Tàyìtùrzì 3:5 - Mokpwe: Bakwery (New Testament)

⁵ Rzeketɛ o hweyà hwe ehve-ehve ema i ma gbeeye ɔ̀ndèŋgàtɛ̀ à mà jo rzùŋgà, ndi à mà jo rzùŋgà ndi o nyòla ììlì ja eni. Lohwɛ̀ à mà oma Èlìŋgɛ̀ yà Wòtani o lì rzorza wòhwe wo arzu, aŋga nanù jo o ŋyàahwà hwahvènya.

Tàyìtùrzì 3:5 Mawu Ofanana

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Lukàrzɛ̀ 1:50

Ììlì ja eni jò ò hwɛ ndi ò ŋmanyu yà nyɔ̀ŋgɔ̀nì hvɔ̀kɔ nà ènɛ̀yi nyɔ̀ŋgɔ̀nì, nà ò ŋmanyu yà tɔ̀ njɛnɛ ema à mò ŋgbelì èluhwe.

Lukàrzɛ̀ 1:54

À òndìrzɛ̀yi lìkàkɛ̀nɛ̀ la eni ema a mà ŋgbe irzàŋgo ja arzu ja kòhwa. Rzìi à òŋgòwani hvɛ hwàkutu hwa eni, hwatò hwa Irzàyɛ̀lì.

Lukàrzɛ̀ 1:72

Lohwɛ̀ à mà uŋmɛ̀lɛ̀ irzàŋgo ja arzu ììlì ema a mà hwa kàkɛ̀nɛ̀. Nànu hvɛ ndi à ɔ̀ŋgɛlɛ è hweyì yà eni yà wòtani,

Lukàrzɛ̀ 1:78

Ènè eyà yò ò gbèyɛ̀nɛ̀ èhwanja, Lohwɛ̀ a mà jò uŋmɛ̀lɛ̀ ììlì nà ŋmèma mò eni mò gbamù. Inì ììlì ì hwèlì ndi nàa mòrzɔnji-rzɔnji mò igbèyi ema mò uhwɛlɛlɛ ò ŋmanyu yà Lohwà, ema mò jò jàneya lì òŋgìrzɛ̀.

Ròmànì 11:14

Aŋga mɛnɛ na tanɛ lì gbeyà lòŋgò la wònyànyàŋgò hwa ami hwa Irzàyɛ̀lì ò lì hwɛnɛ inòna, ndèŋgàna lòŋgò la awu hvɛ ò lì luwa mɔ̀kɔtèlì.

Ròmànì 11:6

Mɔ̀ à mà hwa hvɔ̀rzɔ̀ ò nyòla e ndèli ya eni ndi rzeketɛ ò nyòla hweyà ema wɔ̀ hwà mà gbeyɛ. È ma hwɛ tɛ nanù ema Lohwɛ̀ a hvɔ̀rzɔ̀ ndi hwatò ò nyòla hweyà ema hwa gbeyà, nanù ò ma e ndèli ya eni ndi à gbeyànì ò lì hwa hvɔ̀rzɔ̀.

Ròmànì 12:2

È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

Ròmànì 3:20

O èŋgànɛ̀lɛ̀ rzɔ ò rza enje tɔ̀ mòtò tɔ̀ mɔ̀kɔ ema a tɛ̀mɛ̀ ehve-ehve ò wòrzò wò ama Lohwɛ̀ èhwanja, a gbeyà mamɛ ema e mbenda e òhwa. È mbenda e hwèlì ndi ò lì uŋmɛ̀lɛ̀ hwatò nanù ema hwà mà gbeyà wòhwe.

Ròmànì 3:28

O èŋgànɛ̀lɛ̀ irzɔ i kulɛyi ndi nanù ema mòtò a tɛ̀mɛ̀ ndi ehve-ehve na Lohwɛ̀, èhwanja a lòkɛ̀ Yerzù Krirztò, ndi rzeketɛ èhwanja a ikayi e mbenda.

Ròmànì 4:5

Ndi mòtò à rza gbèyi tɛ èwòlò ndi à ika ŋmèma mò eni nanù ema nà òma mɔ̀ à lòkɛ̀ Lohwɛ̀ eŋge è mò gbeyà ema à tɛ̀mɛ̀ ehve-ehve ò wòrzò wò ama Lohwɛ̀, rzìi Lohwɛ̀ ema à gbeyà hwatò ema hwa gbeyà wòhwe hwa tɛ̀mɛ̀ ehve-ehve ò wòrzò wò eni, mɔ̀ à mò wòwa nàa mòtò ema à tɛmì ehve-ehve èhwanja à mò lòkɛ̀yi.

