Tàyìtùrzì 3:2 - Mokpwe: Bakwery (New Testament)

² O hwa ohweyà nanù ema hwa rzi keka lì ohwàna tɔ̀ mòtò eyà ya wòhwe, ndi inyɛ hwa hwɛ o ɛ̀yɔ̀lɛ̀ na hwatò nà ò lìŋgànà hwahvɛhvɛ hwatò, nà o lì arzìhwìrzɛ̀lɛ̀lɛ̀ o hwatò hwa arzɛ.

Tàyìtùrzì 3:2 Mawu Ofanana

Matiyò 11:29

Inyɔ e hwɛni lì emeyà ò lì nɔ̀ŋgɔ i mbɔ̀ɔ ja ami ja matàŋga, ndèŋgànà e nò òkòwàna, ehwànja na hwèlì ŋmɛɛ na òhvi hvɛ ŋmèma mò ami ema mò wɔ̀wi. È jèe e luwa la arzìyòlɛ̀.

Hwègbèèlì 23:5

Pàwolò rzìi a hwa alàhwɛ̀ nanù ema, “Wònyànyàŋgò hwa ami hwa wònyà Yudà kòkò, na rzi hwiye nanù ema mɔ̀ ndi à hwèlì e pìlìrzì e kàrzàmi òma na rza òhwe nanù. Èhwànja Eyà ya Lohwà e òhwi nanù ema, ‘O rza hwɛni lì òhwa wòhwe ò lì hvòmɛ̀nɛ̀ e mòtìmbèlì hwa hwatò hwa aŋgɔ̀.’”

1 Kɔ̀rintìyà 6:10

Hwàyihwɛ, è wɔ̀ ema hwa hwèlì wɔ̀ɔ, è wɔ̀ hwa mboma, è wɔ̀ hwa mèhvìlì, tɔ̀ hwaŋga ema hwa hvùmana hwatò hwema hwe awu. Tɔ̀ mɔ̀kɔ wà hwanù hwatò à rza hwɛnɛ èkì ò lìkànèyà là ama Lohwɛ̀.

1 Kɔ̀rintìyà 9:19

Nà hwèlì ndi imba mbiti, na rza enje o rze ya tɔ̀ mòtò tɔ̀ mɔ̀kɔ. Nà ma ayèŋgowɛ̀ ndi mokome mo hwatò hwa arzɛ, o lì jànà rzayì-rzayì ja hwatò òma Krirztò.

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

2 Kɔ̀rintìyà 12:20

Nà oka wɔ̀ŋgɔ̀ nanù ema na jelì tɛ o lì e ɛnɛ na e ùŋmanɛlɛ e gbeyà hweyà ema na rza lìŋganɛyi, ndèŋgànɛlɛ imba hvɛ na gbeyà hweyà ema inyɔ hvɛ e rza lìŋgànɛyi. Nà oka wɔ̀ŋgɔ̀ nanù ema na jelì tɛ na e ùŋmanɛlɛ o motaŋgo, e anònànɛ̀yì mɔ̀kɔ na ɔ̀nɛyi, e ahwɛ̀nɛ̀nɛ̀yi hwètàtò, e rza o arza nanù ema ohvɛhvɛ mòtò a hwɛnɛ èluhwe, e àhwɛ̀nyɛ̀nɛ̀yì, e a o àyìndànɛ̀, e o òhva kumba ndèŋgàna e o gbeyà ndi hweyà hwe mbùnakɛ̀.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Gàletìyà 6:1

Ìi wònyàmòwè kòkò, e hwèlì tɛ nanù ema mɔ̀kɔ wa anyu a undi o tenì ya wòhwe, inyo ema e hwèlì lì gbeyà mamɛ ema Èlìŋgɛ̀ ya Lohwà ya arza, e àŋgàmɛ̀nɛ̀ lì mo ulɛ o tenì ya wòhwe. È mo oŋgòhwànà tɛ, e mo òŋgowane na lì àjùlɛ̀. Ndi e hwɛni lì aŋgowa inyo hwiti e rza kpa o màkèkìrzɛ̀nɛ̀ o lì gbeyà woŋgo wòhwe.

Gàletìyà 6:10

O èŋgànɛ̀lɛ̀ rzɔ, tɔ̀ ima hvonda ema i lu o lì gbeyà gbamù, inyɛ i wo gbèeyà tɔ̀ ima mòtò, rzɛ̀hvɔ̀nì wònyàmòwe hwa Krirztò.

