Tàyìtùrzì 3:14 - Mokpwe: Bakwery (New Testament)

¹⁴ Ndèŋgànɛ̀lɛ̀ o gbeye hwatò hwa arzu o lì okowa o lì gbeyà hweyà hwe gbamù. Wɔ̀ hwa àŋgàmɛ̀nɛ̀yi lì oŋgòwànà o lì gbeyà hweyà ema hwe arzahwa nanù ema mòtò a hwe gbeye. Wɔ̀ hwa rza gbeyà hweyà hwe ŋgàndi.

Tàyìtùrzì 3:14 Mawu Ofanana

Matiyò 21:19

Nà òma à mà hwɛ lì ɛndɛ, rzìi a ɛnɛ gbèe ema wò ma hwɛ̀lɛ̀hwɛ̀ hvigi ò tòŋgòŋgò ya njiya, à mà ɛ̀ndɛ aŋga. Ndi a rzi ùŋmanɛlɛ tɔ̀ ehvùma yɔ̀kɔ aŋga, lì aka tɛ hwèyalì mɛnɛ. Yerzù rzìi a òhwirzɛnɛ wòŋgò gbèe nanù ema, “O rza ò ŋya hvɛ tɔ̀ ehvùma” ò lìwòkimɛnɛ wòŋgò gbèe rzìi wò rzɔnjɔ.

Matiyò 7:19

Tɔ̀ ima gbee è mà wò rza ŋyaayi ehvùma yà gbamù, è mòhwɛnɛ wà hvaya à hwɛnì ndi lì wò kɛɛ rzìi à wò aŋgba ò mùnya.

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Yòwanìrzɛ̀ 15:8

Èluhwe ya ama e Tatɛ̀ ya ami e awuŋmɛ̀lɛ̀ e hwèlì tɛ ema e ŋyàa hwehvùma jɔ̀ɔjɔ̀ɔ, eŋge ndi e gbeyà ema e hwɛ̀ɛ hwànɔ̀ŋgèlì hwa ami.

Hwègbèèlì 18:3

Èhwanja mɔ̀ hvɛ à mà hwɛ ndi mòòŋgelì wa màwòndò na òma wɔ hvɛ hwà mà hwɛ, ò eŋgànɛ̀lɛ̀ mɔ̀ hvɛ à mà lìya rzìi a à gbeyà èwòlò na wɔ̀.

Hwègbèèlì 20:35

O tenì ya hwene hweyà hwe arzɛ, imba nà mà e uŋmɛ̀lɛ̀ nanù ema, ò lì gbeyà èwòlò na ŋginyà ò ene ŋgana, aŋga nanù inyɔ e òŋgòwàna hwà-òkèlì na lì ɔ̀ŋgɛ̀lɛ̀ e mbɔrzi ema Rzàŋgò Yerzù a ma òhwe nanù ema, ‘O hwèlì mònàmɛ̀ rzayi-rzayi ò lì ŋgbàà lì aka ò lì wòwa.’”

Ròmànì 12:13

O ìtììtènì ja anyu ja hwatò hwa ama Krirztò, e hwèlì tɛ ema mɔ̀kɔ wa anyu a endèli tɛ yòma, e mɔ̀ ema a e òhvi inyɛ a mò ŋgbe e yɔ. Tɔ̀ njɛnɛ ema a e jɛlɛlɛ nàa ŋmɛ̀nì e mò karzɛ gbamù.

Ròmànì 15:28

È hvònda ema na ò kulɛ ene èwòlò ò Jèrurzalɛ̀mù, na lì hwa akɛlɛlɛ wòlì wò arzɛ ema wò rzàŋgahwi lì hwa hvòmɛ̀nɛ̀, ò ma nà mà anjiya aŋga lì ɛndɛ ò èkòmè ya Rzìpenì. O eŋge hvònda ndi na ò tɛ̀mɛ̀ ò lì e ɛnɛ.

