Yòwanìrzɛ̀ 1:15 - Mokpwe: Bakwery (New Testament)

¹⁵ Yòwanìrzɛ̀ à mà òhwa lì mò hvòmɛ̀nɛ̀ nà òmà mɔ̀ à mà akɛ̀lɛ̀ è njàmbɛ̀ nanù ema, “È mòtò ònò ema nà mà hwɛ lì è òhweyà nanù ema, ‘Mòtò mɔ̀kɔ à ò jà ò mburzà yà ami ema à kàrzàmi lì nò àka èhwanja nà è hwiya lì ŋyàahwà mɔ̀ à mà lòma lì hwɛ.’”

Yòwanìrzɛ̀ 1:15 Mawu Ofanana

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Makòrzì 1:7

È njàmbɛ yà eni è mà hwɛ ndi nanù ema, “O ò jà mɔ̀kɔ ò mburzà yà ami ema à nò akayi. È mà tɔ̀ mèèrzìŋgà mè eni mè hwètambi, imba nà rza ukì tɔ̀ mòtò ò lì ujama lì mè wulùwà.

Lukàrzɛ̀ 3:16

Yòwanìrzɛ̀ rzìi à hwa alàhwɛ̀ hwa arzɛ nanù ema, “Nà è lùhwìrzɛ̀ naŋgɛ nà màlìhwa, ndi òŋgò ema à kàrzàmi lì nò aka à ò jà, ema nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni. Mɔ̀ à è ò lùhwìrzɛ̀ ndi nà Èlìŋgɛ̀ yà Wòtani nà mùnya.

Yòwanìrzɛ̀ 1:27

Mɔ̀ ndi à hwèlì è mɔ̀ ema à ò jɛ̀ɛ̀ ò mburza yà ami. Ndi nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni.”

Yòwanìrzɛ̀ 17:5

Ìi Tatà wuluhwa èluhwe ya ami ò èki ema ò wà witi ò hwèlì, mòlemilemi mò èluhwe ema nà mà hwɛnɛ na ò hwa ndèŋgàna hwewòtelì hwe ene rze.

Yòwanìrzɛ̀ 8:58

Yerzù rzi a hwa alàhwɛ̀ nanù ema, “Nà è òhweyà ndi è jɔ̀kɛ̀ ema, ndèŋgàna Abràhamù a e ŋyahwa, imba na hwèlì.”

Kòlòrzìyà 1:17

Ndeŋgànɛ̀lɛ̀ è ohwàhwɛlɛ nanù ema o ò wèkàhwà tɔ̀ yoma anu rze yà mɔ̀nyɛ̀, Krirztò mɔ̀ à mà lòma lì hwɛ ò lòŋgɛ. Ndèŋgànɛ̀lɛ̀ mɔ̀ ndi à gbèyi ɔ̀ndèŋgàtɛ̀ hwèèmà hwe arzɛ hwe hwèlì ndi ò wèkì hwe awu hwe jɔ̀kɛ̀.

Hibrù 13:8

Yerzù Krirztò a hwèlì ndi molemilemi o i hvonda ja arzɛ. Nà oma à mà hwɛ ŋmɛlɛ ema wɔ̀ ma aka, nanù ndi à hwèlì yàwonò ndeŋgànɛ̀lɛ̀ nanù ndi à o hwɛ natɛ̀ɛ nà o mòlìkɛ̀.

Hwèwulùwèlì 1:11

Lì ma ohwa nanù ema, “Tila o kààti hwèèmà ema o ɛni, rzìi hwe e omeya lìni lìrzàmba la mìitelì. Ò è omeya o lìni lìrzàmba la mìtelì ema me hwèlì o Ɛ̀hvɛ̀rzɔ̀rzì, o Rzɛ̀màyìnà, o Pɛ̀gàmùmì, o Tìyatìrà, o Rzàdìrzì, o Hvìladɛlhvìyà na o Làwòdèrzìyà.”

Hwèwulùwèlì 2:8

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Rzàmàyinà nanù ema, “È mòtò ema à hwèlì è wà worzo ndèŋgànɛ̀lɛ̀ à hwèlì è mòtò ema à hwèlì è wà lìrzùkù, mɔ̀ ema à mà ŋwa ndèŋgànɛ̀lɛ̀ à hwèlì ò lòŋgɛ hvɛ, mɔ̀ ndi à omi mono ŋmɛ̀ndì.