Tàyìtùrzì 3:15 - Mokpwe: Bakwery (New Testament)

¹⁵ È wɔ̀ hwa arzɛ ema hwa hwèlì na imba hwa e omelì ikɔ̀mi. È kɔmè wònyànyàŋgò hwa arzu hwa arzɛ hwa Krirztò ema hwa jo lìŋgàni. Inyɛ̀ e ndèli ya ama Lohwɛ̀ e hwɛ na inyɔ hwa arzɛ.

Tàyìtùrzì 3:15 Mawu Ofanana

Matiyò 5:47

O kɔmɔ̀ tɛ hwatò hwà aŋgɔ̀ mɛnɛ, òma ò wà hvɛ ò mà gbèya ndi nà òma hwahvɛhvɛ hwatò hwa gbèya. Tɔ̀ hwaŋga hwatò ema hwa rza enje wònyà Yudà hwa gbeyà nanù mɛnɛ.

Hwègbèèlì 20:34

Inyɔ hwiti e hwi nanù ema, nà mà gbeyà èwòlò na manù màà mà ami, rzìi na luwa wòlì ema irzɔ na hwatò hwa ami ema i ma hwɛ lì gbeyà èwòlò i ma àndane tɔ mamɛ ema i ma arze.

1 Kɔ̀rintìyà 16:23

Inyɛ̀ è ndèli ya ama Rzàŋgo Yerzù e hwɛ̀ nà inyɔ.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Kòlòrzìyà 4:18

Imba Pàwolò ndi nà tilì ini ikɔ̀mi nà lìya là ami. È rzi hvoŋga nanù ema nà hwèlì ò hwèwòwà. Inyɛ̀ è ndèli yà ama Lohwɛ̀ è hwɛ nà inyɔ.

1 Tìmotì 1:2

Ìi Tìmòtì, ò wà ndi nà tìleyà ene kààtì. Ò tɛ̀ɛ̀tɛ̀ɛ ò hwèlì ndi nàa è ŋmanà wà ami èhwanja ò lòkɛ̀yì Krirztò. Inyɛ̀ è ndèli, ììlì nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Yerzù Krirztò è Rzàŋgo yà arzu hwe hwɛ nà inyɔ.

1 Tìmotì 1:5

Lìtìŋga ndèŋgàtɛ̀ nà mà e ohweyà ema o òkolɛ hwatò hwèyòkòlèlì hwe jɔ̀kɛ̀ hwe hwèlì ndi nanù ema, hwatò hwa alìŋgànɛ mɔ̀kɔ na ɔ̀nɛyi. È hwɛni lì hwɛnɛ ndìŋgɛ ema e uwɛ̀lɛ̀lɛ̀yi o ŋmèma ema me rzaŋgi, ŋmèma ema mo hwi mamɛ e hvomɛ̀nɛ̀ na mamɛ ema e rza hvomɛ̀nɛ̀, na ŋmèma ema mo hwi lì lòkɛ̀ ema lì hwèlì e jɔ̀kɛ̀.

2 Tìmotì 4:22

Rzàŋgo à hwɛ nà ò wà. È ndèli ya ama Lohwɛ̀ e hwɛ nà ò wà.

Hvìlɛ̀mɔ̀nì 1:5

Nà eka Lohwɛ̀ ehwànja nà hweyà nanù ema ò lìŋgàni hwatò hwa arzɛ hwa ama Lohwɛ̀, ndeŋgànɛlɛ ò mà ika ŋmèma mò aŋgɔ ò mà Rzàŋgo Yerzù Krirztò.

Hibrù 13:25

Inyɛ̀ e ndèli ya ama Lohwɛ̀ è hwɛ nà inyɔ hwa arzɛ.

3 Yòwanìrzɛ̀ 1:1

Imba e mòtìmbèlì wa ŋmèmba, imba ndi na o tìleya o wa Gàyiyùrzì ene kààti. Nà o lìŋgàni na e jɔ̀kɛ̀.