Yòwanìrzɛ̀ 1:14 - Mokpwe: Bakwery (New Testament)

¹⁴ Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 1:14 Mawu Ofanana

Matiyò 1:16

Jèkɔ̀bù ndi à mà hwɛ è rzàŋgò yà ama Jòrzɛ̀hvù. Jòrzɛ̀hvù ndi à mà hwɛ mòjòmɛ̀ mò ama Màlìyɛ̀. Màlìyɛ̀ ndi à mà ŋya Yerzù. Yerzù a hwɛ̀lɛ̀hwɛ̀ Krìrztò.

Lukàrzɛ̀ 2:11

È hwiyè nanù ema yàwònò è Mòrzùŋgèlì wà ànyu, à ŋyààhwì ò mbòwà yà ama kiŋgɛ̀ Dàhwitì. Mɔ̀ ndi à Ɔ̀kirzɛ̀hwɛ̀yi nà Lohwɛ̀. Mɔ̀ ndì à hwèlì e Rzàŋgò.

Lukàrzɛ̀ 2:7

Màlìyɛ̀ rzìi a ŋya è ŋmanà wà mùnyanà. Mɔ̀ ndì à ma mò lìhvòhwa ewònì. À mà mò lìŋgɛ̀lɛ̀ ndi nà hwèhvàhve hwe mààtù. Rzìi à mò nàŋgɛlɛ ò èwòki ema hwèembè hwe mà leeyà. À mà gbeyà ndi nanù èhwanja, ò rzi hwɛ èhvòlò ò ndawò yà hwàyɛ̀ni.

Lukàrzɛ̀ 9:32

Pètrò nà hwanɛ̀yi hwaahwàkɛ hwa mà hwɛ ndi lì rzìrza. Nà òmà hwa mà imòwe ò ìjɔ rzìi hwa ɛnɛ wòtani wò ama Yerzù, nà hwahvɛhvɛ hwatò hwàhwàkɛ̀ ema hwà mà tɛ̀mɛ̀ nà mɔ̀.

Yòwanìrzɛ̀ 1:1

O hwèwòtelì ndèŋgàna Lohwɛ̀ a e hwiya lì wèka e rze, Eyà ya Lohwà e mà lòma lì hwɛ. Ène Eyà e mà hwɛ ndi na Lohwɛ̀. Èŋge Eyà e ma hwɛ ndi Lohwɛ̀.

Yòwanìrzɛ̀ 11:40

Yerzù rzi a mò timbirzɛlɛlɛ nanù ema, “Nà rzi ò òhweyà ema ò lòkɛ̀yì tɛ ò ɛnɛ èluhwe yà ama Lohwɛ̀ e?”

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 14:9

Yerzù rzìi a mò alàhwɛ̀ nanù ema, “Ìi Hvìlìpì, ò rza nò hwi e? Tɔ̀ nɛ na hwèlì ò ìtììtènì ja anyu ene hvònda ya arzɛ e? È mɔ̀ ema à mà nò ɛnɛ, à mà ɛnɛ Tatɛ̀. Nɛ rzɔ ò wa ò tànɛyi lì tɛ̀mɛ̀ nàŋgɛ rzìi ò òhwa òma, ‘O jò uŋmɛ̀lɛ̀ Tatɛ̀ e?’

Yòwanìrzɛ̀ 17:22

Nà hwa ŋgbelì mòlemilemi mò èluhwe ema ò nò ŋgbelì aŋga nanù hwa hwɛ mòtò mɔ̀kɔ na òma irzɔ na ò wa i hwèlì mòtò mɔ̀kɔ.

Yòwanìrzɛ̀ 17:24

Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.

Yòwanìrzɛ̀ 18:37

Pìlatò rzi a mò ijòwà nanù ema, “O hwèlì ndi Kiŋgɛ rzɔ e?” Yerzù rzi a mò alàhwɛ̀ nanù ema, “O wa ndi òhwi nanù ema na hwèlì ndi Kiŋgɛ. Lìtiŋga ema na ŋyaahwɛlɛyi na lì jàa anu rze lì hwèlì ndi ò lì tɛ̀mɛ̀ e mbòŋgi ya jɔ̀kɛ̀. Tɔ̀ ima mòtò ema a hwèlì ndì wa jɔ̀kɛ̀ a nò òkànèyà.”

Yòwanìrzɛ̀ 2:11

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yòwanìrzɛ̀ 3:16

Lohwɛ̀ a lìŋgàni hwatò hwa ene e rze ya mɔ̀nyɛ̀ rzayì-rzayì. O èŋgànɛ̀lɛ̀, à mà òma ehvòwà ya eni ya Ŋmanà nanù ema, tɔ̀ ima mɔ̀ ema a mò lòkɛ̀ a rza ŋwa ndi à lùwa lòŋgɛ la gbìndèyà.

