Tàyìtùrzì 3:13 - Mokpwe: Bakwery (New Testament)

¹³ È keke natɛ̀ɛ e oŋgòwànè Rzɛ̀nàrzì ema a hwèlì e mòtò wa mbenda na Apòlòrzì na oma hwa wòteyà yɔ̀ndɔ̀ ya awu. O ɛnɛ nanù ema o hwa oŋgòwànè o lì luwa hwèemà hwe arzɛ ema wɔ̀ hwa arza lì hvomɛ̀nɛ̀ yɔ̀ndɔ̀ ya awu.

Tàyìtùrzì 3:13 Mawu Ofanana

Matiyò 22:35

Mɔ̀kɔ wa awu ema à mà hwɛ ndi mòòkòlèlì wa e mbenda, rzìi a kèkirzɛ Yerzù na mene miijòwelì nanù ema,

Lukàrzɛ̀ 10:25

Mòòkòlèlì mɔ̀kɔ wà mbenda à mà ɛ̀ndeya Yerzù ò lì mò kèkìrzɛ̀, rzìi a mò ijòwa nanù ema, “Ìi Mòòkòlèlì, mamɛ na tànɛyi lì gbeyà ò lì lùwa lòŋgɛ la gbìndèyà e?”

Lukàrzɛ̀ 11:45

Mòòkòlèlì mɔ̀kɔ wà mbenda, rzì a mò òhweyà nanù ema, “Mòòkòlèlì, ò òhwa tɛ nanù, ò ma ò jò hwɛnyi irzɔ hvɛ.”

Lukàrzɛ̀ 11:52

“Èwòma nà inyɔ hwà-òkòlèlì hwa mbenda! Inyɔ è ùti hwèlìhvòwànì hwe lìyòhva la è ndawò yà lìhwiyè. È rza àrza lì kpèeyà, è rza emeyà hwahvɛhvɛ hwatò hwa kpèeyà.”

Lukàrzɛ̀ 14:3

Yerzù rzìi a ijòwa hwà-òkòlèlì hwa mbenda nà Ihvàlìrzàyì ema hwà mà hwɛ aŋga nanù ema, “È hvòmɛ̀nɛ̀ ò lì wɔ̀wìrzɛ̀ mòtò ò Wùnya wò lì Arzìyòlɛ̀ ŋgà ò rzà hvòmɛ̀nɛ̀ e?”

Lukàrzɛ̀ 7:30

Ndi Ì Hvàlìrzàyì nà hwà-òkòlèlì hwa mbenda hwa rzi emeyà lìkàkɛ̀nɛ la ama Lohwɛ̀ èhwanja hwà mà rzɔ̀rzɔ̀ lì lùhwìrzɛ̀ lì ama Yòwanìrzɛ̀).

Hwègbèèlì 15:3

Hwàtò hwa ŋmèmba hwà mà ɛndɛ lì hwa lìyɛlɛ ò njiya. Nà òma wɔ̀ hwà mà akeyà ò hwèrzòòkà hwe Hvɔ̀nìrzìyà na Rzàmarìyà hwà mà nɔ̀ŋgeyà hwatò nɛ hwaŋga hwatò ema hwa rza enje wònyà Yudà hwà mà tikòwahwɛ ò lì timbeya Lohwɛ̀. Mònò ŋmɛ̀ndì mò ma lìŋgirzɛ hwàlòkèlì hwa arzɛ.

Hwègbèèlì 18:24

O èŋge hvònda mòtò mɔ̀kɔ wà Yudà ema à mà hwɛ̀lɛ̀hwɛ̀ Apòlòrzì, ema à mà ŋyahwɛlɛ ò mbòwà ndɛnɛ ya Alɛ̀rzàndrìyà, à mà jà ò Ɛ̀hvɛ̀rzɔ̀rzì. A ma hwɛ ndi mòtò ema à mà hwiya lì òhwa jòhwi ja gbamù, ndèŋgànɛlɛ à mà rzɔŋgɔ lì rzɔ̀ŋgìtɛ̀nɛ̀ la e kaàtì ya ama Lohwà.

Hwègbèèlì 19:1

Nà òma Apòlòrzì à mà hwɛ ò mbòwa ndɛnɛ ya Kɔ̀rintò, Pàwolò à mà akeyà ò tenì ya eŋge erzòòkà rzi a uka ò mbòwa ndɛnɛ ya Ɛ̀hvɛ̀rzɔ̀rzì. A ma ùŋmànɛ̀lɛ̀ ŋgurzu ja hwatò ema hwa lòkɛ̀ Yerzù aŋga.

Hwègbèèlì 21:5

Ndi na òma e hvònda ya arzu na wɔ e ma ɔ̀lɛ irzɔ i ma hwa lìiya aŋga, rzi je ɛndɛ e ya arzu. Wɔ hwa arzɛ na i jòjìyɛ̀ ja awu na hwàanà hwa awu, hwà mà jò lìyɛlɛ ò lì wurza ò tenì ya eŋge mbòwa ndɛnɛ. I ma hwɛmɛ e mbòwa rzìi jò uka ò rzàawà. Irzɔ hwa arzɛ i ma rzuma màwɔ̀ŋgɔ̀ŋgɔ̀ ma arzu ò mòkòkò rzi i kànɛ.

Hwègbèèlì 28:10

Hwanù hwatò hwà mà jò ŋgbàà màahweyà rzayì-rzayì. Nà òma e hvònda e ma ùke ya lì ɛ̀ndɛ yɔ̀ndɔ̀ ya malìhwa, hwanù hwatò hwà mà jò ŋgba mamɛ ya arzɛ ema e jò arzana ò lì ɛ̀ndɛ eŋge yɔ̀ndɔ̀.

Ròmànì 15:24

Nà ikayi lìhvìtà ò lì gbèeyà nanù nàŋgɛ. Nà ò lìŋgàna ò lì e ɛnɛ ò yɔ̀ndɔ̀ ya ami ya lì ɛndɛ ò Rzìpenì. Nà ò lìŋgàna hvɛ ò lì e ɛnɛ na a arza tɛ lì ɛndɛ aŋga, aŋga nanù òma inyɔ hvɛ e ma nò òŋgòwànà ema na ɛndɛ aŋga. Ndi na ò hwɛ na inyɔ ò ŋmanà hvòka hvònda ò lì alɔ̀kɔ̀nɛyi mèèmà me arzu ndèŋgànà na e ɛndɛ.

1 Kɔ̀rintìyà 16:11

O èŋgànɛ̀lɛ̀ rzɔ tɔ̀ mòtò a rzi mo niya. È mo òŋgòwane a ɛ̀ndɛ o yɔ̀ndɔ̀ ya eni na ɛ̀yɔ̀lɛ̀, aŋga nanù mɔ̀ nà hwahvɛhvɛ hwatò hwa Krirztò ema na ambɛ̀lɛ hwanù ùŋmanɛlɛ anù.

1 Kɔ̀rintìyà 16:12

Lì hvomɛ̀nɛ̀ ŋmanyàŋgò hwa arzu Apòlòrzì nà mà màa lì mò kɔmɛ̀lɛ̀ nanù ema a jè mojeŋga o mba anyu ŋmèmba na hwanɛ̀yi hwatò hwa Krirztò ndi à rza ohvi ŋmèma o lì jà naŋgɛ mɛnɛ. È hvonda ema a o luwɛ ŋmàna hvonda a o ja òŋgo.