Ròmànì 9:11

Ndi ndèŋgàna màŋga mayɛzɛ ma e ŋyahwa, tɔ̀ ndèŋgàna wɔ̀ hwa e hwiya ò lì gbeyà tɔ̀ eyà yɔ̀kɔ ya gbamù tɔ̀ wòhwe, Lohwɛ̀ à mà òhweyà Lìbɛ̀kà nanù ema, “È mùlulu wa ŋmanà a ò gbèeyà e ŋmanà wa mòrzalì.” Lohwɛ̀ à mà gbeyà ndi nanù ò lì uŋmɛ̀lɛ̀ nanù ema à mà gbeyàna ndi màlùtèyà ma eni aŋga nanù ŋmanà mɔ̀kɔ a ò hwɛ ò rze ya enɛyi. È ma mò lɔ̀ɔ̀nɔ ò lì hvɔ̀rzɔ̀ e mɔ̀ ema à mà lìŋgana ò lì hvɔ̀rzɔ̀, rzeketɛ lì hvòmɛ̀nɛ̀ eyà ema òŋgò mòtò à mà gbeyà.

Ròmànì 9:16

O eŋgànɛ̀lɛ̀ rzɔ, mamɛ ema Lohwɛ̀ a hvɔ̀rzì e rza hwɛni tɔ̀ eyà ò lì gbeyà na eyà ema hwatò hwa arza nanù ema e gbèyɛ̀nɛ tɔ̀ mamɛ ema hwa gbeyà. Lohwɛ̀ ndi à gbeyàna ŋmèma mò eni mò gbamù ò lì gbeyà tɔ̀ mamɛ ema mɔ̀ à arza lì gbeyà.

Ròmànì 9:30

Mamɛ rzɔ irzɔ i tànɛyi lì òhwa e? Èma hwatò ema hwa rza enje wònyà Yudà, hwa hwèlì ehve-ehve ò wòrzò wò ama Lohwɛ̀ lì akeyà na lì lòkɛ̀ la awu ema hwa òhvi na Krirztò, tɔ̀ nɛ hwa rzi keke ò lì hwɛ ehve-ehve ò wòrzò wò ama Lohwɛ̀.

1 Kɔ̀rintìyà 6:11

Nànù ndi lòŋgo là hwa inyɔ è mà hwɛ. Ndi inyɔ è mà rzàŋgìrzɛ̀hwɛ̀ ò wòhwe wò anyu, è emànɛ̀lɛ̀hwɛ̀yì nà Lohwɛ̀, è tɛmìrzɛ̀hwɛ̀yi ehve-ehve nà Lohwɛ̀ lì akeyà nà Rzàŋgo Yerzù Krirztò nà Èlìŋgɛ̀ yà Lohwà là arzu.

Gàletìyà 2:16

Ndi tɔ̀ nɛ irzɔ i hwi nanù ema Lohwɛ̀ a rza emeyà mòtò ema a hwèlì wòtani èhwanja a nɔ̀ŋgɔ e mbenda. Ndi lì lòkɛ̀ ema mòtò a lòkɛ̀ Yerzù Krirztò lɔ ndi lì gbeyà Lohwɛ̀ a emeyà mòtò ema a tɛmi ehve-ehve. O eŋgànɛ̀lɛ̀ rzɔ irzɔ hvɛ i lòkɛ̀yi Yerzù Krirztò aŋga nanù Lohwɛ̀ a jo emeyà èhwanja i lòkɛ̀yi Yerzù ndi rzeketɛ ema èhwanja ji ikayi e mbenda. Lohwɛ̀ a rza emeyà e mòtò èhwanja a nɔ̀ŋgɔ e mbenda.

Ɛ̀hvìrzìyà 2:4

Ndi Lohwɛ̀ ema a ondi na ììlì, na lì jo hwɛneya hvɛ ndìŋgɛ ndɛɛnɛ̀,

Ɛ̀hvìrzìyà 4:23

È mà okòlɛhwɛ̀ nanù ema è hwɛmɛ Lohwɛ̀ à è tìkòwè mèèmà mè anyu aŋga nanù è lùwa mɔ̀ŋgɛ̀lɛ̀ mà hvènya.

Ɛ̀hvìrzìyà 5:26

À mà hwa ŋwèeyà aŋga nanù hwa hwɛ worzaŋgi. À mà gbeyàna malìhwa nà è mbɔrzi yà eni ò lì rzaŋgirzɛ là arzàŋganɛ là hwatò hwa Lohwà.

