Yòwanìrzɛ̀ 1:16 - Mokpwe: Bakwery (New Testament)

¹⁶ Nà òma mɔ̀ à òndi nà ndèli, ò èŋgànɛ̀lɛ̀ irzɔ hwa arzɛ ì lu mònàmɛ̀ mɔ̀kɔ, mɔ̀kɔ nà ɔ̀nɛyi.

Yòwanìrzɛ̀ 1:16 Mawu Ofanana

Matiyò 13:12

È mɔ̀ ema a òhvi lì rzɔ̀ŋgìtɛ̀nɛ̀ ò e wùndɛ̀ ya Lìkànèyà là ama Lohwɛ̀, Lohwɛ̀ à mò ŋgbà lì rzɔ̀ŋgìtɛ̀nɛ̀ lì kòki. Ndi è mɔ̀ ema a rza òhvɛ, Lohwɛ̀ à mò wòwànà tɔ̀ è ŋmanà lì rzɔ̀ŋgìtɛ̀nɛ̀ ema a òhvì.

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Matiyò 3:14

Ndì Yòwanìrzɛ̀ à mà keka lì mò gbèya nanù ema à eŋgòwe ŋmèma mò eni, rzìi à mò òhwèyà nanù ema, “Nà òma è hwèlì ndi nanù ema ò wà ndi ò hwɛnì lì nò lùhwìrzɛ̀, mamɛ ndeŋgatɛ ò nò jèeya ema nò lùhwìrzɛ̀ e?”

Lukàrzɛ̀ 21:15

Nà è ŋgbà mamɛ ema ya òhwa, na mahwiye ò lì hwe òhwa, ema tɔ̀ hwakɔ̀èlì hwa anyu hwa rza ò tànɛyi lì è ɛkɛ̀, nà lì rzɔ̀rzɔ mamɛ ema e ò hwɛ̀ɛ.

Yòwanìrzɛ̀ 3:34

È mɔ̀ ema Lohwɛ̀ à mà òme a òhwa eyà ya ama Lohwɛ̀, èhwanja Lohwɛ̀ a ŋgbelì mòtò èlìŋgɛ̀ ya eni ema a rza ɔ̀ŋgɔ ò mburza.

Ròmànì 5:17

È hwèlì ndi e jɔ̀kɛ̀ nanù ema wòhwe ema ehvòwa ya mòtò Adàmu à mà gbeye, wò ma gbeyà hwatò hwa arzɛ ò lì hwɛ ò rze ya e ŋginyà ya kpelì. Ndi eyà ema enɛyi ehvòwa mòtò ya awɔ̀kɛ Yerzù Krirztò mɔ̀ hvɛ à mà gbeye yɔ e imbami rzayi-rzayi. Ène eyà e gbeyà hwatò hwa arzɛ ema hwà mà luwɛ e ndèli ya ama Lohwɛ̀ ema e òlò, hwa ò imanɛlɛhwɛ ò wòrzò wò ama Lohwɛ̀. Hwa ò hwɛnɛ lòŋgɛ là gbìndèyà na lì hwɛnɛ ŋginyà ò ŋmanyu ya hweyà hwe arzɛ.

Ròmànì 5:2

Mɔ̀ ndi à jò lìhvòhwèlì e njiya ya lìlòkɛ̀ aŋga nanù i hwiya e ndèli ya ama Lohwɛ̀. O èŋgànɛ̀lɛ̀ rzɔ jò òki mɔ̀nyɛ̀ŋgì rzayi-rzayi èhwanja i ma ika mèèmà me arzu nanù ema jò ò luwa ŋmàye mò ama Lohwɛ̀.

Ròmànì 5:20

Lohwɛ̀ à mà jànà ndi e mbenda aŋga nanù wòhwe wò ahwatɛ ndi ò lì ɛndɛ ò wòrzò. Ndi tɔ̀ ima èki ema wòhwe wò nyàla, e ndèli ya ama Lohwɛ̀ e nyàla lì aka nanù.

