Tàyìtùrzì 3:3 - Mokpwe: Bakwery (New Testament)

³ O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

Tàyìtùrzì 3:3 Mawu Ofanana

Matiyò 21:29

Oŋgò ŋmanà à mà timbirzɛlɛlɛ e rzaŋgò ya eni nanù ema, ‘Nà rza ɛ̀ndɛ.’ Ndi ò mburzà hvònda à mà tikòwa mɔ̀ŋgɛ̀lɛ̀ ma eni rzi a ɛ̀ndɛ.

Lukàrzɛ̀ 21:8

Yerzù rzìi a hwa alàhwɛ̀ nanù ema, “È aŋgòwà, hwa rzì èmirzɛ, èhwanja rzayì-rzayì ja hwatò hwa ò jà lì gbeyàna lìinà la amì lì òhwà ema, ìmba ndi nà hwèlì è Mɔ̀ ema à Ɔ̀kirzɛ̀hwɛ̀yi. Wɔ̀ hwa òhwa ema lìrzukù lì ma jà. Ndi e rzì hwa òŋgama.

Yòwanìrzɛ̀ 8:34

Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, tɔ̀ ima mòtò ema a gbèe wòhwe a hwèlì ndi mòkòme ò wòhwe.

Ròmànì 11:30

O màrzalɛ̀ inyɔ ndi e mà hwɛ̀neyà Lohwɛ̀, ndi ò nàŋgɛ nà òma wònyà Yudà hwa hwɛnelì Lohwɛ̀ màniya, e mà gbeyà nanù ema Lohwɛ̀ à è hwɛ̀neyà ììlì, ndèŋgànɛ̀lɛ̀ mɔ̀ à mà è òŋgòwànà ò lì mò hweyànà.

Ròmànì 6:12

O èŋgànɛ̀lɛ̀ rzɔ, e rzi hwɛmɛ wòhwe wò kànèyà e nyàmà ya nyò ya anyu ema e ŋwaa. Èŋge e gbeyà nanù ema inyɔ e rza òŋgama e nyɔŋgi ya e nyàmà nyò hvɛ.

Ròmànì 6:17

Ndi jèka i hwɛ nà Lohwɛ̀. Èhwanja tɔ̀ nɛ ò hvònda hvɔ̀kɔ e ma hwɛ hwàkòmì ò rze ya wòhwe, ndi ò naŋgɛ e òŋgama e jɔ̀kɛ̀ ya hweyà hwe arzɛ ema hwà mà e òkòlɛ na ŋmèma mɔ̀kɔ.

Ròmànì 6:22

Ndi ò naŋgɛ Lohwɛ̀ à mà e ulɛ ò rze ya e ŋginyà ya wòhwe ò èŋgànɛ̀lɛ̀ e hwèlì ndi hwàkòmì hwa ama Lohwɛ̀. Mɔ̀rzɛ̀ŋgi ema e luwa mò hwèlì ndi nanù ema Lohwɛ̀ à mà e gbeyà ò lì hwɛ wòtani na òma hwatò hwa eni hwa àŋgàmɛ̀nɛ̀yi lì hwɛ. Èŋge eyà ye e gbeyà nanù ema e luwe lòŋgɛ la gbìndèyà.

Ròmànì 6:6

Irzɔ i hwi nanù ema na òma hwà mà wòmeyà Krirztò ò mbarza hwà mà mò wòmeyà na ɛ̀ɛ̀mɛ̀ ya mòlòmɛ̀ ema i ma òhve. Ène e ma gbèyɛ̀nɛ ndi nanù aŋga nanù e ŋginyà ya eŋge ɛ̀ɛ̀mɛ̀ ya mòlòmɛ̀ ema e ma hwɛ lì jò gbèeyà ò lì gbeyà wòhwe e hwɛni lì hvaŋgahwa ya arzɛ ya arzɛ. Ène eyà e gbeyà nanù ema wòhwe wò rza jò wòwa hvɛ nàa hwàkòmì.

2 Kɔ̀rintìyà 12:20

Nà oka wɔ̀ŋgɔ̀ nanù ema na jelì tɛ o lì e ɛnɛ na e ùŋmanɛlɛ e gbeyà hweyà ema na rza lìŋganɛyi, ndèŋgànɛlɛ imba hvɛ na gbeyà hweyà ema inyɔ hvɛ e rza lìŋgànɛyi. Nà oka wɔ̀ŋgɔ̀ nanù ema na jelì tɛ na e ùŋmanɛlɛ o motaŋgo, e anònànɛ̀yì mɔ̀kɔ na ɔ̀nɛyi, e ahwɛ̀nɛ̀nɛ̀yi hwètàtò, e rza o arza nanù ema ohvɛhvɛ mòtò a hwɛnɛ èluhwe, e àhwɛ̀nyɛ̀nɛ̀yì, e a o àyìndànɛ̀, e o òhva kumba ndèŋgàna e o gbeyà ndi hweyà hwe mbùnakɛ̀.

Gàletìyà 6:3

Tɔ̀ ima mòtò ema a lùtèyà nanù ema mɔ̀ ndi à hveti, a à lukɛlɛ ndi mɔ̀ ŋmìti. Èŋge tumba mòtò e rza enje tɔ̀ mòtò.

Kòlòrzìyà 1:21

Ò lìrzàkò lɔ̀kɔ, inyɔ è mà rzɔ̀lɛ̀nɛ̀ Lohwɛ̀ ndèŋgànɛ̀lɛ̀ è mà hwɛ ndi hwàkɔ̀ɔ̀yèlì hwa eni ò nyòla hweyà hwe wòhwe ema è mà hwɛ lì gbeyà nà lì lùteyà.

