Yòwanìrzɛ̀ 1:11 - Mokpwe: Bakwery (New Testament)

¹¹ A mà jèeya ndi e mbòwà ya eni ndi hwatò hwa eni hwa rzi mò kàrzɛ.

Yòwanìrzɛ̀ 1:11 Mawu Ofanana

Matiyò 15:24

Yerzù rzìi a hwa timbirzɛlɛlɛ ama, “Lohwɛ̀ a nò òmi ndi ò lì òŋgòwàna hwatò hwa Irzàyɛ̀lì ema hwa hwèlì ndi nàa mɛ̀ɛlɛ̀ŋgù ema me wɔ̀wu.”

Lukàrzɛ̀ 19:14

Kànàtɛ̀ lòŋgò là hwatò hwa èŋge èkòmè yà eni hwa rzi mò lìŋgànè, hwa mà wùrzìrzɛ̀ mèrzènjà ema mè mò oŋgàmà ò lì òhweyà lìkànèyà nanù ema, ‘Ì rzà arza ònò mòtò à hwɛ è kiŋgɛ̀ yà arzu.’

Yòwanìrzɛ̀ 1:10

À mà hwɛ ò ène rze ya mɔ̀nyɛ̀ tɔ̀ nɛ Lohwɛ̀ à mà wèkè ene rze ya mɔ̀nyɛ̀ na mɔ̀ ndi è rze ya mɔ̀nyɛ̀ e rzi mò embè.

Yòwanìrzɛ̀ 1:12

Ndi e wɔ̀ ema hwà mà mò kàrzɛ na lì mò lòkɛ̀ hwanu ndi à mà ŋgbèe è wònjà ò lì hwɛ hwàànà hwa ama Lohwɛ̀.

Yòwanìrzɛ̀ 19:27

Rzi à òhweyà hvɛ òŋgò mòòkòwèlì wà eni mɔ̀ hvɛ nanù ema, “Nyɔ̀ŋgɛ òŋgò.” Lìwòteyà èŋge hvònda òŋgò mòòkòwèlì à mà wòwa Yerzù nyàŋgɛ ò ndawò yà eni.

Yòwanìrzɛ̀ 3:32

Hweyà ema a ɛnɛ na mamɛ ema a hweyà ɔ̀ndi mɔ̀ à òhwa ndi tɔ̀ nanù tɔ̀ mòtò a rza mò lòkɛ̀.

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

Hwègbèèlì 13:46

Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Hwègbèèlì 21:6

O mburza hvònda ema i ma àkpànɛ mɔ̀kɔ na ɔ̀nɛti, rzi i kpèeyà ò tenì ya melì me ŋmànja rzìi wɔ hwa timba ò mandawò ma awu.

Ròmànì 15:8

Nà e òhweyà nanù ema, Krirztò à mà timba ndi mògbèèlì wa wònyà Yudà ò lì uŋmɛ̀lɛ̀ nanù ema Lohwɛ̀ a hwèlì jɔ̀kɛ̀, ò lì òndìrzɛ̀ lì kàkɛ̀nɛ̀ ema à mà ika na imbamba ja awu jò ò gbèyɛ̀nɛ na e jɔ̀kɛ̀.

Ròmànì 9:1

Nà òhwa ndi e jɔ̀kɛ̀ nàa e mòtò ema a lòkɛ̀ Krirztò, na rza kɔwu hweyà. Ŋmèma mò ami ema èlìŋgɛ̀ yà wòtani e kànèyà mò nò òhweyà nanù ema na rza kɔwu hweyà.

Ròmànì 9:5

Wɔ̀ hwa uwɛlɛlɛyi ndi ò mòtende mò ama imbamba ja arzu ja kòhwa. Ndeŋgànɛ̀lɛ̀ Krirztò ò hwehwɛ̀ɛlì hwe eni nàa e mòtò wa hwènàmà, mɔ̀ à uwɛlɛlɛyi ndi ò mòtende mò awu. Inyɛ̀ Lohwɛ̀ ema a kànèyà hweyà hwe arzɛ a ekàhwè i hvònda ja arzɛ. Inyɛ̀ wò lìya nanù.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.