Ɛ̀hvìrzìyà 4:28

Hwàyihwɛ̀ hwa hwɛmɛ lìihwa. Ndi tɔ̀ nanù hwa gbeyàne màà mà awu o lì gbeyà èwòlò na ŋmèma mɔ̀kɔ. Aŋga nanù, hwa luwa yoma ema hwa tànɛyi lì oŋgowàna hvɛ mèlìrza me hwatò.

Hvìlipìyà 1:11

Ène eyà e gbeyà nanù ema ɛ̀ɛ̀mɛ̀ ya anyu ya gbamù ema e uwɛlɛlɛyi o ma Yerzù Krirztò, e o awuŋmɛ̀lɛ̀ o hweyà hwe gbamù hwe arzɛ ema e gbeyà, aŋga nanù Lohwɛ̀ a o luwa èluhwe ya eni na jeka.

Hvìlipìyà 4:16

Tɔ̀ e hvonda ema nà mà hwɛ o mbowà ndɛnɛ ya Tɛ̀rzàlonìkà, e ma no òmeya lìhwoŋgo ŋgelì rzayi-rzayi.

Hvìlipìyà 4:17

Nà rza e ohweyà ndi ene eyà nanù ehwànja na arza nanù ema e no òmeya màhwèyà, ndi na arza lì ɛnɛ nanù ema Lohwɛ̀ a e nàmìrzɛ̀ ŋgɛ̀lɛŋgɛlɛ.

Kòlòrzìyà 1:10

Èŋge eyà è gbeyà mòŋgɛ mà anyu, mà hwɛ ndi nà oma lòŋgɛ là hwatò hwa ama Lohwɛ̀ là àŋgàmɛ̀nɛ̀yi lì hwɛ. È ò gbeyà ndi hweyà ema hwe ò mò lìŋgirzɛ. Hweyà hwe gbamù nà gbamù mɛnɛ ndi inyɔ è ò gbeyɛ. Lì rzɔ̀ŋgìtɛ̀nɛ̀ là anyu là ama Lohwɛ̀ lì ò ahwàtɛ ndi nanù mɛnɛ.

1 Tɛ̀rzàlonìyà 2:9

Ìi wònyàmòwe kòkò hwa ama Krirztò, na hwi nanù ema e ɔ̀ŋgɛ̀lɛ̀ èwòlò na lì ahvahvɛ lì ndɛnɛ ema i ma gbeye. È hvonda ema i ma e ohweyà ŋmɛ̀ndì mò gbamù mo ama Lohwɛ̀, i ma hwɛ lì gbeyà èwòlò ŋmerze na wuu aŋga nanù i rza tàkirzɛ tɔ̀ mɔ̀kɔ wa anyu.

2 Tɛ̀rzàlonìyà 3:8

È hwi nanù ema i rzi laane tɔ̀ mòtò tɔ̀ mòlelì ema i rzi rzaahwɛ. Ndi irzɔ i ma gbeyà èwòlò na morzimbɔ mo ndɛnɛ ŋmerze na wuu nanù ema i rzi tàkirzɛ tɔ̀ mɔ̀kɔ wa anyu.

Tàyìtùrzì 2:8

O ɛnɛ nanù ema hwèyòkòlèlì hwe aŋgɔ̀ hwe hvomɛ̀nɛ̀yi aŋga nanù hwatò hwa rza ohwa tɔ̀ eyà ya wòhwe o lì o teŋgɛ̀nɛ̀. Ène e gbeyà hwatò ema hwa o teŋgɛ̀nɛ̀ o lì òka irzɔ̀ni, ehwànja hwa rza o luwa e njiya o lì ohwa tɔ̀ eyà ya wòhwe o lì jo teŋgɛ̀nɛ̀.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.

2 Pètrò 1:8

È hwèlì tɛ nanù ema ene ɛ̀ɛ̀mɛ̀ e oŋgelì tɛ o tenì ya anyu, eŋge ŋgànà e hwèlì ndi nanù ema lìhwiyè ema e hwɛni lì hvomɛ̀nɛ̀ e Rzàŋgo ya arzu Yerzù Krirztò, lì rza hwɛ ndi ŋgundu, lìni lìhwiyè lì e gbeyà e ŋyàa hwèhvùma.