Ròmànì 8:9

Ndi inyɔ, e rza enje hwatò ema yòwò ya nyò ye e kànèyà, ndi inyɔ e lìya ndi na òma Èlìŋgɛ̀ yà Wòtani ye e kànèyà ò lì lìya. Nà e jɔ̀kɛ̀ Èlìŋgɛ̀ ya Lohwɛ̀ e hwèlì ò tenì ya anyu. Tɔ̀ njɛ̀nɛ ema a rza hwɛnɛ Èlìŋgɛ̀ ya ama Krirztò, a rza enje na Krirztò.

Ɛ̀hvìrzìyà 1:23

Lì arzàŋganɛ la hwatò hwa Lohwɛ̀ lì hwèlì ndi è nyo yà ama Krirztò. Liŋgi lì arzàŋganɛ là hwatò hwa Lohwɛ̀ ndi lì hwèlì lì ondìrzɛ̀ la ama Krirztò ndeŋga Krirztò à ondìrzɛ̀ hweyà hwe arzɛ ò tɔ̀ ima èki ema hwe hwèlì.

Ɛ̀hvìrzìyà 3:19

Nà kànɛ̀ hvɛ nanù ema tɔ̀ nɛ tɔ̀ mòtò tɔ̀ mɔ̀kɔ à rza tànɛyi lì hwiya kɔ̀yi-kɔ̀yi nɛ Krirztò ò jɔ̀kɛ̀ à è lìŋgàni inyɛ Lohwɛ̀ à è gbeye è rzɔ̀ŋgìtɛ̀nɛ̀. Nà kànɛ̀ nanù, aŋga nanù hwègbèèlì hwe anyu hwe hwɛ ndi nàa è hwe ama Lohwɛ̀.

Kòlòrzìyà 1:19

Hwene hweyà hwe hwèlì ndi nanù ehwànja nanù ndi Lohwɛ̀ mɔ̀ ŋmitɛ-ŋmitɛ à hwèlì.

Kòlòrzìyà 2:3

Krirztò mɔ̀ ndi à tànɛyi lì gbeyà ndèŋgànà inyɔ e rzɔ̀ŋgìtɛ̀nɛ̀ hweyà hwe ama Lohwɛ̀. Hweŋge hweyà hwe hwèlì wòlìto rzàyi-rzàyi.

1 Pètrò 1:11

Wɔ hwà mà keka o lì arzirzɛ e hvonda ema ene eyà yo ò hwɛ ndèŋgànà nɛ e o jèeya. È hvonda yɔ ene ema Èlìŋgɛ̀ ya ama Krirztò ema e ma hwa hwɛ o tenì e ma hwɛ o lì hwa ohweyà nɛ o e hvonda ema e o jɛ̀ɛ̀, Krirztò a o tàkɛ na èluhwe ema a o luwɛ o mburza meŋge mètàkà.

1 Pètrò 1:2

Lì hvomɛ̀nɛ̀ hwètɛ̀yìrzèlèlì hwe ama Lohwɛ̀ è Tatɛ̀, mɔ̀ à ma lòma lì è hvɔ̀rzɔ̀. Ndeŋgànɛ̀lɛ̀ è Èlìŋgɛ̀ yà eni è mà è gbeyà ò lì hwɛ hwatò ema hwa rzàŋgì. À mà gbeyà nanù aŋga nanù inyɔ è hwɛ ò lì gbeyà mamɛ ema Yerzù Krirztò à ohwi nanù ema è gbeye. À mà gbeyà nanù aŋga nanù, màyija mà eni emà ma mà rzihweyà ò mbàrza mà gbeyà wòhwe wò anyu wò ò làkìrzɛ̀hwɛ̀. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ ema lì ondìrzɛ̀hwɛyi è hwɛ nà inyɔ̀.