Tàyìtùrzì 3:9 - Mokpwe: Bakwery (New Testament)

⁹ Ndi inyɔ e rza alɛ̀mbɛ̀nɛ hvenda ya èetì, o lì ohwa nɛ inyɔ̀ŋgɔ̀nì i ma wòteyà. È rzɔ̀njɛlɛ ihvenda, na metàŋgo lì hvomɛ̀nɛ̀ e mbenda ya wònyà Yudà. È rza akakumɛnɛ hwene hweyà ehwànja, hwe hwèlì ŋgandì ndeŋgànɛlɛ hwe rza ohvi tɔ̀ mɔ̀rzɛ̀ŋgi.

Tàyìtùrzì 3:9 Mawu Ofanana

1 Kɔ̀rintìyà 13:2

Tɔ̀ na hwɛnɛ hvɛ ndi jàhwèyà ja lì ohwa ŋmɛ̀ndì mo Lohwɛ̀ nɔke-nɔke, tɔ̀ na hwɛnɛ hvɛ ndi lìhwiyè la lì rzɔ̀ŋgìtɛ̀nɛ̀ la ìwùndɛ̀ ja arzɛ. Nà tànɛyi hvɛ tɛ lì hwɛnɛ̀ lì lòkɛ̀ ema lì no gbeyà ema na ohweyà e hvàko, ema e tikowe hwetɛmelì hweni. Rzi na rzi uŋmɛ̀lɛ̀ hwatò e ndìŋgɛ, nanù oma na rza enje tɔ̀ eyà.

1 Kɔ̀rintìyà 8:1

Nàŋgɛ rzɔ, imba na ohwa lì hvomɛ̀nɛ̀ mòlelì ema mo ŋgbahwa hwèrzùmbu nàa jàhwèyà. Ɛ̀ɛ, i hwi nanù ema, e ohwahwi nanù ema, “Irzɔ hwa arzɛ i hwɛnì lìhwiyè.” Lini lìhwiyè rzɔ, lì jo gbeyà irzɔ hwa arzɛ i hwɛnì kumba. Ndi e ndìŋgɛ e jo ètìrzɛ̀.

1 Tìmotì 4:7

O rza ohva tɔ̀ eyà o lì gbeyàna maŋga màyìtò ema mà uŋmɛ̀lɛ̀ nanù ema hwatò hwa rza lòkɛ̀ Lohwɛ̀ ndèŋgàna o rzi ohva tɔ̀ eyà o lì gbeyàna màyìtò ma èèti. Ndi o hwɛ ndi o lì okowa o ihvonda ja arzɛ na oma Lohwɛ̀ a arza nanù ema o gbeye.

2 Tìmotì 2:14

O hwɛ ndi o lì ɔ̀ŋgɛ̀lɛ̀nɛ hwaŋga hwatò ema hwa lòkɛ̀ hwene hweyà, o hwa kòkòwɛ̀lɛ̀ o worzo hwa ama Lohwɛ̀ nanù ema, hwa rza akanjɛnɛ mɔ̀kɔ na ɔ̀nɛyi lì hvomɛ̀nɛ̀ eyà ya Lohwà. Ène nyayi ya hvenda e rza oŋgowàna, ndi e hvàŋga lìlòkɛ̀ la hwaŋga ema hwa e òkànèyà.

2 Tìmotì 2:16

O rzɔnjɛ̀lɛ̀ imbɔrzi ja arzɛ ja èèti na mbɔrzi ema i rza ohvɛ wòlìto, èhwanja hwatò hwa ohwa tɛ iŋgi tumba ja mbɔrzi eŋge e hwa gbeyà ndi o lì gbeyà hweyà ema Lohwɛ̀ a rza arza nanù ema hwa gbeye.

2 Tìmotì 2:23

O rzɔnjɛ̀lɛ̀ e mbɔrzi ya hvenda ya èèti ema e rza oŋgowàna tɔ̀ mòtò tɔ̀ eyà. O hwi nanù ema e hvenda ndi e jànà mòtaŋgo.

Tàyìtùrzì 1:14

Àŋga nanù wɔ̀ hwa rza o lòkɛ̀ mèndèŋga me ŋgundu me wònyà Yudà ndèŋgànɛ̀lɛ̀ hwa rza oŋgama hweyà ema hwatò ema hwa rzɔ̀rzɔ̀ hwèyòkòlèlì hwe jɔ̀kɛ̀ hwa ohwa.

Jèmìrzì 4:1

Mamɛ e jànà injùmà na mètaŋgo ò ìtììtènì ja anyu e? Rzeke e hwèlì ndi e jɔ̀kɛ̀ nanù ema ilema ja lì hwɛnɛ la hwèèmà ema hwe jo ananà o tenì yɔ̀ ndi e gbeyà i gbeyà hwene hweyà e?