Ɛ̀hvìrzìyà 4:2

Tɔ̀ mamɛ ema è gbèeyà, è à rzììrzɛ, è hwɛ hvɛ hviyayi, rzìi è ajùlɛ̀nɛ̀ mɔ̀kɔ nà ɔ̀nɛyi. È à ùŋmɛlɛnɛ è ndìŋgɛ nà oma è ajùlɛ̀nɛ̀ mɔ̀kɔ nà ɔ̀nɛyi.

Ɛ̀hvìrzìyà 4:31

È ulɛ̀ màlùtèyà mà wòhwe mà arzɛ ema mè è hwèlì ò mèèmà mè anyu, rzìi è hwɛmɛ lì ambirzɛnɛ nà hwètàtò hwe ŋginyà ema hwe hwèlì ò mèèmà mè anyu. È hwàà, motàŋgo, nà ɛkɔ̀ni ò mèèmà mè anyu. È rzi tɔ̀wɔ tɔ̀ lì ahwɛnyɛnɛ mɔ̀kɔ nà ɔ̀nɛyi, è rzi ahwɛ̀nɛ̀nɛ̀ wɔ̀ɔ̀ nà tɔ̀ ima mòtò.

Hvìlipìyà 4:5

Inyɛ̀ hwɛ̀ɛ̀mɛ̀ hwe anyu e uŋmɛ̀lɛ̀ o worzo wo hwatò hwa arzɛ nanù ema e arzihwirzɛ. È Rzàŋgo e jà ŋmanà mbɔ.

1 Tɛ̀rzàlonìyà 2:7

Tɔ̀ nɛ irzɔ̀ nàa i àpɔ̀rzìtòlò ja ama Krirztò, i ma hwɛnɛ e wònja o lì e hwànirzɛ muna, ndi i rzi gbeye nanù. Ndi i ma arzihwirzɛ o ìtììtènì ja anyu nàa e nyàŋgo ya hwàna e aŋgoweya hwàanà hwa eni.

1 Tìmotì 3:11

Tɔ̀ hwàalanà hwa hwànu wunyanà, wɔ̀ hvɛ hwa àŋgàmɛ̀nɛ̀yi lì hwɛnɛ ɛ̀ɛ̀mɛ̀ ya gbamù. Wɔ̀ hwa rza hwɛni lì hwɛ hwalana ema hwa inda hwatò, hwa hwɛ hvɛ lì alɛ̀mbɛnɛ, hwa hwɛ hvɛ ndi hwalana ema hwatò wa hwɛni lì lòkɛ̀ tɔ̀ mamɛ ema hwa gbeyà.

1 Tìmotì 3:3

Ène nyayi ya mòtò, a rza hwɛni lì hwɛ mòtò wa mboma, tɔ̀ mòtò ema a jànà mòhvùŋgu. Ndi a hwɛni ndi lì hwɛ mòto ema a hwèlì ŋmɛ̀ɛ na mòtò ema a rza tɔ̀wɔ mòtaŋgo, a rza hwɛni lì hwɛ mòtò ema a lìŋgàni wolì.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.

Jèmìrzì 4:11

Ìi wònyànyàŋgo wa ami kòkò, e rzà àwòhwànɛlɛ hweyà hwe wòhwe mɔ̀kɔ na ɔ̀nɛ̀yi, tɔ̀ njɛnɛ ema a ohwi eyà ya wòhwe o lì teŋgɛ̀nɛ̀ ŋmanyàŋgò wa eni, tɔ̀ lì mo kàyìrzɛ̀, nanù oma a ohwa ndi hweyà hwe wòhwe lì teŋgɛ̀nɛ̀ e mbendà ya ama Lohwɛ̀ ndèŋgànɛlɛ mɔ̀ à ohwi nanù ema e mbenda e rza lɔ̀wu. O òhwi tɛ nanù ema e mbendà ya ama Lohwɛ̀ e rza lɔ̀wu, eŋge ŋgànà e hwèlì ndi nanù ema e gbeyà hweyà ema e mbendà ya ama Lohwɛ̀ e ohwi nanù ema e rza gbeyà. Nànù oma o ma awòwɛ̀ o wà witi o lì hwɛ e mòkàyìrzèlì.