Kòlòrzìyà 3:7

Ini tumba ja hweyà ndi e ma hwɛ lì gbeyà o mòlòmɛ, e hvonda ema e nyɔ̀ŋgi ya hweyà hwe rze e ma hwɛ lì e kànèyà.

2 Tìmotì 3:13

Ndi hwatò hwa wòhwe na hwatò hwa menito, hwa o ɛndɛ ndi o worzo ò lì gbeyà hweyà hwe wòhwe, o lì lukɛlɛ hwatò, ndèŋgàna hwahvɛhvɛ hwa o hwa lukɛlɛ.

2 Tìmotì 3:6

Lòŋgo la hwanu hwatò hwa lùkɛ̀lɛ̀ hwatò. Wɔ̀ hwa kpèelì tɛ ndawò hwa lùkɛ̀lɛ̀ hwaŋga hwalanà ema hwa rza ohvɛ mahwiye ema hwa lìiya o tenì ja iŋgi ndawò. Hwàŋga hwalanà hwa gbeyà hweyà hwe wòhwe rzayi-rzayi nyayi ema woŋgo wòhwe wo hwa lìtana ndi nàa muna ndi hwa hwànɛ. Màlùteyà ma wòhwe ndi ma hwa kànèyà.

Tàyìtùrzì 1:16

Hwàto ema hwa okolɛ hweŋge hwèyòkòlèlì hwe mòlàŋgà wɔ̀ hwa ohwa nanù ema hwa hwi Lohwɛ̀, ndi hwègbèèlì hwe awu hwe uŋmɛ̀lɛ̀ nanù ema hwa rza hwi Lohwɛ̀. Hwa gbeyà hweyà ema hwatò hwa rza lìŋgànɛ, wɔ̀ hwa rza gbeyà hweyà na oma Lohwɛ̀ a hwe àrzeyà ndeŋgànɛlɛ hwa rza tànɛ lì gbeyà tɔ̀ eyà yɔ̀kɔ ya gbamù.

Tàyìtùrzì 2:12

O nyòla ene ndèli, Lohwɛ̀ à mà jo òkolɛ o lì rzɔ̀njɛlɛ hweyà ema a rza arza nanù ema i gbeye, ndèŋgànɛ̀lɛ̀ o lì hwɛmɛ e nyɔ̀ŋgì ya lì gbeyà mamɛ ema hwatò hwa è rze yà mɔ̀nyɛ̀ ema hwa rza hwiyɛ Lohwɛ̀ hwa gbeyà. O lì okolɛ o lì gbeyà hweyà nàa hwatò ema hwa hwi nɛ hwa gbeyà hweyà, o lì gbeyà hweyà ema hwe hvomɛ̀nɛ̀, na o lì gbeyà hweyà ema Lohwɛ̀ a arza nanù ema i gbeye anu rze ya mɔ̀nyɛ̀.

Jèmìrzì 1:26

Tɔ̀ ima mòtò ema a ɔ̀ŋgɛ̀lɛ̀ nanù ema mɔ̀ à gbeyà ndi nà oma Lohwɛ̀ a àrzeyà, rzìi a rzi kànèyà jɛ̀ɛ̀mɛ̀ ja eni, eŋge tumba mòtò a alukɛ̀lɛ̀ ndi mɔ̀ ŋmìti, ndèŋganɛlɛ èwòlò ya eni ema mɔ̀ à gbèeyà Lohwɛ̀ e hwèlì ndi ŋgundu.

1 Pètrò 1:14

Nà oma e hwèlì ndi hwatò ema hwa gbeyà mamɛ ema Lohwɛ̀ arza, e rzi keka lì emeyà nanù ema hweyà hwe wòhwe ema e ma hwɛ lì gbeyà o e hvonda ema e ma aka hwe e kànèyà mòŋgɛ ma anyu hvɛ.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 13:14

Ò nyòla yà hweyà hwe mànyaka ema à mà ŋgbààhwe è wònjà ò lì gbeyà, eŋge èembe yà worzo, yɔ̀ à mà lùkɛ̀lɛ̀ hwatò hwa è rze yà mɔ̀nyɛ̀. Ndeŋgànɛ̀lɛ̀ mɔ̀ à ma hwɛ ndi lì gbeyà nanù ò worzo wò eŋge èembe ema è mà ohva èhwènà ndɛnɛ. À mà òhweyà hwatò nanù ema hwa wondɛ èrzìrzà ema wɔ̀ hwa ò kanɛ̀, ema è àyɛ̀kɛ̀nɛ̀ eŋge èembe ema è mà ohva èhwènà yà rzɔ̀lɔ̀ ndi tɔ̀ nanù è e hwèlì lòŋgɛ.

Hwèwulùwèlì 18:2

È mà tɛ nà lìlo lì kàrzàmi nanù ema, “È mà rzuuhwa, Babìlɔ̀nì, è mbowà ndɛ̀ɛ̀ndɛ̀ è rzùùhwi! È mà timba ndi è mbowà ya hwèlìŋgɛ̀ hwe wòhwe, èki ema hwèlìŋgɛ̀ hwe arzɛ hwe mbìndò hwe hwèlì, na èki ya hwenɔ̀ni hwe mbìndò ema hwatò hwa kɔ̀ɔ.