Tàyìtùrzì 3:8 - Mokpwe: Bakwery (New Testament)

⁸ Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.

Tàyìtùrzì 3:8 Mawu Ofanana

Matiyò 20:4

A ma òhweyà hwaŋga hwatò ama, ‘Inyɔ hvɛ e ɛ̀ndɛ e gbèèye èwòlò ò hvaya ya ami. Imba na e rzaweya mòrzahwelì mò gbamù.’

Yòwanìrzɛ̀ 12:44

Yerzù à mà òhwa ò lìlò lì kàrzami nanù ema, “Tɔ̀ ima mɔ̀ ema à nò lòkɛ̀yì, à rza nò lòkɛ̀yì ndi imba mɛnɛ, ndi à lòkɛ̀yì hvɛ nà e mɔ̀ ema a nò òmi.

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Hwègbèèlì 12:15

Hwà mà mò alàhwɛ̀ nanù ema, “O kpanyi!” Nà òma à mà hwɛ ndi lì tinɛlɛ nanù ema e hwèlì ndi e jɔ̀kɛ̀, rzìi a òhwa nanù ema, “Nànù ò ma e aŋgèlì ya eni.”

Ròmànì 4:5

Ndi mòtò à rza gbèyi tɛ èwòlò ndi à ika ŋmèma mò eni nanù ema nà òma mɔ̀ à lòkɛ̀ Lohwɛ̀ eŋge è mò gbeyà ema à tɛ̀mɛ̀ ehve-ehve ò wòrzò wò ama Lohwɛ̀, rzìi Lohwɛ̀ ema à gbeyà hwatò ema hwa gbeyà wòhwe hwa tɛ̀mɛ̀ ehve-ehve ò wòrzò wò eni, mɔ̀ à mò wòwa nàa mòtò ema à tɛmì ehve-ehve èhwanja à mò lòkɛ̀yi.

2 Kɔ̀rintìyà 4:13

I hwèlì ndi nàa e mòtò ema à mà ohwa o kààtì ya ama Lohwɛ̀ nanù ema, “Nà o Lokɛ, o èŋgànɛ̀lɛ̀ na ohwa lì o hvomɛ̀nɛ̀.” Molemilemi na oma oŋgo mòtò a lòkɛ̀ Lohwà, irzɔhvɛ i lòkɛ̀ Lohwà, o èŋgànɛ̀lɛ̀, i hwèlì o lì ohwa ŋmɛ̀ndì mo eni.

Ɛ̀hvìrzìyà 4:28

Hwàyihwɛ̀ hwa hwɛmɛ lìihwa. Ndi tɔ̀ nanù hwa gbeyàne màà mà awu o lì gbeyà èwòlò na ŋmèma mɔ̀kɔ. Aŋga nanù, hwa luwa yoma ema hwa tànɛyi lì oŋgowàna hvɛ mèlìrza me hwatò.

1 Tìmotì 1:15

Hwèyòhwèlì hwe jɔ̀kɛ̀ hwène, ema irzɔ i hwɛni lì èmeyà nà lì lòkɛ̀ kɔ̀yi-kɔ̀yi. Yerzù Krirztò à mà jà ò rze ò lì rzùŋga hwatò hwa wòhwe. Imba ndi nà hwèlì è mɔ̀ ema wòhwe wò eni wò koki lì aka wòhwe wò hwahvɛhvɛ hwatò.

1 Tìmotì 2:8

Tɔ̀ ima èki ema hwatò hwa Krirztò hwa arzàŋganɛ, imba na arza nanù ema wunyanà ema hwà mà aŋgbɛ wɔ̀ hwiti o lì gbèeyà Lohwɛ̀ hwa karzɛ màà mà awu o ŋmanyu o lì kànɛ̀. Hwàŋga hwatò hwa rza hwɛni lì hwɛnɛ hwetato ò ŋmèma tɔ̀ lì hwɛ hwatò ema hwa tɔ̀wɔ.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

Tàyìtùrzì 1:9

A àŋgàmɛ̀nɛ̀yi ndi lì hwɛ mòtò ema a ika ŋmɛ̀ndì mò gbamù kɔ̀yi-kɔ̀yi, ŋmɛ̀ndì mò gbamù ema hwatò hwa àŋgàmɛ̀nɛ̀yi lì ika mèèmà me awu aŋga ndèŋgànɛ̀lɛ̀ a lòkɛ̀yì na oma hwà mà mo òkolɛ. Ène e gbeyà nanù ema a tanɛ lì oŋgowàna hwahvɛhvɛ hwatò o lì oŋgama ŋmɛ̀ndì mò gbamù nyayi ema e hvomɛ̀nɛ̀. À ò tanɛ hvɛ lì uŋmɛ̀lɛ̀ o mòte màtònà ma hwatò ema hwa teŋgɛ̀nɛ̀ moŋgo ŋmɛ̀ndì mò gbamù.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Tàyìtùrzì 2:7

O hweyà hwe arzɛ ema o gbeyà o hwa o uŋmɛ̀lɛ̀ hwèmbànèlì hwe gbamù. O okolɛ tɛ, eyà ema o okolɛ e àŋgàmɛ̀nɛ̀yi ndi lì hwɛ e jɔ̀kɛ̀, ndèŋgànɛ̀lɛ̀ o àŋgàmɛ̀nɛ̀yi ndi lì hwɛ mòtò ema a oŋgama hweyà gbamù.

Tàyìtùrzì 3:1

Ìi Tàyìtùrzì kòkò, o ɔ̀ŋgɛ̀lɛ̀nɛ hwatò nanù ema hwa arzìhwìrzɛ̀lɛ̀lɛ̀ hwàkànèlì nà hwàtìmbèlì hwa awu. È hwa hweyàne, na o lì wòŋgirzɛnɛ o lì gbeyà tɔ̀ mamɛ ema e hwèlì gbamù.

Tàyìtùrzì 3:14

Ndèŋgànɛ̀lɛ̀ o gbeye hwatò hwa arzu o lì okowa o lì gbeyà hweyà hwe gbamù. Wɔ̀ hwa àŋgàmɛ̀nɛ̀yi lì oŋgòwànà o lì gbeyà hweyà ema hwe arzahwa nanù ema mòtò a hwe gbeye. Wɔ̀ hwa rza gbeyà hweyà hwe ŋgàndi.

Hvìlɛ̀mɔ̀nì 1:11

O lìrzako lɔ̀kɔ à rzi hwɛnɛ tɔ̀ wòlìtò nà ò wà, ndi ò nàŋgɛ nanù à hwɛni wòlìto o ò wà nà imba.

Hibrù 10:24

Inyɛ̀ i lùtèyà nɛ i tànɛyi lì àyètìrzɛ̀nɛ̀ mèèmà me arzu mɔ̀kɔ na ɔ̀nɛyi aŋga nanù ja alìŋgànɛ mɔ̀kɔ na ɔ̀nɛyi o lì gbeyà hweyà hwe gbamù.

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.