1 Pètrò 2:1

O eŋgànɛ̀lɛ̀ rzɔ, e hwɛmɛ hwɛ̀ɛ̀mɛ̀ hwe anyu hwe wòhwe hwe arzɛ. È rza kɔ hweyà, e rza ohva mèhvìlì, mòtò a rzi nòneyà ŋmanyàŋgò wa eni, ndèŋgànɛ̀lɛ̀ inyɛ e mbɔrzi ya wòhwe e rzi wurza mòtò o hwàna.

1 Pètrò 3:10

Nà oma e tìlahwì o kààti ya Lohwà nanù ema, “Tɔ̀ njɛnɛ ema arza lòŋgɛ là mɔ̀nyɛ̀ŋgi, na o lì ɛnɛ hvɛ mèènyà me gbamù, inyɛ a rza ohwa hweyà hwe wòhwe, ndèŋgànɛ̀lɛ̀ a rza ohwa hweyà hwe lì kɔ.

1 Pètrò 3:8

O lì umba ene mbɔrzi, inyɔ hwa arzɛ e hwɛni ndi lì hwɛ mòtò mɔ̀kɔ. Ya àwòhvànɛ mèèmà me ììlì. Ya alìŋgànɛ mɔ̀kɔ na ɔ̀nɛyi. È àyènjànɛ̀ na lì arzihwirzɛ.

1 Pètrò 4:4

Imbunda ema e ma hwɛ lì gbèyɛ̀nɛ hwene hweyà hwe wòhwe o hvonda ema e ma aka, hwa tàmi naŋgɛ o lì ɛnɛ nanù ema inyɔ e rza enje na wɔ̀ hvɛ o lì gbeyà hwene hweyà hwe ndɔ̀ki na mɔ̀lɔ̀kɔ̀rzɔ̀. Hweŋge hweyà ndi hwe gbèyi hwa e hwɛ̀nyɛ̀.

2 Pètrò 2:10

À ò kɔ̀kìrzɛ̀ hwatò rzɛ̀hvɔ̀nì hwaŋga hwatò ema hwa oŋgama èèti yà è nyàma nyo yà mòtò wà hwènàmà rzi hwa hvàka lìkànèyà là ama Lohwɛ̀. Hwanu hwà-òkòlèlì hwa mòlaŋgà hwa kolì ndèŋgànà hwa ohvi hvɛ è kumba. Ndeŋgànɛ̀lɛ̀ hwa rza ŋgbelì tɔ̀ èluhwe ò iŋginyà jà è ŋmanyu yà lohwà. Wɔ̀ hwa hwɛnyɛ ndi iŋgi ŋginyà lì hwɛnyɛ, è rzi hwɛ lì oka tɔ̀ wɔ̀ŋgɔ̀ tɔ̀ wɔ̀kɔ.

Judɛ 1:10

Ndi hwaŋga hwatò ema hwa mà è kpèeyà ò ìtììtènì yà anyu, hwa ohwa wòhwe lì hvomɛ̀nɛ̀ hweyà ema hwa rza rzɔ̀ŋgìtɛ̀nɛ̀. Tɔ̀ mamɛ ema è hwa jɛ̀lɛ̀lɛ̀yi ò màlùtèyà mà awu, ɔndi hwa gbeyà. Wɔ̀ hwa gbeyà ndi hweyà nàa nyàmà ja waŋga. Hwèŋge hweyà mɛnɛ ndi hwe hwa jàneyà e kpelì.

Judɛ 1:8

Ndi tɔ̀ nanù hwaŋga hwatò ema hwa kpèelì ò ìtììtènì jà anyu ò jùtùtà, wɔ̀ hvɛ hwa hwèlì hwa ɔ̀tɔ̀ indɔ̀tɔ̀ nanù ema lìkànèyà lì hwèlì ndi ò màa mà awu. Iŋgi ndɔ̀tɔ̀ ì hwa gbeyà ò lì gbèya hweyà hwe mbindo, ndeŋgànɛlɛ hwa rza ɛnɛ lìkànèyà là ama Lohwɛ̀ nàa tɔ̀ eyà, ndeŋgànɛlɛ wɔ̀ hwa hwɛnyɛ iŋginyà ema ì hwèlì ò ŋmanyu.