Kòlòrzìyà 3:10

Ò nàŋgɛ inyɔ è mà wɔ̀tɔ̀ ndi mòŋgombe mohvènya. Lohwɛ̀ à mà è ika lòŋgɛ lì hvènya ò tenì yà anyu, ndèŋgànɛlɛ mɔ̀ à mà gbeyà ema lì oŋge aŋga nanù è hwɛ ndi nàa mɔ̀, nà ò lì mò hwiya kɔ̀yi-kɔ̀yi nanù ema mɔ̀ ndi à e weki. Lini lòŋgɛ lì hvènya ema è hwɛni, lì mà gbeyà ema

2 Tìmotì 1:9

Lohwɛ̀ à mà jò rzùŋga ndèŋgànɛlɛ à mà jò hwɛlɛ ò lì hwɛ hwatò hwa eni. Mɔ̀ à gbèyi nanù rzeketɛ ò nyòla eyà ema ì gbèyi, ndi à gbèyi ndi nanù lì hvomɛ̀nɛ̀ hwètɛ̀yirzèlèlì à mà tɛ̀yirzɛ̀ ndèŋgàna hwèwòtelì hwe ene rze. À mà jò ŋgba è ndèli yà eni nà oma à jò òmelì Yerzù Krirztò anu rze.

Tàyìtùrzì 3:4

Ndi Lohwɛ̀, è Mòrzùŋgèlì hwa arzu, à mà jo uŋmɛ̀lɛ̀ ŋmèma mo eni mo ììlì na e ndìŋgɛ ya eni.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Hibrù 4:16

Ò eŋgànɛ̀lɛ̀ rzɔ̀, inyɛ ì hwɛnɛ lìhvìtà, inyɛ je ɛndɛ o e konda ya lìkànèyà la ama Lohwɛ̀, ema e ŋgbàà e ndelì. Inyɛ̀ je ɛndɛ aŋga e rzi hwɛ tɔ̀ wɔ̀ŋgɔ̀. Inyɛ̀ i gbeye nanù aŋga nanù Lohwɛ̀ a jo uŋmɛ̀lɛ̀ ììlì, rzìi a jo ŋgbà e ndèli ya eni ema e jo oŋgowàna tɔ̀ ima hvonda ema ja arza lì oŋgowanɛ.

Hibrù 6:6

È hwèlì tɛ nanù ema hwaŋga hwatò hwà mà màa lì ɛnɛ hweŋge hweyà, rzìi hwa kìnyɛ̀lɛ̀ màlòkɛ̀ ma awu, tɔ̀ mòtò a rza tanɛ lì hwa tìmbìrzɛ hvɛ o lì àyèŋgowɛ̀ o wòhwe o lì nɔ̀ŋgɔ̀ Lohwɛ̀. Nà oma hwa rzɔ̀njɛlɛ è Ŋmanà wà Mùnyanà wa ama Lohwɛ̀, e hwèlì ndi o a ɛnɛ oma hwà mà mo wòmeyà hvɛ o mbàrza. Ndeŋgànɛ̀lɛ̀ hwà mà mo gbeyà o lì oka irzɔ̀ni o worzo wo hwatò.

1 Pètrò 1:3

Jèka ì hwɛ nà Lohwɛ̀ è Tatɛ̀ yà ama è Rzàŋgo wà arzu Yerzù Krirztò. À mà hvùmùlɛ̀ Yerzù Krirztò ò kpelì. Ò eŋgànɛ̀lɛ̀ i mà luwa lòŋgɛ lì hvènya. Nà oma mɔ̀ à gbèyi nanù, à mà jò ŋgba lìhvìta là lòŋgɛ là gbìndèyà.

1 Pètrò 2:10

O hvonda hvɔ̀kɔ, inyɔ e rzi hwɛ tɔ̀ hwatò hwa ama Lohwɛ̀, ndi o naŋgɛ e ma timba ndi hwatò hwa eni. O hvonda hvɔ̀kɔ ììlì ja ama Lohwɛ̀ i rzi e uke, ndi o naŋgɛ inyɔ e ma luwa ììlì ja eni.

1 Pètrò 3:21

Ndeŋgànɛ̀lɛ̀ manù malìhwà mà tɛmelì ndi lìlùhwìrzɛ̀. O naŋgɛ, lìŋgi lìlùhwìrzɛ̀ lɔ ndi lì gbèyi ɔ̀ndeŋgàtɛ̀ hwatò hwa rzùŋgahwì o lì akeyà na e ŋginyà ya hwèhvùmuwèlì hwe ama Yerzù Krirztò. Lìlùhwìrzɛ̀ lì rza enje ndi o lì ulɛ la ŋmiŋgo ò nyo, ndi lì hwèlì ndi o lì emeyà o lì gbèeyà Lohwɛ̀ na ŋmèma mo rzàŋgi.