ò rzèeya mèèmà me irzàŋgo nà hwàna hwa awu. Hwatò ema hwa hwɛnì maniya nà Lohwɛ̀, wɔ̀ hvɛ à hwa tikòwà ò lì jà ò lìhwiyè nà hwàtanèlì ò wòrzò wò ama Lohwɛ̀. A ò rzèkeya hwatò ò hwèjèelì hwe ama Rzàŋgò.”

Yòwanìrzɛ̀ 1:22

O lìrzùkù hwà mà mò ijòwa hvɛ nanù ema, “Njɛnɛ rzɔ ò wa ò hwèlì e? O jò òhweyà aŋga nanù i tìmba lì òhweyà hwatò ema hwa jò òmi. Njɛnɛ rzɔ ò òhwa nanù ema ò hwèlì e?”

Yòwanìrzɛ̀ 1:25

Rzìi hwa mò ijòwa hvɛ nanù ema, “Ò wà ò rza enje tɛ è Mɔ̀ ema à Ɔ̀kirzɛ̀hwɛ̀yi tɔ̀ Èlàyijà tɔ̀ è mòòhwèlì wà èlìŋgɛ̀ ema à ambɛlɛhwɛyi ì mà wònjà rzɔ ò wà ò hwɛnì ò lì lùhwìrzɛ̀ e?”

Yòwanìrzɛ̀ 6:14

Nà òma hwaŋga hwatò hwà mà ɛnɛ manù mànyakà ma eyà ema Yerzù à mà gbeye rzìi hwa òhwa nanù ema, “O tɛ̀ɛtɛ̀ɛ e Mòòhwèlì wà èlìŋgɛ̀ ònò ema hwà mà òhwe ema a jà ò rze.”

Yòwanìrzɛ̀ 7:40

Nà òma lòŋgò la hwatò ò tenì ya eŋge ŋgindi hwà mà hweye hweyà ema Yerzù à mà òhwe, wɔ̀ hwà mà òhwa nanù ema, “Nà è jɔ̀kɛ̀ ònò mòtò a hwèlì ndi e mòòhwèlì wà èlìŋgɛ̀.”