Yòwanìrzɛ̀ 3:18

Tɔ̀ ima mɔ̀ ema à mò lòkɛ̀ à rza tùwa ŋmàŋgò ndi tɔ̀ ima mɔ̀ ema à rza mò lòkɛ̀, mɔ̀ à mà màà lì tùwa ŋmàŋgò èhwanja à rza lòkɛ̀ ehvòwà yà Ŋmanà yà ama Lohwɛ̀.

Yòwanìrzɛ̀ 6:51

Imba ndi nà hwèlì èhvòòtò ema è ŋgba lòŋgɛ ema è uwɛ̀lɛ̀lɛ̀yi ò ŋmanyu yà Lohwà. Tɔ̀ njɛnɛ à lelì ene èhvòòtò, à hwɛnɛ lòŋgɛ ema lì rza kùwa. Ndèŋgànɛ̀lɛ̀ ene èhvòòtò ema nà è ŋgba è hwèlì ndi è nyò yà ami ema nà ò ŋgba ò lì rzùŋga lòŋgɛ là ene rze.”

Yòwanìrzɛ̀ 8:32

Àŋga nanù e hwiya e jɔ̀kɛ̀, ndèŋgànɛ̀lɛ̀ èŋge jɔ̀kɛ̀ yɔ ndì ye ŋgba wònjà.”

Hwègbèèlì 13:33

Mɔ̀ à mà òndìrzɛ̀ eyà ema à mà òhwe ò lì akeyà nà irzɔ ema ì hwèlì ò mòtende mò awu, nà òma à mà hvùmùlɛ̀ Yerzù ò kpelì. Nà òma è tìlahwì ò kààtì yà mɛ̀rzɔ̀kɔ̀ yà ama Lohwɛ̀ ò èhvàrzù ema è ùkirzɛ̀ hwehwakɛ nanù ema, ‘Ò wà ò hwèlì ndi è Ŋmanà wà ami, yawònò nà mà jà ndi è Tatɛ̀ yà aŋgɔ̀.’

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

Ròmànì 9:5

Wɔ̀ hwa uwɛlɛlɛyi ndi ò mòtende mò ama imbamba ja arzu ja kòhwa. Ndeŋgànɛ̀lɛ̀ Krirztò ò hwehwɛ̀ɛlì hwe eni nàa e mòtò wa hwènàmà, mɔ̀ à uwɛlɛlɛyi ndi ò mòtende mò awu. Inyɛ̀ Lohwɛ̀ ema a kànèyà hweyà hwe arzɛ a ekàhwè i hvònda ja arzɛ. Inyɛ̀ wò lìya nanù.

1 Kɔ̀rintìyà 15:47

Adàmu e mòtò wa worzò, à mà wèkahwà ndi na mɔ̀nyɛ̀ mo rze, à mà uwɛ̀lɛ̀lɛ̀yi ndi o mɔ̀nyɛ̀. È Adàmu ema e ma jà hvɛ ema uwɛ̀lɛ̀lɛ̀yi ndi o ŋmanyu a Lohwà.

2 Kɔ̀rintìyà 12:9

Ndi mamɛ ema à mà no òhweyà e hwèlì ndi nanù ema, “È ndèli ya ami ema no ò ŋgbelì e o loŋgamɛnɛyi. Nà ma o ètìrzɛ̀ aŋga nanù o hwɛ o ŋmanyu ya mètàkà me arzɛ ema o lu. Èhwanja e hvonda ema e ŋginyà e rza enje o mòtò, eŋge hvonda ndi e ŋginyà ya ami e mo ètìrzɛ̀.” O nàŋgɛ nanù na oka mɔ̀nyɛ̀ŋgì o lì kumba lìya la ami o kòkò ò hweyà ema hwe uŋmɛ̀lɛ̀ nanù ema na ohvi ndi nyo ya mòtò wa hwènàmà, aŋga nanù hwatò hwa ɛnɛ nanù ema e ŋginyà ya ama Krirztò e hwèlì o tenì ya ami ndèŋgànɛlɛ yɔ ndi e no ètìrzɛ̀.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

Kòlòrzìyà 1:19

Hwene hweyà hwe hwèlì ndi nanù ehwànja nanù ndi Lohwɛ̀ mɔ̀ ŋmitɛ-ŋmitɛ à hwèlì.

Kòlòrzìyà 2:3

Krirztò mɔ̀ ndi à tànɛyi lì gbeyà ndèŋgànà inyɔ e rzɔ̀ŋgìtɛ̀nɛ̀ hweyà hwe ama Lohwɛ̀. Hweŋge hweyà hwe hwèlì wòlìto rzàyi-rzàyi.

Kòlòrzìyà 2:9

È rzi emeyà nanù ema hwaŋga hwà-òkòlèlì hwa mòlàŋga hwa e lukɛlɛ, ehwànja e ŋginyà na ɛ̀ɛ̀mɛ̀ ya ama Lohwɛ̀ e hwèlì o tenì ya e nyo ya e mòtò wa hwènàmà ya ama Krirztò.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 1:5

Ò eŋgànɛ̀lɛ̀ rzɔ Lohwɛ̀ à rza ohweyà tɔ̀ aŋgèlì yà eni hvɔ̀kɔ nanù ema, “Ò wà ndi ò hwèlì è Ŋmanà wà ami, yawònò, nà hwèlì ndi Tatɛ̀ wà aŋgɔ.” Lohwɛ̀ à rzi ohweyà tɔ̀ aŋgèlì tɔ̀ hvɔ̀kɔ nanù ema, “Nà ò hwɛ è Tatɛ̀ wà eni, mɔ̀ hvɛ à ò hwɛ è Ŋmanà wà ami.”

Hibrù 10:5

Ɔ̀ndeŋgàtɛ̀ e hvonda ema Krirztò à mà jèe o rze, à mà ohweyà Lohwɛ̀ nanù ema, “Rzeketɛ màahweyà na jàhwèyà ndi o arza. Ndi o wa o no rzekelì ndi e nyo ya mòtò ema na hwɛni lì ŋgbà nàa jàhwèyà.

Hibrù 2:11

Yerzù ema mɔ̀ ndi mɔ̀ à gbèyi ndèŋgànà hwatò hwa e jà wòtani, ndèŋgànɛ̀lɛ̀ hwatò ema hwa hwèlì wòtani, hwa arzɛ hwa hwèlì ndi hwàanà hwa Tatɛ̀ hvɔ̀kɔ. Ndeŋgànɛ̀lɛ̀ yɔ̀ ndi e gbèyi ndeŋgatɛ Yerzù a rza oka irzɔ̀ni o lì hwa hwɛlɛ nanù ema wònyànyàŋgo wa ami.

Hibrù 5:5

Ɔ̀ndeŋgàtɛ̀ Krirztò mɔ̀ ŋmìti à rzi awòwɛ̀ ò ene èluhwe ò lì hwɛ è Pìlìrzì è Kàrzàmi. Mɔ̀ à mà hvɔ̀rzɔ̀wɔ̀ ndi nà Lohwɛ̀. Lohwɛ̀ à mà mò òhweyà nanù ema, “Ò hwèlì ndi è Ŋmanà wà ami wà munyanà. O lì wòteya yàwono na hwèlì ndi e Tatɛ̀ ya aŋgɔ.”

1 Yòwanìrzɛ̀ 4:14

Ndèŋgànɛ̀lɛ̀ irzɔ ì mà ɛnɛ nà lì ohweyà hwahvɛhvɛ hwatò nanù ema Tatɛ̀ à mà oma è Ŋmanà wà eni ò lì hwɛ è Mòrzùŋgèlì hwa è rze.

1 Yòwanìrzɛ̀ 4:9

Nànù ndi Lohwɛ̀ à mà àwuŋmɛ̀lɛ̀ è ndìŋgɛ yà eni ò ìtììtènì jà arzu, à mà jò òmeya ehvòwa yà eni yà Ŋmanà wà Mùnyanà anu rze à mɔ̀nyɛ̀ nanù ema irzɔ jò òhve lòŋgɛ là gbìndèyà ò lì akeyà nà mɔ̀.

2 Yòwanìrzɛ̀ 1:7

Hwàlùkèlì rzayì-rzayì hwa mà kpèeyà ò rze, hwatò ema hwa rza emeyà nanù ema Yerzù Krirztò à mà ŋyàahwa ò rze nàa mòtò wà hwènàmà. Tɔ̀ ima mòtò wà nanù à hwèlì ndi molùkelì ndèŋgàna è mɔ̀kɔ̀yèlì wà ama Krirztò.

Hwèwulùwèlì 19:13

A wɔ̀ti mòŋgòmbè ema mo ma inahwa o màyija ndèŋgànɛ̀lɛ̀ lìnà ema hwà mà mo hwɛlɛnɛ lì ma hwɛ ndi, Eyà ya Lohwà.

Hwèwulùwèlì 21:3

Nà ma hweyà lìlo lì ndɛnɛ ema lì uwɛlɛlɛyi o konda ya lìkànèyà lì ohwa nanù ema, “È ɔŋgɔ̀ tɛ, o naŋgɛ èki ya hwèlìyelì hwe ama Lohwɛ̀ e hwèlì ndi na hwatò hwa hwènàmà! Lohwɛ̀ a o lìiya na wɔ̀ èki yɔ̀kɔ ndèŋgànɛ̀lɛ̀ wɔ̀ hvɛ hwa o hwɛ ndi hwatò hwa eni. Lohwɛ̀ a o lìiya èki yɔ̀kɔ na wɔ̀.